影片
電話號碼
94496508
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
呢區有新餐廳，而且個招牌設計又比較特別同新穎，梗係要去試吓啦。呢度嘅白飯係任裝嘅，唔夠可以免費添加。價錢同出面新式茶餐廳差唔多，但佢哋個碟頭比出面嘅大，所以價錢甚至覺得更加值得。味道同出面新式茶餐廳差唔多，絕對唔會係難食或者有伏，當然都有少少改進空間。如果撞正收工前去食，老板都唔會想浪費啲食物，佢哋會攞剩餘啲湯出嚟問啲客想唔想添，咁樣都幾好，唔好浪費啲食物。所以喺呢區嚟講，算係好好，呢啲香港人自己鍾意食嘅味道，俾當區居民多一個選擇。你話佢係咪食嗰啲小食嘅茶餐廳就未係嘅，其實都係以半茶餐廳半小菜呢種模式咁啦，即係你唔好expect有菠蘿包啊呢啲，但係都已經有足夠嘅選擇，尤其是俾當地居民、學生、上班人士等醫肚。招牌設計新穎，笑哈哈個樣夠樣衰，入邊嘅裝修乾淨（呢個好重要）。仲有一啲唔同嘅字樣嘅設計，有香港味道之餘又夠潮。旅客如果識路，可以唔需要淨係食赤柱廣場嗰啲。美中不足係有條樓梯仔先上到去餐廳，對老人家嚟講可能唔係咁方便。當然佢地都提供外賣啦，試過都唔差。
繼續閱讀
味道很好 点了很多菜式菠萝梳打特饮很好喝！例汤是番茄罗宋汤，里面加了柠檬非常清爽 很喜欢下午茶的薯条也很好吃！店员非常周到，服务热情；店面环境也干净时尚，不拥挤，座位舒适，很喜欢而且价格也特别好！特饮是28，其他的饮料大部分在20元左右 饭的价格也不贵～
繼續閱讀
最近 赤柱打鑼打鼓，開咗間新餐廳又話有藍帶廚師主理又話後生仔班底致力提供赤柱街坊好食又抵食嘅飲食選擇喺面書地區專頁都見到有唔少街坊讚佢食物質素 豬扒好食 奶茶好飲 地方乾淨 服務到位所以 身為赤柱街坊梗係要 專登落去試吓地方感覺係唔同咗嘅由赤柱酒家演變到赤柱小館，而家就變咗餓底地方乾淨咗 裝修簡單 勝在光線充足 感覺到清新後生仔當梗係用後生仔方法營運掃QR code落單，又方便 又快捷 一目了然 👍🏻後生仔黨 當然要玩創意 搞搞新意思一直好期待 藍帶藍帶 會有啲咩新搞作呢？係咪將法式料理融入香港茶餐廳文化？掃一掃 望一望菜單比較保守 款式一如既往 既然街坊話豬扒好食 咁就試吓豬扒啦焗豬扒飯好？定係 XO醬炒豬扒烏冬好？焗豬扒飯相信自己都已經整得好好食炒烏冬反而需要啲技巧烏冬本身要彈牙，炒得夠唔夠鑊氣又係另一個重點豬扒方面 個人比較喜歡鬆軟有肉汁而且味道要有層次感，死鹹死鹹好難食㗎嘛手機落單之後10分鐘大家都讚嘅奶茶到啦望落去顏色有啲不對點解？？一睇就知奶多啦！你都唔緊要 茶味夠係可以cover到飲咗一啖，果然……只係飲到花奶未？紅茶味呢？唔見咗嚕。再等咗8分鐘，熱辣辣嘅炒烏冬出場啦外表睇落都OK喎，仲熱辣辣有煙出㗎當然冇一啖即刻食落去啦，又熱又辣嘅，想生痱滋咩？影吓相 擺下鋪 拍拍拍 📷📷📷 直度橫度 近鏡遠鏡 都齊啦哎呀…唔記得拍片🤦🏻♀️第一啖係食豬扒先唉！冇期望就唔會失望！乾、鹹、柴 夠唔夠形容？相信應該係我唔好彩，估計應該係一早炸定嘅豬扒，「內軟外柴」 無肉汁 而且仲好鹹，係死鹹嗰種，重鹽 重豉油 ！烏冬都應該係一般嘅餐廳用烏冬即係超級市場嗰啲包裝都一烏冬嘅質地當你有食過一啲好滑 可以滑捋捋啜入口嘅烏冬你就唔會想再食都一烏冬味道方面，XO醬係有嘅不過又係重鹹 重鹹 重鹹 冇乜層次香味而且配料方面，除咗椰菜 都係椰菜如果多元化一啲 豐富啲 賣相靚啲，口感層次味道都會加分不過有一個好處，就係唔算多「油」，我有個習慣食炒嘢，一定會將隻碟打斜放，今次由頭斜到尾，唔會淨左一攤油喺碟度，都算係一個優點簡簡單單 實測實評冇美圖秀秀 冇雕琢修飾直話直說 尚有進步空間總結： 2024 赤柱新餐廳 藍帶廚師主理 無期望無失望 赤柱本身就選擇唔多 唔見得有必食嘅需要 期待有更加突破 更加創新 嘅飲食體驗 期待一間不一樣嘅藍帶 地區茶餐廳
繼續閱讀