影片
開飯介紹
主打火鍋放題，設有多款不同的套餐選擇，並有海鮮、牛肉、串燒、炸物、飲品及雪糕可供任飲任食。
繼續閱讀
營業時間
今日營業
12:00 - 15:30
17:00 - 23:00
星期一至日
12:00 - 15:30
17:00 - 23:00
公眾假期
12:00 - 15:30
17:00 - 23:00
公眾假期前夕
12:00 - 15:30
17:00 - 23:00
以上資料只供參考, 請與餐廳確認詳情
有關獎賞計劃
優惠
相關文章
1. 服務態度-入到店裏櫃檯，服務員大大聲有冇訂位，我話有，貴姓？ 你自己去搵位，鍾意坐邊度就坐邊度啦，有冇餐廳咁樣帶位😓2. 客人質數-好似街市，坐一分鍾馬上頭痛，叫服務員轉位，佢話每個位都係咁嘈個喎😮3. 衛生問題- 每一個角落都不可接受，一步一驚心，腳踩落地節節聲，我諗開張到而家都未洗過地，坐位破爛，走又唔糸唔走又唔系🤣4. 垃圾食物- 第一道菜，上了個雞煲，雞咬唔斷，豆腐卜縮臭味，海鮮又係臭嘅，即刻叫服務員攞走，然後第二道菜蒸海鮮，惡夢又开始，蜆仔成口沙，全部有異味😭又拎走，之後打邊爐，牛肉嗰隻味我不懂形容，食咗一嚿即吐出嚟🤮天呀人生未試過呀😪 講到大閘蟹放題，主要係想嚟食大閘蟹，咁就由令我好失望，鉸剪手拎都掹唔甩黐住對手，可想言之，唔使我講🥱熟食炸物油唔知用咗幾耐，油膱味超重🤮5. 重点糸大家千萬千萬唔好睇廣告，大家唔知有冇喺Facebook睇過呢個廣告，全部嘢都好精緻好乾淨，就留咗睇食評，咁就衰咗，540幾蚊一位，五星酒店都唔使都可以食到，人生又上了一課
繼續閱讀
(沒有用餐優惠)上個星期同屋企人去咗荔枝角嘅相馬日式火鍋食晚餐，呢間餐廳真係令我哋印象深刻，CP值真係好高，款式多，而且味道都唔錯。我哋嗌咗個套餐，頭盤就係大閘蟹🦀，啲蟹膏同蟹肉真係好鮮甜，蟹味濃郁但唔會覺得膩。之後上咗極上豪華蒸海鮮，有帶子、廣島蠔、海蝦同埋扇貝，賣相靚，蒸得啱啱好，啲海鮮真係鮮甜，而且口感好嫩滑，特別係嗰隻帶子，鮮味十足。炸物方面，我哋試咗啲單骨雞翼，外脆內嫩，味道啱啱好。日式串燒炸物方面，牛肉、豚肉、燒蝦同埋燒金茹肥牛卷都表現唔錯，特別係金茹肥牛卷，好香，入口鮮甜。至於火鍋部分，海鮮包括鮑魚、帶子、廣島蠔、海蝦同埋扇貝，鮮味完全唔失，煮完之後啲海鮮仲係咁嫩，尤其係鮑魚，咬落去好爽。而美國牛板腱🥩，真係嫩滑無比，配埋特製嘅酱料，好有層次感，好滿足。呢次晚餐真係食到好開心，CP值超高，食材夠新鮮，價錢合理，環境又舒服🌟。下次一定會再嚟㗎！
繼續閱讀
