影片
電話號碼
92126250
營業時間
今日營業
12:00 - 20:00
星期一至日
12:00 - 20:00
以上資料只供參考, 請與餐廳確認詳情
今日放假去長洲，行行下發現呢間［慢活瞬間長洲粒粒雪糕］，好新好乾淨，老闆好nice，而且夠哂冷氣，熱天黎飲野食小食，好chill。店內有好多懷舊野同特別裝飾，有唱片、舞獅、霓虹燈……還播舊歌，係好岩80後同90後 聽。有超多款式小食，樣樣都好吸引。餐具可以自取。點左撈撈麵、小食、飲品同粒粒雪糕，全部都好味。鰻魚汁帆立貝 $40/串好香好惹味，鰻魚汁甜甜地，好夾海鮮，帆立貝煎得香脆，咬落好嫩好香。份量多又大粒，好味抵食。仲有沙律都新鮮乾淨，蔬菜爽脆，加芝麻醬汁好開胃。法式香草羊架 $88好香帶微微羊羶味，肉質都嫩帶肉汁，有肉香夾著脂肪位，特別重羊位同油香，配沙律消膩。長洲撈撈麵， 可以自選配料，有12款選擇，每款$8，麵底可選辣度。味道係以前好興嘅撈撈麵，揀左少少辣，有蒜香。配料必揀索哂醬汁味嘅牛柏葉、仲有鴨胸同螺肉都好正，係令人懷念嘅味道。蜂蜜蘋果梳打（左）$38 ，蜂蜜白提梳打（右）$38搞勻先飲，清新爽口，有甜甜蜂蜜味，果味都突出，個底有蘆薈粒粒，酸酸甜甜好飲。粒粒雪糕 由韓國直送，又係以前興起，特別在外形同口感，粒粒雪糕入口有獨特感覺，同一般雪糕唔同，味道同口內溶化就同一般雪糕一樣。賣相吸引，用可愛碗仔裝粒粒雪糕。冰極彩虹係雪芭黎，比較清爽味道，酸甜可口又清涼。士多啤梨係雪糕，入口溶化軟綿綿，好味。
繼續閱讀
今日同外國嚟香港嘅朋友嚟長洲小旅行，行入條小巷見到有一幅好靚嘅壁畫，打卡一流，而鋪內嘅座位好寬敞，牆上放咗80年代香港巨星嘅黑膠唱片，仲會播放一啲懷舊音樂，感覺好chill，黎到長洲值得一訪！食物方面都好多選擇，無論小食定係粒粒雪糕都好推薦！🍗南乳雞翼👍🏻👍🏻呢個係呢間鋪嘅招牌小食，真係好好食！首先，份量非常多，共5隻雞翼，而且size都係大大隻。味道方面，表面炸得非常香脆，南乳味濃郁，一咬開就熱辣辣同非常Juicy，炸得啱啱好，非常推薦！🍟天婦羅炸魚配薯條用天婦羅嘅方式炸魚，表皮薄又脆，而且魚柳厚肉，加埋沙律醬，好好味！而薯條份量好多，仲要係粗薯條，炸到外脆內軟，上到枱要攤凍一陣先可以食，用心之作！🍹青檸柚子蜜梳打以有柚子蜜做底，加上新鮮嘅青檸，飲落口非常開胃同滋潤，每啖都有細細粒嘅柚子果肉，味道酸酸甜甜，食左啲炸物再飲一啖係非常解膩。🍨粒粒雪糕（曲奇妙脆 & 軟滑棉花糖）呢個係童年嘅回憶，估唔到長洲都有粒粒雪糕，佢有兩個組合，可以簡一種味道，或者兩種味道！曲奇妙趣，即係Cookie & cream，入邊有啲Oreo碎，口感層次好豐富，比起細個食嘅時候昇華咗好多，好有驚喜！軟滑棉花糖就比較甜，一粒粒雪糕入口即溶，好似食緊會即浴嘅糖果咁，好正！
