影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
行過路過咁啱又肚餓，就入左‘’越一‘’食晚飯。 入到嚟都差不多坐滿晒人，再聽到事頭婆同啲客好親切咁傾計，就知係做熟客多，街坊生意👍 前菜自己任夾，仲有生果添，真係想得周到😍 豬頸肉青木瓜沙律 $58豬頸肉肥瘦適中，燒得好惹味，配青木瓜沙律味道清新，就最夾啦～ 酸辣無骨鳳爪 $56天氣熱，食個涼拌小菜最開胃，鳳爪酸酸辣辣，爽中帶甜，醒胃👍 椒鹽軟殼蟹 $98椒鹽炒什麼都好味，尤其是軟殼蟹，無骨，啖啖肉。細細隻得嚟又有膏，真係好好味😋😋😋 火車頭湯金邊粉 $72越南粉識食就一定會叫火車頭湯粉因為火車頭嘅湯底超甜，用牛骨，牛肉和多種香料熬制成，配以牛丸，牛肉，牛腩同牛柏葉，非常豐富😍加啲青檸，辣椒令味道更提升😋 椰青 $36食左椒鹽軟殼蟹飲返個椰青，簡直是一樂也😅 椰汁綠豆冰 $18椰汁綠豆冰都係清熱之選呢👍 價錢已經好實惠，仲要全日免收加一，真的好抵食👏👏👏
繼續閱讀
好似飛咗去越南嘅下午茶☕️✈️🇻🇳元宵節同朋友去黃大仙廟市集附近玩，之後我哋就揀咗間餐廳🍴坐低慢慢傾下計聚下舊。啱啱好，我哋去嘅時候係下午茶時間，可以加錢換小食同埋飲品。北寧香茅雞翼湯河 $45 （我哋揀咗金邊粉）始終都係有少少凍嘅天氣，所以食一啲有湯嘅嘢都幾好。香茅雞翼有三件，煎得好惹味！老街香茅豬頸肉飯 $48豬頸肉薄薄地，有燒烤嘅感覺。比想像中嘅口感柔軟。整體嘅呢度菜式都幾好食。佢跟餐餸一碗冬瓜湯，趁熱飲！下午茶升級優惠，我哋每個餐，分別都加配一份小食。牛肉青木瓜沙律 $28青木瓜酸酸甜甜，連埋啲牛肉好好食！西貢扎肉蒸粉包（半份） $18推薦呢一個小食，外層有少少粉果嘅感覺，成個扎肉基本上一口就已經可以品嚐，啖啖扎肉嘅滋味，令我想起去越南旅行嘅回憶！朋友叫咗個椰青 $28因為佢話想食得健康啲，見佢不停咁樣喺度不椰子肉，又話啲嘢椰子汁好新鮮！越式滴漏咖啡 ☕️ $18 （熱）我就揀咗越南咖啡，上邊有一個滴漏器皿，加上沸騰嘅熱水，就會見到一滴滴嘅黑色咖啡，慢慢由上面嘅器皿滴落去已經放咗牛奶嘅玻璃杯入面。慢慢一路食嘢一路等呢個咖啡自己沖好！沖完之後就移開上面嘅滴漏器皿，用匙羹🥄慢慢攪拌，令到黑咖啡同埋牛奶混合為一。有少少美式咖啡嘅感覺，牛奶味比較淡，咖啡味香濃！我哋係窗口嘅位置，光線十足。空間感都唔錯。職員態度友善，上菜都算快嘅！
繼續閱讀
細個住係西貢，會成日去鳳凰新村同鳳德村陪媽媽行街市，今日放工後舊地重遊，行翻去鳳德公園懷緬一下，然後去左附近既越一餐廳食越南菜。星期一晚餐廳既電話響過不停，外賣一單接一單，久唔久亦會有熟客仔一坐低就講句“照舊”，眼見呢一間餐廳應該係區內幾有名氣亦有回頭客，而我試過後，都應該會成為回頭客。🤩💖越南菜一定要試下火車頭湯河，湯底清甜，牛肉肉質好好，份量超大，如果係冑口大既男士都應該夠食。🥰另外嗌左碗蟹肉湯河，用上勁多既蟹肉碎同埋蕃茄，睇得同食得出廚師既心思，呢碗又係勁大碗，一個女仔有機會食唔哂呢。😆我地仲嗌左小食拼盤，一上桌，嘩左一聲，好大盤。😱😱😱店員呈上既時候配上一小碟酸甜醬，再配一個空碟話用來倒魚露，好貼心。小食拼盤既雞翼無得頂，超級入味，雞翼上面加上炒香左既乾蒜，配合店家既獨門秘方，超級好味道。🤩春卷炸得好啱時間，配合生菜包加上酸甜醬，內里既磨菇絲菜絲，好野味。越式粉包一直係我既至愛，呢間餐廳係一客扎肉係上面，seasoning做得好正令人一口接一口。💖埋單三百幾蚊，超值，會再來的。💖埋單時店員猛甘話招呼唔到，但其實佢已經好好招呼，每一度菜上桌都會講解下，希望你地繼續好生意，客似雲來。🥰
