串燒屋

最唔鍾意食燒野食🍢因為成日燒燶無得食😅朋友話有間隱世串燒店會令我改觀原來燒野食係可以好舒服咁坐低慢慢嘆不過地點就隱世左d要行條大斜路先到🏃🏻‍♀️🏃🏻‍♀️🏃🏻‍♀️呀Q d諗行到咁攰可以有quota食得多d😂餐廳裝修以簡約為主串燒爐好特別 識得自己轉🤩啱晒我呢d唔識燒野食既人除左串燒同燒肉之外有清酒煮蜆同炸物可以任食連呢排大熱既台灣地瓜球都有🤩飲品係任飲既 涼茶|汽水|啤酒連啤酒都任飲 真係要比個讚👍🏻 相當有誠意自取區仲有啫喱|泡芙|沙律|蒜蓉雜菇|牛油粟米店主勁細心 見我地食飽仲提我地有綿花糖燒野食真係唔少得綿花糖 飽都要食幾串平日$248/位 可以食2.5小時 相當抵食…查看更多

星期日唔想煮飯又想食餐勁，於是黎左觀塘呢間串燒屋食串燒放題，上次食過返尋味 。由觀塘港鐵站出黎都要行一陣，仲要行上斜，要d腳骨力，要食返多d補充返。串燒放題任飲任食兩個半鐘，星期日晚7點前離座只係$208加一，啱哂食個早晚飯。呢度每張枱有個自轉燒烤爐，火力都算唔錯，上面有個抽氣扇直接吸油煙味。用order紙點完食物之後，服務員會將食物送上，然後自己喺個串燒爐度燒。燒烤爐隔離有個鐵架俾你放d生肉慢慢等燒。枱上面仲放左燒肉汁，秘製串燒醬，辣椒粉，孜然粉，椒鹽等調味料等你自行調味。Order紙選擇有三張，分別係串燒，網燒同炸物，選擇都唔少。1）串燒 美國穀飼牛肋條：牛味好好，只係需要咬下美國穀飼牛西冷：較韌蜜汁叉燒豬柳泰式豬頸肉：好爽脆，香茅味好香，好有泰式風味農場鷄腿肉：好嫩滑原味鷄中翼麻辣鷄翼 奧爾良辣鷄翼爽口鷄腎麻辣鷄腎 海蝦：烤完連殼食都得加拿大多春魚：春都有唔少挪威鯖魚 黃金魚片頭 臺灣一口腸鷄肉腸迷你豆卜 紅腸芝士腸黃金魚蛋芝士獅子狗卷龍蝦丸 日式蟹柳牛筋丸花枝丸台灣貢丸午餐肉2）網燒蒜蓉烤蠔：雖然細細隻，都可以，蒜蓉醬好好味蒜蓉烤青口：唔韌，都新鮮，蒜蓉醬好好味蒜蓉烤茄子：好大舊，要烤耐d，蒜蓉醬好好味原條日本秋刀魚：正常熊本一口牛：咁啱我哋嗰幾粒係筋位，所以有啲韌安格斯牛肩肉片：牛味幾濃而肉汁豐富日本漢堡扒西班牙黑毛豬五花腩片：好似肥左少少美國特級牛仔骨：可以香草羊架：好大件，肉質算嫩滑而唔羶，香草調味好香每人仲送左一隻蒜蓉扇貝，完全唔韌，蒜蓉醬又好味！3）炸物：好出色，全部新鮮熱辣炸起，皮脆饀靚，值得encore。擺盤都唔求其，伴碟有甜酸醬。脆炸薯條吉列炸生蠔：外皮香脆，入面多汁，蠔味可以吉列炸豬扒吉列魷魚圈： 魷魚又脆又鮮吉列墨魚角越南豬肉春卷：外皮好脆，入面嘅豬肉多啲就好啦吉列炸蝦：雖然細細隻，都唔錯炸雞軟骨：超脆口乾身，一客係一兜！唐揚鷄塊炸蝦餅：我叫左炸蝦餅不過好似上左炸魚餅 迷你炸魚餅 紫薯餅：超脆炸皮，入面紫薯蓉滑溜但唔過甜大阪王將餃子榴槤波波：呢個超正，入面d榴槤醬係咁流出黎臺灣香芋地瓜丸：都唔錯，如果香芋多d更好脆皮香蕉香炸雞中翼4） 新品：仲有黑板上嘅新品是日油菜：係生菜，大大碟，油份略嫌太多，有蠔油伴碟香酥雞翼芝麻波波：係外皮滿佈白芝麻粒嘅煎堆，餡係少少豆沙三文魚鰭芝士魚豆腐除左Order紙，都可以係雪櫃自己攞其他野食，例如：5）沙律及前菜和風蟹籽沙律：有生菜，車厘茄同粟米，車厘茄超甜，都好新鮮和風豆腐：豆腐好滑，加左麻醬好好味麻香油揚中華沙律：正常泡菜：好辣泡蘿蔔：umum....