影片
電話號碼
96759318
營業時間
今日營業
11:30 - 15:30
17:30 - 21:00
星期一
11:30 - 15:30
17:30 - 21:00
星期二
全日休息
星期三至日
11:30 - 15:30
17:30 - 21:00
以上資料只供參考, 請與餐廳確認詳情
夜晚買外賣，突然想食啲易入口嘅嘢，突然諗起依間，其實我之前都食過一次堂食，都唔錯⋯⋯今次外賣叫多啲，叫咗碗火車頭，另外一碗雞肉扎肉湯檬粉和六隻牛油雞翼…店舖真係一間小店😅得十零個位， d staff全部應該都係越南人士， 所以味道都幾地道，食物質素都高，火車頭唔錯⋯⋯尤其是啲牛丸真係好好食，雞肉扎肉就正常發揮…清清地， 而牛油雞翼應該堂食會好食啲，炸完即刻食嘛⋯⋯返到屋企食係會冧咗，但係都唔差（不過突然想起以前銅鑼灣有間越南嘢，d 牛油雞翼真係一絕-近怡東和油站附近，不過都好多好多年前，如果冇記錯好似間嘢叫青庭）😂如果香港仔嘅朋友都可以試吓，支持下小店 😜
繼續閱讀
夜晚喺香港仔附近諗食咩，好多餐廳都已經食過諗諗下就試下利群樓下間越南粉麵啦！因為平時都好少行到去果頭啲粉麵平均都係50幾蚊碗…又唔洗加一…都算幾抵食叫咗個香茅雞翼撈檬 $52加埋啲汁…汁既味道好食！雞翼都算大隻同入味粉既份量正常…唔多又唔少至於小食就覺得唔太抵食…因為價錢同一個主食差唔多…越式炸春卷 $52幾好食好夠脆，但價錢真係差啲…越南蒜蓉牛油雞翼4隻 $48好香好入味，食完會想繼續食！不過店舖環境比較細，但尚算乾淨
繼續閱讀
聽聞好食，放假特登搭車入去食。點了生牛肉河及雞翼。河粉好大碗，湯底好味，牛肉份量不算多。雞翼味道不錯，但偏咸。店舖環境一般，面積細。店員行過都會踢到凳腳，踢到我懷疑佢係想趕走我。唔係唔好食，但無期望中咁好。
繼續閱讀
一向比較少去香港仔食午餐 突然聽聞係利群附近開咗一間新嘅越南粉麵就同朋友嚟一嚐新鮮⭐️中午時分去到 大約12點左右呢日係紅日但可能係新店，暫時未有太多人知道所以幸運地唔使排隊😎同朋友叫左一碟燒豬頸肉做小食share 大概50幾蚊 份量上都算幾多 肉唔會切得太薄有點份量 另外燒得又唔會太乾或者太燶 食落香口又有少少肉汁咁 伴碟仲有酸蘿蔔絲 幾開胃呢 值得推薦😋😋主食來講 叫左香茅牛肉撈檬配一杯青桔茶 撈檬需要嘅醬汁店家放咗喺枱面任客人添加想食幾酸 自己來調味☺️粉麵嘅份量非常充足足夠飽肚✨牛肉就偏肥膩少少，如果可以揀啲冇咁肥既牛肉會更加好 另外香茅味就唔算太特出 青桔茶唔錯飲 帶有微甜咁 幾潤喉可以一試不過熱飲來講店家用紙杯裝 有點辣手大家攞起來要小心點哦👾
繼續閱讀
簡單講，一間好味的越南粉小食店，試了火車頭及順化湯檬……一個字［好］還有牛𦟌木瓜沙律，材料豐富好味。惟小店坐位只有8～9 bar 位，面前有可自行調加的辣椒粒，打檸，撈檸汁牛𦟌木瓜沙律順化湯檬火車頭河粉青桔茶
繼續閱讀