繼續閱讀
在黃大仙探朋友，朋友介紹這間很受街坊歡迎、價錢親民的越式小店。餐廳有一人、二人套餐的組合，因餐廳沒有加一服務費，所以相當抵食。👭🍽️🇻🇳✨ 一人撈檬套餐（$88），包了一份撈檬、小食、飲品，價錢都幾相宜。撈檬選了豬頸肉，豬頸肉炸得鬆軟爽口，檬粉和配菜比例相若，生菜、青瓜、白蘿蔔和紅蘿蔔絲、花生碎、炸蒜，真係大大碗。加埋撈檬汁一齊撈，酸酸甜甜，份外開胃。小食選了炸春卷，春卷炸得好脆，份量少少，絕對可以過一下口隱。飲品可選餐牌$18以下價錢，基本上已經可以選揶子冰的級數。我就選了三色冰，所以絕對是平食之選。😉👍🏼🍱🥥🧉✨ 香茅豬扒湯河粉（$58），炸香茅豬扒肉質嫩滑，香茅味醃得突出，湯河的湯底清甜，湯底絕對唔會搶左濃味的豬扒的味道。🐷🍲軟殼蟹米紙卷（$52），米紙卷很晶瑩，外皮帶點煙韌，軟殼蟹炸得很香脆，而且包住新鮮的蔬菜，吃起來口感豐富，相當爽脆。🦀😋法式燒牛肉包（$48），餐廳是即叫即焗，送上枱時真係好熱辣辣，夾住的牛肉都真係唔少，牛味香濃，每一口咬落去都非常脆口，法包中間的部位塗上一層豬肝醬，令食起法包上來更加香濃細滑。🌯🔥✨ 倒立柚子沙冰（$28），柚子沙冰撞忌廉梳打原來都是幾夾的配搭。🍹🧊
繼續閱讀
每個星期五都要費神吃什麼晚餐後再上學，油尖旺區的餐廳好像已經吃得太多；反而公司附近的鮮有光顧所以這晚來探索一下！久未嚐過越南菜，這次就來吃吃看 1人米飯套餐（海南雞飯+炸蝦餅） $88本想吃粉麵但作為海南雞飯控看到店家有海南雞飯供應，而且價錢不貴還要是套餐會有多份小食可選，已經是毫無懸念的要來吃！海南雞飯可選白飯或油飯，自己選了後者，油份控制得宜味道不錯；例湯用料豐富，香甜沒味精很好喝！主菜海南雞的份量不少，主要是雞胸部份但吃起來還是嫩滑好吃，醬汁跟星馬版同樣有三款，個人還是認為甜醬油最好吃～ 小食又多個款式選擇，選了炸蝦餅，新鮮爽彈，配酸甜醬就更惹味！牛油軟殼蟹 $98很常在越南菜見到的牛油軟殼蟹，份量超多嚇一跳呢！軟殼蟹size偏大，蘸上薄薄的炸漿後油炸，入口香酥內軟且帶濃烈的牛油香，加上軟殼蟹自身的肉量蠻多，香酥味美吃不停口啊上湯蘿蔔 $22想吃點蔬菜點來上湯蘿蔔，份量十足，蘿蔔爽甜且吸收了滿滿上湯香味，更可以去走油膩感！椰青 $26（跟餐加配價）套餐其實會有一杯飲品贈送，也可以多花費錢點來椰青跟特飲！超愛喝椰青的我絕對不會錯過～ 其實加配價並不昂貴（畢竟在香港喝新鮮椰青實不便宜），椰青大大個水量極多，清甜解渴超讚！店家在距離黃大仙地鐵站約十分鐘路程，主打親民價格的越南菜，食物款式更是豐富多選擇；小店鋪面大小屬中等，簡約光猛的裝潢衛生環境不錯，店員友善又有人情味，難怪有不少居住附近的街坊、學生又或者如我這種在附近上班的朋友來光顧～
繼續閱讀