影片
更多
2025-05-17
0 瀏覽
。O小姐。發掘港島西 - 雞蛋仔？菠蘿包？茶餐廳。日常。發掘完港島東，決定研究吓港島西（其實係因為嚟緊都要去西邊做嘢，咁冇理由唔對自己好啲搵啲嘢食㗎）見完客三點幾，本身諗住去茶餐廳食嘅，冇乜頭緒，上網碌吓碌吓，突然間諗起近期喺網上面成日見到reel，話有菠蘿雞蛋仔，菠蘿包細個就食得多啦，老子都好鍾意食嘅，雞蛋仔格仔餅我都鍾意食，但係菠蘿包加雞蛋仔係咩事情，所以決定去睇睇。用Google Maps睇路，行嚟行去唔到，9曲13彎之後，發現原來係細個同阿媽買海味嗰條街🫣 喺門口都已經見到有好多人喎，心諗，雞蛋仔應該都唔會排好耐嘅啫，咁樣照去啦。上到去有個店員就問有冇落咗單啊，我話未呀，咁佢就叫我喺部機度落單啦，原來有堂食同埋外賣，平時雞蛋仔都係外賣，有堂食，再加上天氣咁熱，冇理由唔係堂食㗎？點咗個菠蘿包雞蛋仔，跟住仲見到佢有鹹食嘅雞蛋仔 😳黑人？？？咁fusion！同事話既然都係要食，不如試埋佢啦，咁同事比較大食嘅，就一次過嚟個堅嘅😳 好，既然咁講，我哋就率先試試試一試啦！落完單都要等15至20分鐘，店員話佢哋係即整嘅，同埋我哋前面都有一堆單.. 好啦，咁我哋坐低玩吓電話先🤫順便覆下emai
發掘完港島東，決定研究吓港島西（其實係因為嚟緊都要去西邊做嘢，咁冇理由唔對自己好啲搵啲嘢食㗎）
見完客三點幾，本身諗住去茶餐廳食嘅，冇乜頭緒，上網碌吓碌吓，突然間諗起近期喺網上面成日見到reel，話有菠蘿雞蛋仔，菠蘿包細個就食得多啦，老子都好鍾意食嘅，雞蛋仔格仔餅我都鍾意食，但係菠蘿包加雞蛋仔係咩事情，所以決定去睇睇。
用Google Maps睇路，行嚟行去唔到，9曲13彎之後，發現原來係細個同阿媽買海味嗰條街🫣
喺門口都已經見到有好多人喎，心諗，雞蛋仔應該都唔會排好耐嘅啫，咁樣照去啦。
上到去有個店員就問有冇落咗單啊，我話未呀，咁佢就叫我喺部機度落單啦，原來有堂食同埋外賣，平時雞蛋仔都係外賣，有堂食，再加上天氣咁熱，冇理由唔係堂食㗎？
點咗個菠蘿包雞蛋仔，跟住仲見到佢有鹹食嘅雞蛋仔 😳黑人？？？咁fusion！同事話既然都係要食，不如試埋佢啦，咁同事比較大食嘅，就一次過嚟個堅嘅😳 好，既然咁講，我哋就率先試試試一試啦！
落完單都要等15至20分鐘，店員話佢哋係即整嘅，同埋我哋前面都有一堆單.. 好啦，咁我哋坐低玩吓電話先🤫順便覆下email
終於等到叫我哋號碼，先嚟咗菠蘿包雞蛋仔，好得意喎！每一粒都係一個菠蘿包嘅樣啊！好搞笑啊，如果肥仔喺度嘅話佢應該會一啖食晒！ 每一粒菠蘿包雞蛋仔都係真係一個菠蘿包嘅味道，咁佢外面嗰層都係仲係脆卜卜嘅，好得意喎，不過我覺得一定要同人share，一個人食會好飽，你諗吓一個人食咗咁多個菠蘿包好難唔飽🤭
菠蘿包雞蛋仔、4拼鹹味雞蛋仔、黑糖桂圓薑茶、冰鎮奶茶
0 瀏覽
0 讚好
0 留言
菠蘿包雞蛋仔
17 瀏覽
0 讚好
0 留言
跟住到我哋期待已久嘅鹹味雞蛋仔啦！一上嚟就有一浸茶餐廳嘅味道，店員話每一粒都有驚喜，因為我哋叫咗幾款味（鹹牛肉、火腿、蛋、午餐肉） 。呢一個對比係菠蘿包雞蛋仔嚟，呢個相對有驚喜，每一粒都好似食茶餐廳下午茶嘅三文治，鹹牛肉有鹹牛肉味，火腿蛋包、餐蛋包，食完呢個真係超級飽，同埋一定要同人share！！呢一個同菠蘿包髀呢佢就軟身啲，我諗係因為入面啲餡嘅問題？但係都幾特別，我覺得可以當一餐正餐嚟食。
鹹味四拼雞蛋仔
0 瀏覽
0 讚好
0 留言
4拼鹹味雞蛋仔
16 瀏覽
0 讚好
0 留言
我哋另外仲嗌咗兩杯嘢飲，一個係黑糖桂圓薑茶，另外叫咗個冰鎮奶茶。個薑茶幾特別，我仲以為佢茶包添，點不知佢真係有薑有黑糖有桂圓，成件事好fusion啊，食外賣嘅雞蛋仔，但係有茶餐廳嘅味道跟住再加呢一個hightea嘅茶🤭唔怪得知咁多人嚟打卡啦。 冰鎮奶茶就正正常常囉，夏天解暑。
成餐飯都唔平㗎，所以唔好諗住係食完正餐落嚟食個茶點，我覺得可以當一個餐嚟食，同埋食完真係好如果一個人嚟食嘅話，點一款就夠，或者睇吓有冇機會有雙併。
食完走人繼續去見客，經過門口諗住影返張相做紀錄，發現原來佢係有做慈善個喎，社企啲朋友，不枉我行咗咁耐去搵返呢間舖頭嚟幫襯，繼續支持吓香港嘅餐飲業💪🏻
張貼
