福源川香閣

營業中

休息中

午飯時間同事話好想食川菜，越辣越好，咁啱醒起修頓球場對面有間川菜餐廳，口碑一路都幾好，咁就一於試試。我哋總共叫咗三樣嘢食，［麻婆豆腐$58◻️］辣度較溫和，主要嘅辣來自豆瓣醬同花椒粉，個汁超級下飯🍚🍚🍚另一碟都有豆腐嘅係［豆花牛柳$168🥩］，豆腐比麻婆豆腐更細滑，感覺比較似豆腐花，牛柳肉味濃郁，連埋麻辣湯一齊食好舒服😉［霸王蝦$158🦐］份量都唔少，乾辣椒炒得好香同乾身，食蝦時連埋啲乾辣椒食絕對可以提升辣度⬆️加分位係蝦肉唔霉，仲係好彈牙，連埋殼食都仲得添～午餐食完辣野好似特別醒神🤩加上啲座位夠闊落，可以坐得舒舒服服咁食嘢，睇嚟我哋好快又會再嚟食午餐啦😚