影片
港鐵鰂魚涌站 A 出口, 步行約4分鐘
繼續閱讀
電話號碼
25588168
開飯介紹
定價相宜的日式居酒屋，招牌焱一炙燒蟹膏飯及手工串燒菜品選擇繁多，另有不少風味獨特的佐酒料理，午市則供應日式定食套餐。
繼續閱讀
營業時間
今日營業
11:30 - 15:00
17:30 - 22:30
星期一至五
11:30 - 15:00
17:30 - 22:30
星期六
17:30 - 22:30
星期日
全日休息
以上資料只供參考, 請與餐廳確認詳情
有關獎賞計劃
上完堂後，約左朋友去食串燒飲梅酒，傾計暢飲呢間係鰂魚涌近B出口，行幾分鐘就到，好多人幫襯🐥雞心 $30 ~ 一咬爆汁，口感彈牙🐮澳洲和牛小排 $68 ~ 牛味濃郁，肉質嫰滑🐽荔枝豚肉卷 $30 ~ 清甜既荔枝中和豚肉的膩，好正🐽酸薑紫蘇豚肉卷 $30 ~ 呢款個人覺得幾特別，層次豐富，紫蘇葉獨有既味道，配上微辣既酸薑，食多幾串都唔會膩🐽日本年糕豚肉卷 $30 ~ 燒到焦香既豚肉，包住煙韌既年糕，真係好幸福🧀🍅芝士車厘茄豚肉卷 $30 ~ 食呢個真係小心燙咀，一咬車厘茄就爆汁，非常juicy梅酒2杯 $136 ~ 梅酒加冰非常解膩 ~ 梅味香甜突出🐡味淋魚干 $68 ~ 送酒一流，煙韌口感🐟海膽溶岩魚餅 $48 ~ 唔好睇佢黑蚊蚊，一咬落就係滿滿既海膽，非常鮮味🦀自家製免治蟹肉棒 $48 ~ 免治雞肉棒食得多，免治蟹肉真係比較少，估唔到蟹味咁突出，蘸埋月見一齊食感覺真好圓潤食左咁多肉，要食番d素既平衡下鮮冬菇 $20 ~ 冬菇幾大粒，唔會好乾，幾惹味厚燒豆腐 $22 ~ 好多木魚係上面，咬開仲係好juicy泡菜豆腐湯 $30 ~ 見到呢個好想飲，泡菜份量十足，豆腐同燒豆腐唔一樣 ~ 各有千秋🐽豬軟骨豚骨烏冬 $78 ~ 朋友收工唔夠飽，要叫多個烏冬食，豬軟骨勁腍，烏冬彈牙老闆娘好熱情，下次再經開呢度會想試下清酒放題，同埋其他串燒 ~
繼續閱讀
★「炎一」日文 ENITSU。 EN在日文同有「緣」的意思一期一會，主厨會竭盡誠意去看待每一次的相遇緣份，爲客人送上最上盛的料理★小妹記得炎一居酒屋在兩年前開店，當時都有留意網上介紹，好似都唔錯㗎。昨晚襯小妹父跑馬日，就帶小妹媽一齊兩母女撐枱腳🫶🏻大概七點去到，已經見到坐滿八成客人啦，都算難得呀，根據小妹認知呢區夜晚好少咁有人氣，由此可見《炎一》應該都好正😍果然全晚食飽後，兩母女真係覺得餐廳做到文章開頭咁「竭盡誠意⋯ 送上最上盛的料理！」小妹溫馨提醒🔔所有餐點均即叫即製，請耐心等候❤️一品料理/前菜：柚子酸汁薄切牛舌（非常開胃，木耳、海藻酸酸甜甜帶點辣，再加上即燒牛舌，係今晚美好嘅開幕）飯類：蒲燒鰻魚飯（先登場是配角，肥美大件鰻魚配上白飯及炒蛋，令兩母女有飯落肚、墊墊胃先☺️）串燒：［重點主角登場啦！］🍢蒜香封門牛柳（牛肉味香反重，唔會被蒜香掩蓋）🍢雞腿肉（厚肉、皮脆肉嫩，一啲都唔乾柴）🍢自家製免治蟹肉棒（係真蟹肉，唔係蟹柳！