味付竹筍：可以味付螺肉6）蔬菜水果生菜 秋葵翠玉瓜片有機小啡菇：正常雞脾菇：正常蒜蓉雜菌：個蒜蓉醬好好味，好多唔同種類雜菌，包括甘菇，冬菇等，我地encore左好多轉牛油粟米甜薯菠蘿哈蜜瓜粒：新鮮清甜提子其他配料仲有蒜蓉包同綿花糖等。7）甜品雀巢細杯裝雪糕，口味有三款，分別係芒果，雲尼拿同香芋。羅拔臣啫喱有黑加侖子同芒果味泡芙有四款口味，有抹茶，士多啤梨，朱古力同原味。雖然外皮唔脆，不過夠薄，而入面啲忌廉係可以嘅8）飲品自家制薏米檸檬水：飲左好多杯，基本上係檸檬水加左d薏米咬下，少甜，感覺健康自家制洛神花山楂茶自家制涼茶：味道都唔錯無糖玄米茶：真係好似水咁，似乎健康啲各款汽水同罐裝飲品。食材好衛生，全部用有蓋膠兜裝好哂。餐具基本上全部即棄，係唔環保不過衛生d。只係有少少上錯食物，食物上枱速度亦好合理，兩個鐘絕對夠食飽。服務員勤收用完餐具，特別係男服務員好有禮貌。…查看更多

凱匯和裕民坊都是觀塘區的新建項目。平時聽就聽得多，考慮到自己將來有機會抽中這個單位，所以今日特意來到這個場地參觀一下。行左一個下午，都是時候找找食的地方。老實說，APM 的大多都是連鎖餐廳，已經有點厭悶的感覺，所以我們都是想看看舊區那邊的餐廳，拓展一下新區域。去到舊區那邊行行，被我發現到這間「串燒屋」。見到7點前離座有優惠，由於時間尚早，我們一於把握機會，即刻入座。不用說都知道，餐廳主打串燒為主，但除左基本的串燒之外，串燒屋還有網燒食物、炸物、自助櫃和甜品供應，是一間串燒放題店。食物種類繁多，有大量串燒、網燒款式選擇，還有限定是日推介，真的要先想想食物的先後次序。由於這裡是自助形式，想食什麼就點什麼，非常方便。串燒爐自動轉轉，所以我們乖乖地等待就得，還可以放一些網燒的，保證熱辣辣地食落口。串燒有非常多款式，牛類方面我會特別精選：美國穀飼牛肋條、美國穀飼牛西冷、厚切牛舌。牛肉串燒絕對要瘋狂encore，牛肉大小切得恰到好處，在均勻受熱之下，牛肉入口即溶，而且富有牛香味，品質一定不是平價貨色。豬肉類就有：蜜汁叉燒豬柳、泰式豬頸肉。蜜汁叉燒要特別推介，其口感就像港式叉燒一樣，不過更加好食，叉燒切得細細粒，燒完油脂散發出來，再加上少少燒焦的感覺，非常好食。雞肉類亦要一試，農場雞腿肉及雞翼都不錯。雞翼有數款口味，我就先試試原味，之後再按自己口味灑上調味料。說到調味料，串燒屋有粉紅海鹽、辣椒粉，椒鹽粉、孜然粉選擇。對於串燒來說，調味料亦是不可缺少的一個部份。網燒都有大量好選擇，不要只食串燒而忽略網燒的食物。海鮮類的有烤蠔和烤青口，蠔和青口都是大大顆的，而且餐廳加上大量蒜蓉，非常入味。其他肉類的網燒，我會比喻其質素和著名的燒肉店相似，肉質不會韌口，而且富有肉香，性價比遠比連鎖燒肉店為高，實在驚喜。網燒系列主推海鮮、羊架和茄子。烤物就和日式放題一樣多選擇。雖然這裡主打串燒和網燒，但口痕的亦會想食下些炸物。炸蠔、炸魷魚圈、榴連波波都是相對較好食，值得一試。飲品櫃方面，相信有自家製的飲料，例如有涼茶、玄米茶等等。啤酒當然少不得，特別的有一枝是中國製的樽裝啤酒，未見過的。甜品櫃在旁邊，有一些啫喱泡芙，當然最後一定要食雀巢雪糕。7點前離座有優惠，這間自助串燒放題小店實在出色，甚至比連鎖的或者其他較出名的串燒鋪更好食，絕對推介。…查看更多

