韓閣 (已結業)

黃大仙元朗都好多嘢食喎，一於食呢間韓國餐廳先♥️紫菜肉鬆蛋捲，紫菜夠脆，肉鬆甜甜地，加埋蛋既熟度岩岩好，蛋味好香。凍檸檬水大大杯勁吸晴，你點估到凍檸水竟然用大大既酒杯裝。爆醬黑豚豬仔骨鍋熱㷫㷫，豬仔骨惹味，加埋大量蔬菜熬製，個湯底好濃味，食嚿豬仔骨再飲啖湯。水梨牛展水冷麵酸酸微微咁勁開胃，牛展味道好濃，而且麵既咬口感好煙韌，份量又大份，真係飽肚之選。脆脆瘋薯棒，勁有夜市feel，口感咬落似薯皇，加埋韓式既調味粉，味道夠出！綠茶紅豆乳酪冰勁大份，我覺得甜度都足夠，大大座既冰山，當然好物沉歸底，牛奶入面有清涼既仙草同乳酪爆珠，用呢個甜品黎收尾真係岩岩好。