影片
開飯介紹
以獨特的「朝啡夕酒」概念貫穿全日，提供多國料理、咖啡及酒類，部分菜式更以露營風餐具呈現，趣味十足。裝潢自然舒適，無論是聚餐還是放鬆時光都是理想之選。
繼續閱讀
營業時間
今日營業
07:30 - 22:30
星期一至日
07:30 - 22:30
*(21:15 last order)
以上資料只供參考, 請與餐廳確認詳情
有關獎賞計劃
香蒜雪花蟹肉手工意粉 $118超抵食😍手工意粉口感真係好唔同，煙煙韌韌，有少少似食緊伊麵，但係彈牙好多！！佢配啲汁一齊食，超正呀！！啲蟹肉多到好似蒜片咁一大舊😙好有鮮味同咸香味👍🏼👍🏼有誠意呀！！日本黑毛豬鞍架伴蘋果醬配薯菜 $188里個係一個set dinner黎，配餐湯(超正，今晚係磨菇湯，好有口感，咬到一粒粒好細菇，仲要好creamy!!!😍)仲有牛油多士，都幾硬幾脆㗎，點湯食啱哂☺️主菜黎啦！黑毛豬切開入面係好粉嫩，一啲都唔乾仲好juicy，特別係有少少肥肉嗰個位，入口即溶咁☺️好高質呀！一塊都幾大㗎，再配蘋果醬就無咁油膩感，一齊食香香甜甜！薯菜亦都好有心思，係相對比較健康啲嘅蕃薯條，比較硬淨啲👍🏼菜有沙律菜同一齊烤嘅西蘭花翠玉瓜，有2種食法😍餐仲包杯飲品，要杯凍果茶！飲完舒服哂👍🏼👍🏼焦糖香蕉朱古力窩夫伴雪糕 $48正常叫要$68，晚餐追加就平好多！！超好食，個窩夫好重牛油味，香蕉用蕉糖燒過，表面好脆卜卜，仲有朱古力雪糕係面😍😍好開心吖！！士多啤梨香蕉乳酪 $48食到有士多啤梨粰係入面😳鮮打！！好smooth好飲好fresh!!!如果飲咖啡嘅人，一定要試下佢招牌咖啡，好似好正呀😳而加新開有promotion，去到31/10有得+$10早上free flow 咖啡，夜晚 +$20有free flow 啤酒！好抵，約朋友啱哂👍🏼👍🏼
繼續閱讀
最近同朋友去咗Wake Up餐廳食午餐，呢次體驗真係好難忘。餐廳喺鑽石山荷里活廣場，環境整潔典雅，靜靜地，好舒適，陽光曬落嚟好舒服，非常適合同朋友聚會。入到餐廳，座位間距適中，坐得好鬆動舒適，非常適合悠閒地食午餐/tea。整個環境都好整潔，典雅嘅裝潢令人覺得好高雅。我哋點咗幾道菜，包括香蒜蝦橄欖油炒扁意粉、燒澳洲肉眼扒配燒汁薯菜，同埋金沙薯條。另外，餐包同南瓜忌廉湯係跟餐送嘅，好貼心。餐包配上餐廳提供嘅牛油，香氣四溢，入口即化，好好食。- **餐包**：烘熱嘅餐包加上餐廳提供嘅牛油，好香好味。- **南瓜忌廉湯**：呢碗湯嘅口感好細膩，南瓜嘅味道同忌廉完美融合，飲落去好舒服。- **香蒜蝦橄欖油炒扁意粉**：呢道意粉嘅口感好特別，煙煙韌韌，蝦唔細隻，有蝦味，同蒜一齊炒，味道好豐富。雖然份量唔算太多，但係佢個意粉調味調得非常之恰當好處。- **燒澳洲肉眼扒配燒汁薯菜**：肉眼扒嘅質地好嫩，七成熟嘅火候控制得好好，帶有濃郁嘅牛味，燒汁嘅味道都好濃郁，配上薯菜，整體嘅搭配好合理。不得不提嘅係佢個汁落去啱啱好。- **金沙薯條**：呢個金沙薯條其實係用咸蛋黃製成嘅，入口鹹香惹味，香氣飽滿撲鼻，略帶顆粒嘅細沙口感非常特別。外脆內軟嘅薯條，剛剛炸好，夠脆，咸蛋黃嘅口感更加增添咗層次感。嘢飲方面，我哋點咗檸檬水（熱）同果茶。檸檬水嘅酸度恰到好處，好提神；果茶就係清爽甜美，非常適合午餐後消化。餐廳嘅送餐速度好快，從點餐到上菜嘅時間好短，讓我哋能夠快速享用美食。下次我一定要試試佢哋嘅**和牛漢堡**，聽聞呢道菜好受歡迎，期待下一次嘅體驗。食完之後我哋都喺度繼續傾偈，10分舒服，餐廳嘅午餐體驗好好，環境舒適，食物好味，服務迅速，絕對係同朋友聚會嘅好選擇。
繼續閱讀
同老公去鑽石山探朋友，之後去荷里活廣場行下，晚餐時間去咗WAKE UP食晚餐，餐廳是一間西餐廳，裝潢清新時尚，燈光柔和，一排芒草佈置更為突出。日本黑毛豬鞍架伴蘋果醬配薯菜：黑毛豬鞍架肉質較鬆化，肉味也較濃，口感味道遠勝一般豬扒，加上味道甜甜酸酸又充滿香料香氣的蘋果醬，味道更有層次，薯條香脆可口。追加-新鮮法國生蠔兩隻：生蠔的味道層次豐富，入口不獨有海水鮮味，更能嚐到甜味。經典美式雜扒：材料豐富，除咗有豬扒、雞扒、香腸、火腿，更有羊架，好少餐廳嘅雜扒會有，羊架高質，肉質鮮嫩，配黑椒汁好惹味，配茄汁意粉，飽肚又美味！餐湯係南瓜湯，味道香甜，口感creamy。餐包煙靭有口感。咖啡夠香濃，口感順滑。檸檬茶色呈透徹琥珀色，茶味、檸檬香、 酸甜味兼備！
