影片
開飯介紹
店內提供了刺身、串燒、鍋物、卷物等不同類型共百多款選擇，當中不乏名貴款式如A5級松阪和牛，金目鯛、松葉蟹、秋刀魚等刺身，海鮮每天從北海道、東京、九州、仙台等地運到。主理和食料理的是曾於四季酒店和香港香格里拉等酒店工作的Jason，他能炮製傳統和食外，亦創作出特色菜如万藏杯、鰻魚年糕、香菇博多等，菜式水準甚高。
繼續閱讀
特色
慶祝紀念日
包場派對
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
招牌菜
食評 (22)
除夕晚６點多、７點前同老婆行完街隨意找地方食晚飯，結果發現這間餐廳好少人就即本試試。（其實整個廣場好幾間餐廳都好少人，奇怪！）１）最不明係點解一坐低就「送上」２條青瓜＋２條紅蘿蔔，經查問後原來係「前菜」、價值＄３０，幸好詢問後「都可以不要」，好彩！大家要記得，免得勉強地比多＄３０加一，但又唔想食！２）食物方面都算新鮮３）分量較少，特別係麵食４）牛油帶子的「帶子」原來是「熟帆立貝」，有少少貨不對辦５）環境幾好，因為附近都無人，整餐廳最多時都唔夠１０人６）都算會跟茶水，免得食到口乾
繼續閱讀
同女朋友本來去食蛇羹，但蛇王二太多人，求其去一間，點知領野。去到先叫壽司，蟹子、八爪魚、蟹棒、帶子。叫完之後個經理問我地是否每樣order兩件，答完係之後想為何這樣問、唔通D價錢係每件計，而唔係每客兩件計？結果真係每件計，連D串燒都係每串計，仲要每樣最少Order兩串，雖然計落貴極有限，但好取巧囉，隨時一不留神就比自己既予算貴一倍。所以食完4碟壽司就走人，埋單124蚊，叫做俾佢屈一餐咁大把，下次一定無幫襯。各位師兄師姐都要留神呀！
繼續閱讀
14/11/09(六)是來得早嗎？星期六的午市時間，這大廈的食肆除花園餐廳外，其他幾間都很清靜。試未來過的萬藏，在看得見的範圍內，我們吃完整個午餐都只是兩檯客人。沒有帶相機，店內又燈光很暗，就靜靜地享受午餐吧。叫了牛肉飯和火炙三文魚定食。牛肉飯很好吃，白飯軟熱又粒粒分明，牛肉肉質和調味都有中上水準，只是份量迷你。幸好火炙三文魚定食稍見豐富。除本身有火炙三文魚飯外，另可選一個燒雞串也有跟飯。火炙三文魚質素很好，雞件也香口好吃。麵豉湯也是比一般的好。飯後來了菠蘿雪糕，很不錯的。大男孩服務良好。
繼續閱讀
我一向都鍾意黎萬藏食日本野，都有好幾年了，之前好多人黎食的，試過冇訂位都冇得食，o個時一個人晚餐平均都平均都要250-300。但唔知幾時開始，佢唔知係唔係轉左手，d野食平左好多，平均170-200一個人，但d野食水準仲好左!! 而家同女朋友差唔多一個月都去一兩次，又唔洗等位，有時仲有包場feel，正! 對上一次上去食係上星期六四，成個銅鑼灣都係人，見都有成兩個星期冇上去食，一於上去食晚飯，上到去只有約十個客，唔洗等位，一睇menu，加左價，約十個%，不過都ok平，照平時咁叫。食物質數唔知關唔關加左價事，真係好食左，而且放得好靚，d餐具都好靚，而且服務好好，十分nice! 埋單同平時都係差唔多，170一個人倒，食得好開心! 另外見有一間大房，我諗如果一大班朋友去包房食都幾好! 同埋飲品有30% off
繼續閱讀
(有相) 好唔好食又睇落去 270 回: 狂親車海蛯@銅鑼灣万藏http://hk.myblog.yahoo.com/goodboy_philip/article?mid=33567呢牌好多野做, 不過點都要同大家食個飯, 出個 blog! 又去左銅鑼灣京都廣場試食日本野, 今次係万藏! 好唔好食? 又睇落去? 地址: 銅鑼灣駱克道491-499號京都廣場11樓三文魚刺身: 刺三文魚"蘇花蘇 good" 夠新鮮。海膽: 其實個人唔太 "號" 海膽, 就算係0係日本0個邊食新鮮海膽都係, 因為個質感怪怪的...好在連埋右邊既紫菜食, 有 d 脆脆咬下。吞拿魚腩碎豆腐沙津: 唔使任何沙津醬, 只要連埋 d 蔬菜撈埋已經唔錯, 落汁反而搶左吞拿魚鮮味! 海鮮沙津: 雜魚刺身混沙津, 醒胃。 雜錦刺身: 赤貝, 牡丹蝦, 三文魚同鯛? 生春卷: 食左啖紫蘇大叫救命! 串燒拼盤: 雞翼皮脆夠惹味! 煙肉包蕃茄仔波波好好咬! haha... 芝士竹輪卷: 類似獅子狗魚蛋, 入面有半溶既芝士, 夠哂彈口唔算膩! 松葉蟹肉雜炊: 蟹肉絲中間係咪落左糖呢? 幾甜 woh!蝦天婦羅: 掛住傾計, 無咩印象有無食過! 火灸三文魚火灸帶子: 燒左一陣? 上碟涷涷地, 三文魚 d 油縮番哂入去! 帶子都係唔燒, 甜甜地生生地好味得多! 鹽燒車海老: 個車海老大型蝦好好肉, 一拆即開, 蝦肉結實啖啖肉! 鹽燒夠哂惹味, 係咁 "lun" 個大蝦頭! (Oh no! 你咪當個車海老係蛯...原個頭至得架?!)生牛肉鍋: 蔬菜底連湯飲, "唔下", 滿足地吞下去! 半生熟牛肉薄薄的, 雖然牛味唔足以滿足嚐濃肉味既我, 不過肉質口感也不錯! 最後食雪糕涷一涷個咀, 鳴甲收兵!裝飾燈光唔錯, 三兩知己傾計唔錯! 試下望住幅相廿秒? 睇下會唔會見到鄧建宏..........點呀? 見唔見暈呀? haha...四人埋單六七百度。 環境: 3.5 (卡位私人空間足夠, 三兩知己傾計一流!)衛生: 3 (正常。)服務: 2.5 (漏單無左 my favorite 銀鱈魚...)設計: 2.5 (Menu 設計普通可以改進, 食物擺位見心思。) 味道: 3 (刺身新鮮, 熱食整體也不錯!)價錢: 3 (平均每味菜由六十元起。) 最終評分: 3 一試無妨啦!万藏,萬藏, 銅鑼灣, 日本, 京都, 京都廣場, 好孩子, 日本料理
繼續閱讀