影片
營業時間
星期一至六
11:00 - 21:00
星期日
全日休息
以上資料只供參考, 請與餐廳確認詳情
之前朋友邀請黎呢間素食店食已係上年7月嘅事。今次就同朋友仲有男朋友三個人一齊再encore....因為一早有打定電話入去問有咩推介小食，所以可以大飽口福喇今次叫左叉燒、小炒皇、泰式豬蹄、仲有我最中意食嘅孜然四季豆了先講講叉燒，論賣相，真係好似啊！甜甜的，仲有陣陣叉燒嘅香味，真係做得好似啊⋯⋯而且口感都好似真叉燒一樣，值得一試！最要推介嘅係「小炒王」啲蝦係用豆腐制，再加上豆角，蓮藕片等等，真係好滋味。店員話如果係食得辣仲好食，不過因為男朋友唔太食得辣，所以就唯有叫小辣啦，哈！其實小辣都好好味啊....唔食得辣嘅人都可以試下呢個...令我最驚喜嘅係泰式豬蹄，燒烤嘅味道加上鮮啤梨....酸酸甜甜咁，好開胃啊......一定要試下呢個喇...唯一美中不足嘅係，四季豆孜然味有，但鹽味就幾乎都冇喇....不過唔緊要啦，我地都會再黎嘅⋯⋯下次一定要食呢個乾炒牛河，講到咁好食咁神似，一定要黎食下😌
繼續閱讀
今次係兜兜豬第一次寫食評,就用一間素食店黎打開頭炮啦~~~夜晚7點鐘,天寒地又凍.....身於田灣既兜兜豬一於去試下食素衝破陣陣既寒風~行過濕滑既街市~上完2層自己動既樓梯~直行到尾角落頭.....就會搵到呢間素食店去到既時候~一個客人都無~我心唸"唔多對路BO..唔通附近D人去晒冬眠?"果一剎那真係有個轉身離去既衝動不過兜兜豬最終都係乖乖咁坐左落黎...睇住個餐牌對兜兜豬黎講都相當頭痕~由於我甚少食素~真係唔係好知叫咩好~最後~叫左一個細羊串(50大元)同埋一個欖菜蒸豆腐(50大元)~隨餐仲附送湯同糖水TIM~等左1,2,3,4....10分鐘後...終於有野食黎啦..先黎既係羊肉串呢碟素羊串真係絕對可以媲美堅羊串~咬落口好香脆~心內面亦都隨之有個疑問"點解真係有穌味既?"不過疑問還疑問~醫肚較要緊....對於串燒黎講~沙嗲汁就佢既靈魂~老闆好大方咁係串燒既面頭淋左大量既"靈魂""靈魂"既味道同羊肉串好配合~又香又脆又野味~係我陶醉緊係呢幾串素羊肉既時候~蒸豆腐亦都上得台~望一望碟蒸豆腐先~哇哇哇~究竟欖菜係唔係唔洗錢架?呢碟豆腐入面幾乎落左半樽超市果D欖菜BO~果真好足料呀...而呢碟送既主腳"豆腐"都比D欖菜完全覆蓋啦...好啦~試下味先~真係好滑~對豆腐甚有要求既我認為呢種係"百X滑豆腐"~呢碟豆腐用黎送飯真係一流...呢個係紅白米飯~感覺上比全白米飯更加健康~不過未必岩每個人既口味~事關唔知係D米本身唔係幾靚定煮既朋友落多左水~食起黎有D"削"~又無咩飯香...不過對於食開軟飯既兜兜豬都可以接受既....不過如果個飯煮得好一點...整頓飯都會好美好...呢個胡椒白果豆豆湯...顧名思義味道除左胡椒味就係胡椒味....雖然天氣凍~胡椒可暖身~BUT..TOO MUCH LA...不過50蚊個小菜雖然唔算得上便宜~但有咁既質數,份量仲有湯/甜水同飯送埋都食得過架啦是日甜水係紅豆糖水~不過唔係我杯荼~兜兜豬心入面有個狂想~唔知佢會唔會送杏仁茶或腐竹白果甜水~總結:羊肉串$50/6串9/10)值得一試~羊肉據了解係用腐皮整既..我本人完全無IDEA要點整呢味送~佢個沙嗲汁較得唔錯~又落得夠份量~價錢亦都好合理~平均8.3一串~街邊買魚旦都要呢個價錢啦....仲送你青瓜幾粒..欖菜蒸豆腐$508/10)味道係不錯~不過主要係用料既問題~豆腐控如我一試無妨....
繼續閱讀
近日都是處理一點 happy problem，既然一場入到來南區，不如就拜訪一下聞名遐邇的「佛有緣」。的確，如果那裡沒有好料我是比較少去街市熟食中心的，何況這個是比較偏遠的呢。上到街市二樓，靜英英的，六時未夠竟已有人在吃飯（這裡晚市五時啟市），懂摸上來的食客，比我想像中多。（誰叫這時候全個熟食中心只有它一檔在營業！）午市套餐當然已沒有供應，晚飯吃小菜為主，當然也有碟頭飯、炒粉麵之類。揀了一輪，決定吃荷葉雲耳蒸素雞（$65）。由於即叫即蒸，所以得要等一下（在街市吃飯就有這個好處了，可享用免費 wifi 嘛）。好，終於來了，這個小菜套餐包括例湯，這天的是冬瓜黑豆湯，很甜美。還有紅白米飯，別看飯好像很少，有需要是可以添吃的，但對我來說這碗也足夠了。這蒸素雞的賣相跟葷食的金針雲耳蒸雞真是一模一樣的，除了那個素雞不是一般的豆腐而是猴頭菇，而吃起來又的確有點像雞肉的質感，真神奇也。配料另有紅棗冬菇等，也有點醬汁好下飯。吃完才想起，這裡出名的好像是素叉燒啊...P.S. 原來佛有緣跟 Green Monday 合作，會定期給長者派素飯盒的呢，又找到一家愛心食肆了。
繼續閱讀
果日冇街去，聽朋友講田灣街市開左間齋鋪，反正食左咁多日大餐，就諗住入去試吓，環境好大都幾舒服，見到幾枱都叫豉油皇炒麵，就叫左個試吓，鑊氣十足，又有例湯送，下次叫多d朋友再食因為d叉燒好似好正咁～～～正！！
繼續閱讀
琴日的起心肝去新嘅佛有緣。小店係田灣街市二樓，去到嘅時候只得一位客人，店主同老人家係度穿緊果皮，加上周圍甜睡中嘅貓貓，感覺非常舒服。我地叫左素叉燒飯($37)同南瓜素碎肉炒飯($37)，送三瓜湯，蕃薯糖水。兩個飯份量十足，飯混入左紅米，叉燒一貫的高水準，跟飯的菜亦非常多；炒飯炒得夠乾身，下次嚟會試辣椒素碎肉炒飯。好喜歡個湯同糖水，湯足料，而糖水啲蕃薯夠晒淋。好滿足嘅一餐，食完可到隔離工廠大廈睇展覽去。
繼續閱讀