影片
港鐵長沙灣站 A2 出口, 步行約3分鐘
繼續閱讀
電話號碼
93871865
營業時間
今日營業
11:30 - 21:00
星期一
全日休息
星期二至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
招牌菜
響晌長沙灣行街嘅時候，見到有間福星海南雞嘅下午茶套餐好吸引，肚餓嘅我當然唔可以錯過！冬陰公福星大碗麵$45。佢嘅碗麵好有分量，入面有好多雞絲、扎肉同魚蚤。麵條彈牙有口感，加埋香濃嘅雞湯，每一口都令人滿足到爆！呢個選擇絕對係食得過癮又抵食！香濃雞湯大碗麵，都係$45。呢碗麵湯濃郁香滑，有濃烈嘅雞肉味。麵條滑嫩，仲有多汁嘅雞肉，每一口都係純粹嘅享受。講真呢個價錢有雞又咁大碗，夫復何求呢。而我走嘅時候，發現佢哋嘅外賣海南雞飯價錢更加抵食！唔多諗，我叫咗兩份帶返屋企慢慢品味。佢哋嘅海南雞肉好嫩滑，飯粒香氣四溢，都係40幾蚊啫，簡直抵到爛。福星海南雞 (長沙灣)長沙灣元州街231-247號潤發大廈地下B1號舖#福星海南雞 #下午茶套餐 #抵食 #海南雞飯 #大碗麵 #食評 #美食探索 #滿足味蕾 #豐盛一餐 #食物愛好者 #美食分享 #香濃雞湯 #回味無窮 #潤發大廈 #長沙灣 #食評人 #美食經驗 #香港美食 #食物攝影 #食品博客 #港式風味 #食飯啦 #好味到爆 #食物癮 #食評達人
繼續閱讀
【深水埗區】【福星海南雞】因為有好朋友喺附近住，所以深水埗至長沙灣近元州街一帶，都算係我嘅生活圈之一。然後經過呢頭附近嘅時候，間唔時都會聽到有間嘢無啦啦對住條街講一句「海南雞」。對於我呢啲八卦精嚟講真係冇抵抗力，就搵日同朋友入去試吓佢，睇吓佢咩料子先。朋友試「一人福星套餐」，揀咗 $78 嘅「海南雞拼豬仔髀飯」，仲加 $10 指定要「雞髀」配油飯。我都有食，都覺得唔錯，啲雞好滑好 juicy。個餐仲有「綠油灼青菜」，係灼菜心嚟。喺個餐度加 $22 試埋「泰式炸蝦餅」，都炸得幾香脆幾正，係値得試嘅。飲品方面朋友加咗 $6 試杯「凍檸茶」少冰，正常茶記質素，唔錯。而我自己就叫午餐推介，試個 $66 嘅「農家走地雞油麵」，係真係走地雞嚟，一食就食得出。我就加 $8 試佢哋嘅「熱薑母茶」，都可以。夾埋餐飯食咗 $190，都係一個唔錯嘅體驗。。。（地址：長沙灣元州街231-247號潤發大廈地下B1號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #福星海南雞 #一人福星套餐 #海南雞拼豬仔髀飯 #海南雞 #豬仔髀 #雞髀 #綠油灼青菜 #泰式炸蝦餅 #凍檸茶 #午餐推介 #農家走地雞飯 #熱薑母茶 #1am1335 #1ambackup
繼續閱讀
長沙灣新開海南雞小店，裝修好有特色，門面以蘋果綠為主調，設計簡約，牆上滿佈卡通掛畫，打卡一流！餐廳主打海南雞，食物由泰國廚師主理。點咗個二人福星套餐 ($188)，可於海南雞、口水雞或走地雞任擇一款，另包灼時菜、亞洲風味小菜及精美小食各一。農家走地雞(例牌)：走地雞🐤雞味好濃郁，脂肪少，皮很薄，肉質緊實又有彈性，入口啖啖肉，唔使點醬汁食都已經好夠味😋👍青咖喱豬頸肉：豬頸肉切成長條狀，肉質鮮嫩，食落彈牙有咬口。青咖喱好香，入口時唔算辣，但辣味會慢慢滲出。蔬菜份量十足，有西蘭花、椰菜花、豆角和紅蘿蔔等，有營又健康。泰式炸蝦餅：蝦餅炸至金黃色，入口乾身不油、外脆內軟，點泰式甜辣醬吃，很惹味。菜心翠綠清甜，配少許蠔油吃，味道唔錯。套餐配有冬瓜雞雜湯及香油飯或白飯，雞雜湯真材實料，內有冬瓜和雞腎。油飯粒粒飽滿，入味富油香。唔想食飯可以轉米粉，湯頭有濃濃胡椒味與油蔥香，好正。餐廳不設加一，追加飲品亦只是 $6，非常經濟，下次經過一定會再嚟幫襯。
繼續閱讀
嗌左兩個「1人套餐」：海南雞拼豬仔髀飯和農家走地雞飯。❤️海南雞拼豬仔髀飯配灼青菜飯轉左油麵半價追加了小食：手工炸春卷另加了樽裝可口可樂。灼青菜🥬是菜心。菜心十分翠綠爽脆鮮嫩冇渣。送了一碗湯，湯內有冬瓜和雞腎，味道清甜無味精。海南雞拼豬仔髀一次過滿足我兩個慾望！😍 海南雞雞肉嫩滑～豬仔髀有少少肥膏，邪惡得黎好滋味～😋估唔到重有烚蛋，還有酸蘿蔔、青瓜、木耳和花生。油麵湯夠熱。麵條軟硬適中。手工炸春卷剛炸起上枱，入口香脆重熱。點埋甜酸醬食十分滋味。想試下農家走地雞同海南雞嘅分別就嗌左❤️「農家走地雞飯配灼青菜」1人套餐。揀左油飯、多飯。半價追加了小食：泰式酸辣鳳爪個人覺得農家走地雞雞味較海南雞濃，肉質冇海南雞咁滑。重有雞腎。油飯好香口，不禁食多幾啖飯😋。泰式酸辣鳳爪真係幾辣🥵，加上微甜帶辛生洋蔥🧅，是一款開胃小吃👍🏻。
繼續閱讀
叫咗走地雞飯和海南雞飯，熊貓送到屋企，兩個飯都有雞髀肉，油飯比白飯好食。走地雞飯食咗兩嚿肉先記得影相，除雞肉外亦有雞腎、蔬菜和湯個汁有驚喜。海南雞飯除雞肉外亦有花生、雲耳、醃蘿蔔、糖心蛋，湯有冬瓜和雞腎，整體好滿意。
繼續閱讀
您可能會有興趣的...