大鍋口海鮮火鍋店

營業中

休息中

好耐無食羊腩煲，今日專程搵左一間既有羊腩煲，又有任食火鍋嘅火鍋店，當在香港單點一碟牛都要近$300嘅時候，任食火鍋又的確吸引，即使牛肉質素難以同單點嘅直接比較，但勝在性價比，無得輸！打邊爐前可選麻辣雞煲/ 枝竹羊腩煲，羊腩煲須加$58元，但就幾大煲，好多肉，醬汁濃郁惹味，羊腩件炆煮至非常軟腍入味，羊味香，羊羶味唔重。枝竹吸曬汁都幾好食。火鍋揀選左豬骨湯，有兩大舊豬筒骨，連住唔少肉，幾香滑好食，筒骨仲有唔少豬骨髓，巨香！火鍋先送一碟$148元嘅極品肥牛，其後任點嘅只有手切肥牛，極品肥牛色澤紅潤，脂肪分佈均勻，帶適量油香，牛味適中，手切肥牛嘅質素亦相約。鵝腸新鮮，帶少許脂肪，食落幾香滑，質感亦十分爽彈。其他食物選擇都幾多，基本上唔會食得曬，Btw海蝦同白鱔片都幾新鮮。