影片
更多
2021-12-04
333 瀏覽
9 0 後 的 味 蕾.生蠔🦪專門店就聽得多啦，青口專門店應該比較少見，喺K11 Musea近海旁嘅位置開咗間新餐廳，提供法式歐陸菜，主打4款青口料理，.餐廳設計好有品味，採用左藤椅木枱傢俬，仲要有一排吧枱，可以望住成個廚房，見證住廚師炮製每一道菜式。.🪄帆立貝吞拿魚帆立貝、吞拿魚、青瓜、牛油果，切成細細粒，再用少少鹽同胡椒調味，面層再放上食用花裝飾，非常精美，再加上帆立貝同吞拿魚好新鮮，唔需要加啲重口味嘅調味料都好好食，$128呢個價錢CP值高，👍🏻推薦必點。.🪄 法式藍芝士汁煮青口青口係當日由法國運送香港，所以特別新鮮，雖然細細粒，每一粒手口肉都充滿水份，濕潤軟滑，幾juicy，唔會好似超市雪藏咗好耐乾淨淨嗰啲，而且粒粒都係鮮橙色。食之前盡量筆啲湯就會食到濃郁嘅芝士味，每一碟青口仲會跟一籃薯條添🍟.🪄 西班牙有汽酒Cava而家叫一份青口就送一杯，啲氣持久力好強，不斷向上卜卜卜卜，過咗10幾分鐘都仲係有氣，未飲之前以為會好甜，點知入口完全冇甜，適中嘅酸度，似白酒嘅味道，多過甜酒，好正。.🪄三文魚意粉Creamy口感濃郁，而且唔會好乾，仲見住廚師將芝士削片，鋪滿晒成碟意粉。離開餐廳嘅時
.
生蠔🦪專門店就聽得多啦，青口專門店應該比較少見，喺K11 Musea近海旁嘅位置開咗間新餐廳，提供法式歐陸菜，主打4款青口料理，
.
餐廳設計好有品味，採用左藤椅木枱傢俬，仲要有一排吧枱，可以望住成個廚房，見證住廚師炮製每一道菜式。
.
🪄帆立貝吞拿魚
帆立貝、吞拿魚、青瓜、牛油果，切成細細粒，再用少少鹽同胡椒調味，面層再放上食用花裝飾，非常精美，再加上帆立貝同吞拿魚好新鮮，唔需要加啲重口味嘅調味料都好好食，$128呢個價錢CP值高，👍🏻推薦必點。
.
🪄 法式藍芝士汁煮青口
青口係當日由法國運送香港，所以特別新鮮，雖然細細粒，每一粒手口肉都充滿水份，濕潤軟滑，幾juicy，唔會好似超市雪藏咗好耐乾淨淨嗰啲，而且粒粒都係鮮橙色。食之前盡量筆啲湯就會食到濃郁嘅芝士味，每一碟青口仲會跟一籃薯條添🍟
.
🪄 西班牙有汽酒Cava
而家叫一份青口就送一杯，啲氣持久力好強，不斷向上卜卜卜卜，過咗10幾分鐘都仲係有氣，未飲之前以為會好甜，點知入口完全冇甜，適中嘅酸度，似白酒嘅味道，多過甜酒，好正。
.
🪄三文魚意粉
Creamy口感濃郁，而且唔會好乾，仲見住廚師將芝士削片，鋪滿晒成碟意粉。
離開餐廳嘅時候，發現門口仲有個打卡位😇，另一點不得不提嘅就係服務，我哋每食完一度餸，侍應都會幫我哋換一隻碟，足以反映餐廳對食物嘅要求，希望客人食到原汁原味。
張貼