繼續閱讀
今日收工同朋友係鑽石山行街，見到有間餐廳個名好特別-「Wake Up」，一望下menu原來係食西餐，所以就同朋友決定試下😙我地order左👇鐵板燒日本黑毛豬鞍配牛肝菌拼蕃茄意粉 $188黑毛豬肥瘦均勻，肉質嫩滑，又唔會過熟，配埋酸酸甜甜嘅蕃茄意粉，幾好食🍅🍝推薦指數：8.5/10香煎羊架（3支骨）配牛肝菌汁黑松露燴飯$198羊架煎得岩岩好，重有小小脆邊添，厚得黎唔乾，切開仲好嫩🤩🤩，食落唔會好重羊騷味，唔點汁都覺得好食，燴飯好香黑松露味，配埋一齊真係好夾。❤️❤️推薦指數：9.5/10焦糖香蕉朱古力窩夫伴雪糕 追加價$48食到最尾一定要加返個甜品食😳見到佢有得追加窩夫就order左啦🤣🤣窩夫外脆內軟，焦糖香蕉又唔會好甜，配埋一齊好味道🩷推薦指數：9/10另外見到menu宜家做緊優惠，就加咗8蚊嘅薯條任食，因為我哋有2個人所以一加就要計2個人，估唔到份量超級多，薯條夠熱夠脆唔算太油，幾好食，感覺就算唔添都好抵食🍟優惠期去到3月9號咋～～大家快d去試下😳跟餐仲有麵包、湯同飲品，我哋就簡咗凍果茶，而湯方面係南瓜湯，但之後賣曬另外果個湯就轉咗黑松露忌廉湯，南瓜湯飲落好creamy好有南瓜味，忌廉湯唔好重黑松露味，都好好飲😍，麵包有牛油同果醬可以自行搭配。整體黎講，餐廳服務員態度良好，食物上枱速度快，食物好味🤩下次黎開鑽石山就一定會再黎食🥰
繼續閱讀
話說呢日中午，肚餓得嚟又有啲期待，因為同朋友約咗喺鑽石山荷里活廣場一間餐廳食 lunch。呢間餐廳位於地鐵站出口嘅荷里活廣場，位置真係方便到爆，一出站行幾步就到，無論係返工一族定係同朋友聚會都好啱。餐廳環境光猛企理，坐位寬敞，雖然係商場內，但氣氛唔會太嘈，坐低一刻即刻有種舒服嘅感覺。服務員態度親切，招呼周到，menu 選擇豐富到令人有啲眼花繚亂。最後我哋決定試咗兩個午餐套餐，再加個小食，結果真係令人滿意！我點咗嘅係「秘製烤無激素春雞（半隻）配蕃茄雜菜意粉」。一上枱，香氣撲鼻，春雞皮烤得金黃香脆，咬落去肉質嫩滑多汁，完全唔乾柴。用咗無激素雞，食落健康又放心。秘製醬汁味道濃郁但唔會過膩，帶點香草同微微甜味，完美襯托雞肉嘅鮮味。配菜嘅蕃茄雜菜意粉同樣出色，意粉煮得彈牙有嚼勁，蕃茄醬汁酸甜開胃，雜菜如紅椒、洋蔥同西蘭花新鮮爽脆，增添咗層次感。呢個組合真係令人滿足，吃完仲有啲回味無窮。朋友揀咗雙重芝士焗肉醬扁意粉。呢道菜嘅亮點在於其完美嘅芝士同肉醬比例。雙重芝士嘅使用令整道菜唔會過於膩口，反而增添咗層次感。芝士嘅份量啱啱好唔會太多，亦唔會太少每一啖都芝士濃肉嘅口感。意粉煮得恰到好處，口感爽口彈牙，同芝士同肉醬嘅組合簡直係天作之合。每一啖都感受到classic肉醬味道同芝士嘅拉絲效果，身為芝士愛好者嘅我實在係欲罷不能。除咗主菜，我哋仲忍唔住加咗份「水牛雞翼（4隻）」做小食。呢個選擇真係正！雞翼炸得外皮香脆，塗上水牛醬汁，酸辣得來帶點微甜，味道好平衡。雞翼肉質嫩滑，汁多味濃，4隻份量啱啱好，作為小食同主菜搭配一流。食完手黏黏哋，但滿足感爆棚，係嗰種會令人想再encore嘅滋味。午餐套餐仲包埋南瓜湯、手工製麵包同餐飲，性價比真係高到不得了。南瓜湯入口濃稠順滑，南瓜嘅天然甜味好突出，加咗少少忌廉提味，完全無怪味，飲完暖胃又暖心。手工製麵包係另一個亮點，外皮微脆內裡鬆軟，帶淡淡牛油香，點少少橄欖油或者配南瓜湯都係絕配。餐飲方面，我揀咗熱檸水，朋友就揀咗凍檸茶。熱檸水酸甜適中，暖笠笠咁好舒服；凍檸茶清新解膩，冰涼透心，為呢餐畫上完美句號。喺中午時段嚟到，雖然商場人流多，但餐廳唔使等位，氣氛輕鬆，係忙碌生活中嘅一個小享受。我同朋友食完都話下次要再嚟試其他菜式，因為menu 上仲有好多吸引嘅選擇。總之，如果你喺鑽石山附近，又想搵個方便又靚嘅地方食 lunch，呢間餐廳絕對係一個好選擇！
繼續閱讀