繼續閱讀
消暑福音🎉原來長洲都有粒粒雪糕🍦食呀，我叫咗依四款口味🎀冰極彩虹🌈不同嘅水果口味而製成嘅rainbow 真係幸福感滿分💯🎀青檸梳打Lemon Lime青檸香甜口味配上梳打真係刺激味蕾👅🎀波子汽水BLUE BUBBLE，童年口憶返曬嚟呀☺️🎀士多啤梨🍓係我最鍾意嘅水果，所以係必叫之選另外再叫咗小食啲懷舊撈麵，用嚟醫吓肚☺️水魷🦑，鮮味爽口泰式炸蝦🍤餅，蝦餅爽口彈牙扭紋薯條🍟 ，我好鐘意食粗而嘅有紋嘅薯條，真材實料再飲番杯梳打特飲，真係由心清涼返出嚟，真係無介紹錯架😉
繼續閱讀
坐在長洲沙灘慢活吓心靈得以清空，沿路漫步看見一間小店(慢活瞬間長洲粒粒雪糕)好特別的店名，也被外牆壁畫吸引，店舖由一對couple 打理，好客而且健談，老闆珍藏八十年代黑膠碟，故事也隱藏和父親的回憶。老闆有拼搏創業精神鼎盛時期元朗、屯門、銅鑼灣…等地方打出名堂粒粒雪糕，因疫情影響，回歸寧靜長洲小島再度開業粒粒雪糕，也為店舖增加其它美食。太太細說當貓義工責任，對貓咪不離不棄情感。更加打入客人心扉，一於留港消費支持小店❣️三文魚沙律三文魚沙律新鮮爽口，魚肉鮮美細嫩，搭配豐富的蔬菜和醬汁，層次豐富，酸甜清爽，是一道健康美食❣️招牌南乳炸雞翼雞翼香氣四溢，外酥內嫩，口感豐富，南乳的獨特風味與雞肉的鮮嫩結合，令人回味無窮。❣️粒粒雪糕 韓國直送，雪糕賣相當吸引，店舖提供了多種口味選擇，從濃郁的朱古力到清新的水果口味。每一口都帶來濃郁的奶香和綿密，絕對是夏天的最佳選擇，讓人享受冰涼的滋味。❣️青檸蜜梳打清新酸甜，檸檬與蜜糖的完美結合，氣泡爽口❣️ 鮮奶咖啡奶香與咖啡的結合恰到好處，口感滑順，回味悠長。
繼續閱讀
食粒粒雪糕真係令人愉快㗎！佢嘅店舖設計以復古懷舊為主，仲擺滿咗唔同既唱片，包括張國榮嘅唱片，帶返唔少回憶。坐喺度就好似返到咗過去，真係好舒服。粒粒雪糕有好多款口味，每一粒粒嘅雪糕都好特別。佢哋嘅雪糕入口即溶，口感超豐富。我揀咗曲奇味同香蕉味雪糕，曲奇味嘅雪糕有啲脆脆，同埋有濃郁嘅奶味。而香蕉味嘅雪糕則帶有濃郁嘅香蕉香氣，食落去滋味鮮甜，好好食！另外，波子汽水同檸檬雪糕都好吸引，下次一定要試下。除咗粒粒雪糕之外，仲有其他美味嘅小食。我食咗南乳雞翼，味道香口濃郁，雞翼肉質鮮嫩多汁。仲有撈麵，一杯撈麵帶返中學嘅回憶，麵條彈牙，配上特製醬汁，中華沙律，牛柏葉等等味道鮮美。最後，我地仲食左巴拿馬火腿配哈密瓜，火腿嘅鹹香同哈密瓜嘅甜蜜完美結合，一啖下去，口感豐富。喺長洲行街行到累嘅時候，真係可以坐低喺粒粒雪糕度休息吓。店舖環境舒適，令人感到放鬆。坐喺度慢慢食小食，充下電，又可以享受到美味嘅雪糕。真係一個好好嘅休息時光。
繼續閱讀