影片
更多
2025-05-26
347 瀏覽
。O小姐。東區居酒屋。日常。上完義工training，咁我諗住喺附近同埋朋友一齊食少少嘢傾埋啲手尾啦，喺地鐵站附近就搵到呢一間居酒屋，佢門口已經有好多Menu，一目了然，就係見佢好似有咁多嘢咁就決定試一試啦。由於我哋之後都可能仲要食正餐，所以我哋都係串燒為主，我哋叫咗鵪鶉蛋豚肉卷、伊比利亞醬粿豚臘肉、雞腿肉、鰻魚、魷魚 。除咗串燒之外，我哋仲叫咗厚燒豆腐、資深燒飯團、海膽熔岩魚餅、炸雞、最後食食吓都係嗌咗個飯，焱一灼燒蟹膏飯，去居酒屋梗係會嗌埋啦，嗌咗杯檸檬威士忌🤣串燒，比較驚喜嘅係伊利比亞像果豚肉，個醬汁幾出色，豬肉都唔會話太嚡，鰻魚方面都燒得啱啱好。另外這個芝心燒飯團，食落去都真係幾芝士味🤭另外覺得必須要點嘅係海膽熔岩魚餅，本身仲一路喺度諗緊究竟係乜嘢魚叫熔岩魚？問咗店員，原來佢係一個形容詞嚟嘅，佢就係一個魚餅囉，跟住入面就會有海膽，因為會即叫即做，所以流出嚟就會好似熔岩咁🤣呢間舖頭因為都幾近返工嘅地方，所以我哋嚟到嘅時候都好多人，差啲要同人爭位keep住都有附近嘅返工人士同埋街坊過嚟食飯。我諗如果喺附近想平平哋飲杯嘢，吹吓水嘅話都可以幫襯吓嘅，不過就叫佢哋個set會抵啲囉， ha
上完義工training，咁我諗住喺附近同埋朋友一齊食少少嘢傾埋啲手尾啦，喺地鐵站附近就搵到呢一間居酒屋，佢門口已經有好多Menu，一目了然，就係見佢好似有咁多嘢咁就決定試一試啦。
由於我哋之後都可能仲要食正餐，所以我哋都係串燒為主，我哋叫咗鵪鶉蛋豚肉卷、伊比利亞醬粿豚臘肉、雞腿肉、鰻魚、魷魚 。除咗串燒之外，我哋仲叫咗厚燒豆腐、資深燒飯團、海膽熔岩魚餅、炸雞、最後食食吓都係嗌咗個飯，焱一灼燒蟹膏飯，去居酒屋梗係會嗌埋啦，嗌咗杯檸檬威士忌🤣
串燒，比較驚喜嘅係伊利比亞像果豚肉，個醬汁幾出色，豬肉都唔會話太嚡，鰻魚方面都燒得啱啱好。
另外這個芝心燒飯團，食落去都真係幾芝士味🤭
另外覺得必須要點嘅係海膽熔岩魚餅，本身仲一路喺度諗緊究竟係乜嘢魚叫熔岩魚？問咗店員，原來佢係一個形容詞嚟嘅，佢就係一個魚餅囉，跟住入面就會有海膽，因為會即叫即做，所以流出嚟就會好似熔岩咁🤣
呢間舖頭因為都幾近返工嘅地方，所以我哋嚟到嘅時候都好多人，差啲要同人爭位keep住都有附近嘅返工人士同埋街坊過嚟食飯。
我諗如果喺附近想平平哋飲杯嘢，吹吓水嘅話都可以幫襯吓嘅，不過就叫佢哋個set會抵啲囉， happy hour好似仲有得嗌嘢飲加嘢食，佢仲有個清酒放題，啱晒啲酒鬼🤣
張貼