Happy Friday! 星期五晚收工想食餐勁既，友人就建議黎觀塘呢間串燒屋食串燒放題 。由牛頭角港鐵站出黎都要行一陣，仲要行上斜，要d腳骨力。串燒放題我真係第一次食，原來係喺order紙點完之後自己喺個爐度燒。價錢每人$248另加一，任飲任食兩個半鐘。每張枱有個自轉燒烤爐，火力都算唔錯，上面有個抽氣扇直接吸油煙味。燒烤爐隔離有個鐵架俾你放d生肉慢慢燒。呢個setting對我黎講好新奇。枱上面仲放左燒肉汁，秘製串燒醬，辣椒粉，孜然粉，椒鹽等調味料等你自行調味。Order紙選擇有三張，分別係串燒，網燒同炸物，選擇都唔少。1）串燒美國穀飼牛肋條：較韌美國穀飼牛西冷：較韌厚切牛舌：幾有口感，要自己再調下味蜜汁叉燒豬柳：個叉燒汁幾好味，豬柳又脆又腍泰式豬頸肉：好爽脆，香茅味道又好農場鷄腿肉原味鷄中翼麻辣鷄翼奧爾良辣鷄翼爽口鷄腎麻辣鷄腎海蝦：新鮮爽脆，烤完連殼食都得北海道熟帆立貝：細細粒，唔韌，都算係咁挪威鯖魚黃金魚片頭臺灣一口腸鷄肉腸迷你豆卜紅腸芝士腸魚蛋芝士獅子狗卷龍蝦丸日式蟹柳牛筋丸花枝丸貢丸午餐肉2）網燒蒜蓉烤蠔：雖然細細隻，都ok蒜蓉烤青口：唔韌，都新鮮蒜蓉烤茄子：好大舊，要烤耐d，個蒜蓉醬少少辣好好味原條日本秋刀魚一口牛：較韌安格斯牛肩肉片：呢個正，牛味唔錯又夠腍日本漢堡扒：原來入面已經有蒜蓉醬，唔太肥，味道好西班牙黑毛豬五花腩片：半肥瘦，燒完勁脆口美國特級牛仔骨：較韌每人仲送左一隻蒜蓉扇貝，完全唔韌，蒜蓉醬又好味！3）炸物：好出色，全部新鮮熱辣炸起，皮脆饀靚，值得encore。擺盤都唔求其，伴碟有甜酸醬。脆炸薯條吉列炸生蠔：外皮香脆，入面多汁，蠔味ok吉列炸豬扒吉列魷魚圈吉列墨魚角越好味豬肉春卷吉列炸蝦：蝦肉超鮮甜爽脆炸雞軟骨：超脆口乾身唐揚鷄塊炸蝦餅迷你炸魚餅粟米墨魚餅紫薯餅：超薄炸皮，入面紫薯蓉滑溜但唔過甜泡菜餃子大阪王將餃子：超薄脆皮，餡料係野菜為主榴槤波波：呢個超正，入面d榴槤醬係咁流出黎臺灣香芋地瓜丸：都唔錯，如果香芋味濃d更好雙皮奶：外脆內流心，奶味香又滑，仲加左d黑芝麻係面脆皮香蕉：外脆內腍，香蕉味適中唔太甜4） 新品：仲有黑板上嘅新品是日油菜清酒煮蜆炸芝士年糕：外脆內腍，煙煙韌韌，芝士流心適中，如果再多d芝士會更加正。香炸雞中翼厚燒玉子：雖然有少少薄，甜甜哋好得意三文魚腩條香草羊架：好大件，肉質嫩滑而完全唔羶，調味亦適當除左Order紙，都可以係雪櫃自己攞其他野食，例如：5）沙律及前菜和風蟹籽沙律蟹籽麻醬豆腐：豆腐好滑，加左麻醬好好味中華沙律泡菜泡蘿蔔味付竹筍味付螺肉6）蔬菜水果生菜秋葵蘆筍翠玉瓜片有機小啡菇：好味雞脾菇：原來燒完係超薄脆，正!蒜蓉雜菌：個蒜蓉醬好好味牛油粟米甜薯菠蘿：清甜多汁哈蜜瓜粒：新鮮清甜其他配料仲有蒜蓉包同綿花糖等。7）甜品雀巢細杯裝雪糕，口味有四款，分別係紅豆，芒果，雲尼拿同朱古力。最鍾意紅豆味有粒粒紅豆咬下。羅拔臣啫喱有黑加侖子同芒果味泡芙有幾款口味8）飲品自家制薏米檸檬水：飲左兩杯，基本上係檸檬水加左d薏米咬下，完全唔甜，感覺健康自家制玫瑰花紅棗茶自家制洛神花山楂茶自家制烏龍茶自家制涼茶：我都飲左兩大杯下火。各款汽水同罐裝飲品。食材好衛生，全部用有蓋膠兜裝好哂。餐具基本上全部即棄，係唔環保不過衛生d。基本上冇漏過單，叫咩上咩，服務態度好好。兩個半鐘一定夠食飽飽。唔怪得星期五晚都幾乎滿座咁滯。今晚食得幾開心，好高興又試多樣新菜式！…查看更多