影片
營業時間
今日營業
17:00 - 23:30
星期一至日
17:00 - 23:30
以上資料只供參考, 請與餐廳確認詳情
自從搬走咗離開觀塘之後，好耐都冇嚟觀塘搵嘢食啦。不過聽朋友講，呢度有間任飲任食嘅串燒非常抵食，唔止有啤酒任飲，佢嘅串燒同埋烤肉同埋炸物都係任食㗎。一坐低我哋就嗌咗好多串燒先，有西冷牛又有一口牛，平時都起碼30幾蚊一串㗎。而且仲有大蝦，感覺上食幾串就可以回本啦。炸物方面，佢有炸蠔同埋炸榴槤炸魷魚炸蝦餅等等。我覺得佢既炸物就比較普通，都係留返個胃食烤海鮮同埋串燒啦。烤物方面佢有烤蠔，而且仲有清酒煮蜆，真係好大方。好少任飲任食嘅地方有蠔，有啲甚至連蝦都冇。加上佢嘅蠔係好新鮮，食落好大隻而且好鮮甜。同埋呢度最特別最好玩嘅地方係，佢嘅串燒係可以放上去自動轉嘅，我都係第一次見到呢個工具，真係好啱一大班人一路燒一路玩。而且又唔使自己返嚟返去，真係方便好食又好玩。而且佢嘅飲品係出去任攞嘅，出面除咗飲品之外，仲有好多唔同嘅甜品或者前菜。我就食咗幾個螺肉啦。而且佢嘅飲品仲有好多自己整嘅飲品，例如檸檬薏米水同埋洛神花茶，食飽最啱飲嚟消滯。呢間餐廳又平又好食又好玩，真係好適合一大班朋友一齊去。不過我今日去到都九點，但係仲係坐滿，如果想嚟食應該要記得book位或者早啲黎等啦。
繼續閱讀
.#foodie #hk #hkfoodie#HTB美食推介【牛頭角轉轉串燒｜🍡🍢串燒網燒炸物任燒任食】環境寬敞以有4-6人座位為主，小編兩個人去都坐4人枱，勁開心🩷一坐低已經介紹有飲品、小菜同甜品區，仲有兩隻扇貝添😋出面嘅食物款式其實都已經有好多，特別推介佢啲飲品：有涼茶、啤酒、汽水、無糖茶，任君選擇～！.🐨串燒推薦度：⭐️⭐️⭐️⭐懶人串好岩係中間用，因為食緊網燒啲野食唔想睇火，就岩岩好🍡🤣自動轉轉轉咁燒，懶人、打卡一流～今次試咗牛肋條、牛西冷、叉燒豬柳、冬春魚、雞腿肉、紅腸～叉燒豬柳好高質，調味做得好好，燒完都保持到肉汁～冬春魚都有驚喜，咁燒唔怕會痴網，熟度控制得好平均！提提大家，雪櫃有棉花糖可以拎黎燒～大推做最後甜品🫶🏻.🐨網燒推薦度：⭐️⭐️⭐️⭐⭐試咗一口牛、牛仔骨、牛肩肉、雞翼同厚燒玉子～ 平時網燒一口牛好擔心外面燶入面好乾，但今次完全無哩個問題！粒粒都好嫩滑，旁邊仲有椒鹽、辣粉同孜然粉，粒粒唔同味道都無問題😛牛仔骨揀咗黑椒味，食落有牛味又重黑椒香，同樣推介大家試下！.🐨炸物推薦度：⭐️⭐️⭐️⭐⭐因為擔心會熱氣，所以炸物今次無試好多🔥淨係叫左魷魚圈同紫薯波波～即叫即炸出枱熱辣辣，魷魚圈外面薄脆，紫薯波波有大半都係紫薯，好香好綿密🍠——☼——☼——☼——☼——☼——串燒屋📍地址：觀塘通明街54號地舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB牛頭角 #HTB港式.#牛頭角美食 #牛頭角 #串燒 #網燒 #港式 #日式 #放題 #任食 #炸物 #飲品 #雪糕 #美食推介
繼續閱讀
最近上網見到串燒餐廳有平於是就上網預約一試啦🥳餐廳名稱叫串燒屋觀塘地鐵站出🚇經裕民坊行十分鐘左右就到入到餐廳被安排坐到角落位置然後用QR code 落單餐廳主要供應三種食物🤟🏻串燒，炸物，網燒，同埋一大堆汽水，啤洒，前菜先食下啲前菜有青瓜🥒，螺肉，豆腐，啫喱食咗前菜開胃就再order 一堆串燒試吓先有西冷🥩，牛舌，雞脾肉🍖，豬柳肉🐽，多春魚🐟肉嘅大小剛剛好串燒爐都夠熱，好快就燒熟啲肉豬牛雞肉都好多汁，唔會乾點埋餐廳提供嘅岩鹽同埋蒜蓉燒肉汁吊味，好好食😋之後再order 