影片
更多
2023-10-08
267 瀏覽
行街行到攰攰地，見到附近有間Lady M，即刻衝去排隊🤭等左大概二十分鐘就可以入座，同朋友仔靜靜地傾偈，度過左悠閒愜意既兩個鐘！🍰伯爵茶千層蛋糕選用法國出產既伯爵茶🍃經過加工處理後變成柔滑既伯爵茶忌廉，係每一層既手工班㦸皮中均勻咁塗上，再係面頭鋪上矢車菊花既花瓣作為點綴！蛋糕口感絲滑軟熟，茶香芳郁，薄薄既班戟密密麻麻有成二十多層，睇落好重忌廉，但入口驚喜到唔會有好滯好漏既感覺，反而有陣幽香怡人既香氣，真係大師級既千層蛋糕🫶🏻🍰芒果千層蛋糕期間限定既款式😌即使到左十月，溫度仍然高企不下，悶熱既天氣最岩食酸酸甜甜既芒果！賣相一如既往咁討好，但入口感覺非常一般🙈面層清甜既呂宋果肉配上一層魚膠粉，感覺好似食緊出面廉價蛋糕咁。芒果鮮忌廉幼滑帶有一股芒果幽香，但果蓉方面甜到有啲假，溝左好多糖落去，味道唔自然！📍Lady M 沙田沙田正街18號新城市廣場一期3樓309A號舖
🍰伯爵茶千層蛋糕
選用法國出產既伯爵茶🍃經過加工處理後變成柔滑既伯爵茶忌廉，係每一層既手工班㦸皮中均勻咁塗上，再係面頭鋪上矢車菊花既花瓣作為點綴！蛋糕口感絲滑軟熟，茶香芳郁，薄薄既班戟密密麻麻有成二十多層，睇落好重忌廉，但入口驚喜到唔會有好滯好漏既感覺，反而有陣幽香怡人既香氣，真係大師級既千層蛋糕🫶🏻
🍰芒果千層蛋糕
期間限定既款式😌即使到左十月，溫度仍然高企不下，悶熱既天氣最岩食酸酸甜甜既芒果！
賣相一如既往咁討好，但入口感覺非常一般🙈面層清甜既呂宋果肉配上一層魚膠粉，感覺好似食緊出面廉價蛋糕咁。芒果鮮忌廉幼滑帶有一股芒果幽香，但果蓉方面甜到有啲假，溝左好多糖落去，味道唔自然！
📍Lady M
沙田沙田正街18號新城市廣場一期3樓309A號舖
張貼
