相馬日式火鍋 荔枝角

營業中

休息中

上年開始就嚟咗呢間相馬食我既大閘蟹宴，上年總共嚟咗三次因為貪呢間可以五點鐘坐低無限時慢慢食都可以但今年佢地轉左新玩法，係幫我哋蒸埋蟹，但係每轉要等廿分鐘😖😖😖今次小妹因為朋友收工夜，所以要差唔多8點鍾先可以嚟到😓所以只有2個鐘食蟹，由於佢地要我哋差不多食完一轉先可以再入單😫所以我哋今晚只可以食到四轉😫即係每人得8隻真心希望你哋公司要改善下呢一個係好嚴重既問題好啦唔講啲唔開心既野啦，講返食物先一坐低就見到佢地呢個即燒串燒counter,食物都燒到唔錯，任食嚟講都食都過既跟餐火鍋方便，佢哋都有幾多海鮮選擇，但小妹都係比較鍾意佢地既牛肉淥三秒就食得，牛味都好正登登登登主角登場每隻差唔多都有四両左右大約有7成啲膏都好靚即燒串燒不錯好多口味既雞翼一次過食晒咁多隻味

早幾年因為我成日都要出trip，所以冷落咗A姐同大閘蟹，嚟到今年嘅大閘蟹季節，我唔可以再錯過喇！當我搵緊去邊度食大閘蟹嘅時候，就俾呢個「任食大閘蟹」深深所吸引。今次嚟到位於荔枝角嘅相馬日式火鍋，除咗可以任食大閘蟹，仲有日式火鍋同串燒放題，唔該俾多兩個胃我。大閘蟹一人一鍋就聽得多，但呢度係一人兩鍋。一人兩鍋？係呀，一個鍋係用嚟打邊爐，而另一個鍋就係用嚟蒸大閘蟹。每個鍋可以放入2隻大閘蟹，店員提醒，每次約蒸20分鐘就得，如果你主力想食蟹，每次差唔多熟就盡快落order叫下一round喇！咁唔知你哋食大閘蟹鍾意食公定乸呢？有啲人話乸多黃啲，但有啲人就話公會甜啲，真係各有市場。其實大閘蟹乸嘅蟹黃主要係卵巢同卵細胞，吃落有一種沙沙嘅顆粒感，有啲似鹹蛋黃嘅質感同味道；而相馬日式火鍋嘅大閘蟹提供嘅就係我哋最鍾意嘅公呀！公蟹係唔會有蟹黃，只有蟹膏，而蟹膏係精囊同精液，我哋就好鍾意蟹膏嘅細膩同綿密，濃郁嘅蟹味真係非常吸引。另一重點當然係蟹肉，肉都幾扎實，好鮮甜。串燒等緊蟹嘅時候，可以叫啲串燒食住等。串燒選擇唔少，我哋只係叫咗雞翼同少少串燒，唔敢食太多，要留肚食大閘蟹呀！火鍋一人兩鍋嘅另一個鍋就係用嚟打邊