網燒有牛肩肉🥩，一口牛🐮，牛仔骨🦴，蒜蓉燒蠔🦪，蒜蓉燒青口仲有孜然羊架🐑最surprise 嘅竟然有蠔油菜心供應🥬牛肩肉同埋一口牛都好有牛香牛仔骨都好多肉，骨肉我好易分離燒蠔好香，唔苦的青口好大粒，幾乎成個鐵兜咁大，咬落唔霉的羊架醃得好香，燒得好淋而最普通嘅菜心都好出色，好脆綠冇菜渣然後再試吓啲炸物炸物有炸雞🐔，炸蝦🍤，泰式魚餅蝦餅，炸蠔🦪，餃子🥟每樣都炸得恰到好處，唔會好多油，炸粉又唔厚，咬落好香脆之後返去雪櫃再試下啲蔬菜有蒜蓉雜菇🧆，蒜蓉韮菜，牛油粟米🌽蒜蓉份量好慷慨加埋孜然粉落啲蔬菜，撈埋蒜蓉一齊食，真係別一番風味，未試過可以咁好食🥳餐廳上菜速度好快落完單唔使5 分鐘就有而餐廳環境好企理唔會周圍都係油漬餐廳仲有好強力冷氣通風💨💨食餐中途都唔會覺得熱而且食飽後都唔會成身油味侍應態度親切有禮餐廳環境整潔企理會繼續幫襯
繼續閱讀
串燒店位置非常方便，位於牛頭角站A出口，觀塘通明街54號地舖，餐廳名叫串燒屋觀塘特色串燒放題，串燒屋，自動旋轉燒同埋又可以用網燒，仲有熟食同炸物，好適合一大班人一齊嚟食環境寬敞 四人座位比較多，自助形式，雪櫃飲品種類 有烏龍茶 菊花茶 羅漢果茶 汽水同埋喜力啤酒 ，仲有日式前菜小食味付螺肉 青瓜 芝麻醬沙律多類選擇，用電話落單，快捷方便✅串燒，美國殼飼牛肋條旋選燒熱力比較平均燒完，肉質外焦內腍，非常容易燒熟食落好香嘅牛味✅美國殼飼牛西冷肉質鮮嫩有咬口油脂分布平均✅加拿大多春魚燒到焦脆，外脆內軟，咬落滿口爆春，口感滿足✅迷你豆卜一口一粒乾身脆口，經過熱力之後，豆卜變到乾脆加一些華鹽食，更加好味海蝦用上呢個旋轉燒真係好方便網燒 ，蝦油鮮甜夠爽口蒜蓉烤蠔調味過嘅蒜蓉加上帶殼嘅生蠔必點狂食，非常新鮮，，雖然烹調時間耐一點，但是值得的✅黑椒牛仔骨有原味同辣味牛仔骨，切到好薄快熟又有牛味✅蒜蓉燒茄子蒜蓉加上小小辣，茄子肉一梳梳正呀食啲蔬菜無咁邪惡，蔬菜嫩綠新鮮食得太多肉，食返一些蔬菜就冇咁油膩✅仲有牛油粟米同雜菌真係供應源源不絕✅炸雙皮奶 炸脆皮香蕉炸物方面廚師都做到金黃香脆內軟綿滑
繼續閱讀
今次我哋嚟到觀塘搵嘢食😝，我哋揀返呢間夠晒抵玩嘅燒烤舖🔥！呢度每人放題都係$198起💰，已經包晒唔同嘅串燒、網燒、小食、炸物、啤酒🥰、涼茶、雪糕等等！一路飲住酒🍻，一路食惹味串燒，夠晒盡興。.🐮牛肉有得自動轉轉咁樣串住燒，或者放喺燒烤網上面燒都得😆。美國穀飼牛肋條牛味唔錯🥩，而且會自轉嘅串燒爐，火候真係夠晒均勻🔥！黑椒牛仔骨切成一片片，配埋重黑椒調味🧂，夠晒香口，用網燒嘅方法更加香。.🐷豬肉蜜汁叉燒豬柳味道甜甜香香👅，又有油脂香味，幾好食。泰式豬頸肉調味真心正，泰式嘅香料酸香味道🌿，又唔會過辣，夠晒開胃。.🐔雞爽口雞腎真係要不停encore💕，切到大大片，夠晒口感，鍾意食雞腎嘅朋友唔好錯過🫦！放喺網上面燒到爽脆，配埋燒烤粉，好滿足✌🏻。當然唔少得要燒埋雞翼，奧爾良雞翼燒出嚟好香🐥。.🌊海鮮呢度仲有好多唔同款嘅海鮮揀🤩！海蝦燒出嚟嘅甲殼香味真係好誘人🦐。多春魚平時都好難燒得靚😎，用轉轉嘅方法燒到好均勻，外皮香，裏面魚春熟嘅程度啱啱好。蒜蓉烤蠔超級重鮮味🌊，放喺網上面睇住佢燒到滾出氣泡真係好吸引。.🔥小食蒜蓉烤茄子大大條，夠晒口感🍆，而且蒜蓉味道超級濃郁🧄。當然唔少得雞肉腸、龍蝦丸、牛筋丸、花枝丸等等嘅燒烤必備☄️，配埋孜然燒烤粉，幾香口。各式炸物都炸到超級酥脆、熱辣辣💥，炸蠔、炸鮮奶、榴槤波波都好吸引。最後梗係要燒埋棉花糖🍭，有咗轉轉串燒爐，零失敗！
繼續閱讀