一絲絲蟹肉鮮甜美味）🍢荔枝豚肉卷（超級juice ~已經第二次食呢款包法）🍢白桃豚肉卷（桃肉燒過特別甜美，豬肉片帶少少辣）🍢秋葵蝦膠（學到野，係新既製法，唔係我所想的蝦膠包秋葵，而係一隻秋葵小船運載著蝦膠貨物，先搽上蜜糖再燒，味道甜蜜蜜）🍢酸薑紫蘇豚肉卷（真心大推‼️小妹食過唔少豚肉包蔬果卷，呢串酸薑紫蘇豚肉卷超級好食🤤，估唔到酸薑都可以做串燒，紫蘇葉獨特香味、酸薑甜酸味，再配燒得香脆嘅豬肉片非常有層次感）小妹媽在香港食過唔少日式串燒，好開心咁講呢間啲串燒好好食，仲話下次要帶爸爸嚟撐枱腳添，小妹自己都感受到老闆娘的溫暖及主廚嘅用心，炎一店舖唔大間，但係充滿着人情味，可以慢慢食慢慢傾計，係一間屬於小妹及家人的真正居酒屋🏮
繼續閱讀
返工忙到癲，收工梗係要搵好朋友一齊食串燒呻吓。由於第日要返工，所以都唔敢飲酒。但如果飲得嘅朋友，可以試吓佢個free Flow $128任飲sake。原來「焱一」日文 係ENITSU，EN 在日文同有「緣」的意思一期一會，主厨覺得同客人相遇都係緣份嘅一種，因此希望爲客人送上最上盛的料理。🌟必試酸薑紫蘇豚肉卷👍🏻👍🏻超級有驚喜，紫蘇葉同啲豬肉卷卷埋一齊，唔係就咁隨便鋪喺面，咬落去好有層次，紫蘇葉同埋酸薑減低咗豚肉嘅油膩感，非常出色👍🏻🧀芝心燒飯團呢個又係必試嘅，飯團燒到脆卜卜，入面嘅芝士好流心好香，配埋上面嘅芝士汁食到舔舔脷。另外叫左雞肝、雞心同自家製免治雞肉粹，我稱佢為雞之三寶🤣雞肝雞心都燒得啱啱好，唔會太乾，免治雞肉碎棒配埋生蛋汁，甜而不漏，仲有啲脆骨，好有口感。🐟三文魚腩同蒜香封門牛柳都唔錯，三文魚皮脆卜卜，封牛柳燒到啱啱好👍🏻🍠仲有秋葵同蕃薯仔，秋葵好新鮮，好爽脆，唔會滑潺潺。而番薯仔就好甜。🍜吉列蝦餅虎蝦濃湯烏冬吉列蝦餅炸皮好薄，蝦肉爽口彈牙，烏冬都好有咬口，吸晒啲濃湯超滿足。居酒屋細細間，播住日文歌同掛左好多日本風嘅相，好有身處日本嘅感覺，真係好啱三五知己聚腳傾偈。
繼續閱讀
呢間居酒屋嘅燒物真係有驚喜。今日試咗5️⃣款推介菜式，全部高水準無伏位，仲要價錢夠貼地👇🏻🍍荔枝豚肉卷 $38豚肉🐖外層焦脆帶炭香 咬落爆出清甜荔枝汁💦 油膩感瞬間清零，想即刻encore多份😍👅美國厚切牛舌芯 $58舌控必點‼️厚切牛舌外皮焦香，內裡肉汁多到滴出嚟💦 爽彈度直逼高級燒肉店水準。🥩澳洲和牛小排 $68肉質軟腍無筋，一口咬下油脂香味四溢🤭，肉味濃肉汁滿滿🐟三文魚腩 $38平時食刺身多 燒魚腩意外驚艷！魚皮脆到似薯片 魚油香得嚟夠焦香， 師傅火候掌控💯🍤吉列蝦拼虎蝦濃湯烏冬 $78炸蝦餅外脆內彈牙，湯底蝦味濃郁，每啖湯非常鮮甜鮮✨️
繼續閱讀
「焱一」藏身鰂魚涌小街，霓虹燈箱下飄來陣陣燒烤香，可以想像師傅即場燒烤的畫面，根本日劇《深夜食堂》現實版！街坊熟客一進門就被親切招呼，彷彿回家吃飯般自在。 必試創意卷物——虎蝦紫蘇豚肉卷爆鮮甜彈牙，白桃豚肉卷果香解膩，酸薑紫蘇版本更顯驚艷！秋葵蝦膠脆中帶糯，活鰻皮脆肉鮮。海膽溶岩魚餅咬開爆漿，蟹膏飯醬汁香氣逼人，自家製免治雞棒混入軟骨增添口感。 同場加映芝士櫻花蝦翠玉瓜，鹹香牽絲配上清甜瓜肉！還有厚燒豆腐及芝心燒飯團！
繼續閱讀