今日去咗荔枝角一間叫「相馬日式火鍋」嘅餐廳食放題晚餐，最吸引嘅係連而家當造嘅大閘蟹都可以放題任食，每人$498無限時任食大閘蟹、雞煲、海鮮、火鍋配料、雞翼、炸物同串燒，一個價錢滿足晒所有慾望，真係好抵食，食物選擇嘅款式好多，總有一款你啱食。而且無限時嘅放題真係好吸引，可以慢慢食慢慢嘆，唔使食都趕頭趕命，又可以有時間同朋友傾偈。🍊大閘蟹蟹嘅尺寸唔會太細，起碼都有四両或以上，可以揀公或者乸，雖然要拆蟹穀有d麻煩，但每一隻都有濃厚嘅蟹膏，食落非常滿足，蟹肉亦都好甜，而且食大閘蟹放題餐仲可以無限任飲喜力啤酒添🍊海鮮款式種類好多，包括鮑魚、大蝦、貴妃蚌、帶子、廣島蠔、扇貝等等，全部都味道鮮甜，食材新鮮，海鮮嘅精華透過蒸架滴落下面嘅湯底，令到個湯好鮮甜🍊雞翼放題有好多款唔同煮法嘅雞翼，我覺得最好食嘅係蜜糖雞翼、水牛城雞翼同蒜蓉牛油雞翼，全部都整得好入味，雞皮充滿唔同口味，雞肉仍然保持嫩滑多汁📍荔枝角長義街10號昌隆工業大廈1樓B-C號位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊
繼續閱讀
呢次同朋友嚟到荔枝角嘅相馬日式火鍋再聚，之前喺另一間分店食過一次，已經覺得非常滿意，所以今次決定試下呢度。呢間店嘅環境感覺更加寬敞，裝修係典型嘅日式風格，好有格調，燈光柔和，氛圍舒適，啱晒朋友聚會慢慢食慢慢傾。呢次我哋點咗大闸蟹海鮮火鍋放題套餐，最大嘅吸引點係可以無限追加海鮮！大闸蟹呢個季節限定嘅食材係必食嘅，蟹膏滿滿，蟹肉好鮮甜，食落口係啖啖肉，配埋湯底煮更加惹味。另外，我哋仲試咗佢哋嘅極上豪華蒸海鮮，呢個蒸盤上面有蝦、帶子、螃蟹等多款海鮮，蒸嘅做法完全保留咗海鮮嘅鮮味，每一口都係天然嘅鮮甜感，唔需要任何調味料都已經好好味。新鮮出爐嘅即炸乳鴿真係冇得輸，外皮香脆，肉質鮮嫩多汁，炸得啱啱好，完全唔會過火，食落去感覺非常香口，口感豐富，係炸物愛好者一定要試嘅菜式。日式串燒炸物系列都非常推薦，尤其係串燒牛肉、串燒豚肉同燒蝦，每一串都燒得香噴噴，尤其係烧虾烤至表面微焦，外壳烤得香脆而唔会过火，虾肉保持咗嫩滑嘅口感，入面仲鎖住咗鮮甜嘅肉汁，每一口都係充滿大海嘅味道。最後講下美洲產優質豚肉，呢個豚肉真係肥瘦適中，煮喺火鍋入面肉質好嫩滑，每一口都係好有豬肉嘅香味，食落好滿足！整體嚟講，呢次食嘅出品都冇令人失望，質量同之前食過嘅一樣高。呢度嘅環境寧靜舒適，服務又好，呢間分店真係聚會嘅好選擇，朋友聚餐嚟呢度真係啱晒！
繼續閱讀
前排去咗火炭嗰間食，今次約朋友嚟荔枝角gathering，因為呢度嘅大閘蟹放題，真係好抵食！大閘蟹，仲可以同時任食雞煲、海鮮蒸鍋、炸物，勁多款揀。而且我鍾意食海鮮，有鮑魚、貴妃蚌、廣島蠔同埋扇貝，嗰隻款都有抵過屋企食🤣🤣連雞翼放題都有，特別係蜜糖雞翼，真係好好味！水牛城雞翼同蒜蓉牛油雞翼我都試左少少都唔錯。仲有任飲啤酒，真係飽晒😋最重要嘅係，呢間餐廳係無限時，慢慢坐慢慢嘆，完全唔急。即使同行朋友唔係好鍾意大閘蟹，佢哋都可以食蒸海鮮或者惹味雞煲，根本係一個gathering熱點。總括來講，呢個大閘蟹放題真係好推介，適合各種食客，無論你係海鮮控定係鍾意雞翼，保證你會食得開心！
繼續閱讀
您可能會有興趣的...