浪．居酒屋 (已結業)

日式居酒屋比人嘅感覺都係木系裝修，細細間且空間感非常一般，Nami（浪。居酒屋）嘅新派裝潢及環境絕對能帶來不一樣的用餐體驗。位於金朝陽中心二期一樓，樓底極高，店方善用呢個優勢設置大量LED燈，現場睇，都幾有夢幻嘅感覺，打卡一流。燒牛舌 ($68): 一串共有四件，厚切，且肉質爽滑Juicy，幾有肉感，牛味濃郁，帶鹽和黑椒香。炸芝士 ($58): 新鮮炸起，芝士仍然保持熱溶質感，芝味香濃，唔係普通Mozzarella Cheese咁簡單，幾好食。特上壽司盒 ($398/12件): 唯一欠缺係無人介紹呢個隨機嘅盛盒，以個人認知，十二件壽司包括金目鯛、深海池魚、中拖羅、吞拿魚、左口魚、海膽、三文魚籽、赤貝、油甘魚腩、珍寶紅蝦，其餘兩款我都唔清楚可能係真鯛之類。以壽司定食黎講，質素算係唔錯：火灸左口魚入口即溶，油香豐富；拖羅壽司同樣帶有油香，既滑且帶少許筋肉嘅咬勁；海膽香滑，但質素一般唔算特別；金目鯛為上品，味道鮮甜；油甘魚雖然唔係貴野，但腩位嘅油香較為豐富，味道唔錯。照燒美國肉眼牛扒 ($198/配茶碗蒸及沙律): 肉眼滑嫩又有豐富肉汁，照燒汁唔會過於濃郁，與牛扒蠻搭配，廚房仲加左啲炸蒜片，