影片
港鐵荔枝角站 B1 出口, 步行約6分鐘
繼續閱讀
營業時間
星期一至六
11:00 - 15:00
17:30 - 21:00
星期日
全日休息
以上資料只供參考, 請與餐廳確認詳情
食家推介
招牌菜
午餐順路去左荔枝角食個快飯。餐廳名叫 咖哩碼頭。名符其實 以咖哩為主。餐廳有款蘋果咖哩本身都想試，但可惜當日賣哂。餐廳唔算特別大，都有大約十個座位。我地兩個人一人叫左一款主食，一款小食同飲品。其中一款主食係 漢堡扒 配南洋咖哩飯。漢堡扒肉質鬆軟，喉落都幾juicy, 味道帶少少甜味，幾好食。 南洋咖哩分開上，飯上面仲配左隻溫泉蛋，溫泉蛋撈埋飯，充滿蛋香，飯粒有咬口。南洋咖哩味道香濃，帶辛辣，撈飯一流。另一款叫左魔鬼魚海鮮 配南洋咖哩飯。魔鬼魚海鮮配上咖哩汁一齊上，有蝦，蜆，魷魚，一大件魔鬼魚。唔洗60蚊黎講海鮮質素唔錯，連殻蜆 冇沙，有淡淡海水味，唔會腥。蝦肉都有咬口，帶鮮味。魔鬼魚肉質結實，都幾滑，一絲絲。小食叫左 咖哩魚蛋同龍蝦丸咖哩濃郁魚蛋同龍蝦丸都彈牙。飲品 玄米茶 淡香消膩。樽仔南洋咖啡，咖啡味都香濃厚身。快飯得黎質素都唔錯。
繼續閱讀
今日和朋友去了長沙灣看電影, 睇完戲後, 剛好發現這間咖哩店的.其實我和這個朋友也不太能吃辣, 但剛好看到這餐廳有標明是"微辣"的蘋果咖哩, 好奇心驅使下, 便決定進去吃午餐.蘋果咖哩 (微辣) 日式漢堡扒溫泉蛋白飯 ($54) :第一次吃蘋果咖哩, 很特別, 真的是不算辣. 連我一向不太吃辣的人都吃到, 幾好食. 味道是跟日式咖哩相似, 但放了蘋果令咖哩更加香甜, 幾好食.日式漢堡扒幾香口, 幾好食, 同埋漢堡扒配咖哩真的好有日本菜的feel.另外溫泉蛋幾好食, 很喜歡那半生熟的狀態, 很滑, 挺不錯.而白飯上有飯素, 令個飯更加有味道, 挺不錯.跟餐配熱蜂蜜紅棗茶: 非常滋潤和養顏, 紅棗很補血, 為女仕恩物, 冬天飲這些更加暖.汁燒腩肉溫泉蛋飯 ($48): 腩肉幾香滑, 不會韌, 燒得幾香口, 幾正, 個汁都幾惹味, 不錯.跟餐配奶茶: 奶茶幾夠奶香味, 不錯, 幾好飲.燒賣 ($10) : $10有6粒, 價錢合理, 不算貴, 幾好食.雞肉軟骨丸 ($9): 圖上右方沾了咖哩汁的就是雞肉軟骨丸, 辣辣地幾香口, 好食.
繼續閱讀
賣兩餸飯嘅食堂，轉手之後變成賣咖哩，東南亞口味同日本口味都有，即刻好想試。 入去睇下餐牌先 其他環境 燴牛面肉 南洋咖喱便當$49咖喱汁連肉+配菜(薑煮甘筍,牛油粟米,咖喱薯仔) +蕉葉白飯一睇會見到係東南亞口味，但無(咩)椰汁味道，同有好濃香料味道，雖然唔係好辣，但咖哩汁，係似南亞感覺多啲。牛面肉炆得好腍，有筋但無咩脂肪，係好過牛腩。每種蔬菜嘅配菜都有唔同嘅味道，唔係全部都係白烚，幾好。薯仔同本身嘅咖哩味道接近，建議連咖哩肉一齊煮，會更入味。 鹿兒島黑毛豬肉餅 蘋果咖喱便當 $57#蘋果咖喱+溫泉蛋 +白飯 輪到日式代表，平時香港有嘅日式咖哩係洋蔥、薯仔，最多加埋紅蘿蔔，都夠甜，不過呢度用蘋果🍎都係煮得腍，但更加甜口，配埋流心溫泉蛋同飯素，真係可以食曬飯，再食炸嘢。 豬肉餅都特別，睇樣覺得係一塊普通嘅薯餅，咬落去係一塊實啲嘅漢堡扒，炸得乾身，但有肉汁。點嘅汁，開頭以為係蜜糖芥末，原來係咖哩蛋黃醬，酸甜味重啲，再有啲香料味道。 飲品雪櫃 鴨屎香檸檬茶 🍋 ＋$5鴨屎香本身係幾香，但幾澀嘅潮州茶🍵澀過好多綠茶款，但呢度可以用少甜，keep到茶嘅香，但無咩澀味。檸檬係我地喺雪櫃攞完，先後加，所以飲落係清甜，完全無苦嘅感覺。越南咖啡 ＋$5香濃香滑，有煉奶味，但唔太甜，符合香港口味 總數：$116#咖喱碼頭荔枝角青山道479號地下1A號舖電話: 51369050
繼續閱讀
係青山道嘅一間小店，不太起眼但好食又平，真心推介，呢頭吾太熟，肚子餓就見到呢間就入去食了，一位店員，但服務好好，又有禮貌，又快手，見menu dinner時間都40蚊，超平，再同朋友點左兩個餐，好好食。我地嗌左吉列豬扒滑蛋飯，吉列炸魚滑蛋飯，問了店員南洋咖哩，日式咖哩的分別，佢都耐心講解，我地分別各一都點了，南洋咖哩是比較辣少少的，個人覺得兩者都好食，吉列炸魚好好味，炸魚炸得外脆內嫩，魚肉竟然仲有汁同滑，超正，而且仲有兩大舊。而朋友食吉列豬扒都好香脆可口，朋友都大讚。滑蛋飯米飯好食，軟硬適中，大大碗，夠飽好食。店員推介下，再食左小食，魚旦同腸仔，魚旦很彈牙，係白魚旦嚟，加埋佢嘅咖哩汁好食，而腸仔就不過不失，正常嘅雞肉腸。整體服務好，味道又好，價錢仲超平，正啊。
繼續閱讀
餐廳喺長沙灣mcl隔離，晏晝食過一兩次，見到餐牌嘅嘢全部都係勁平，廿零三十蚊都有交易 ，今晚去睇戲之前又嚟食過飯先去睇戲我簡簡單單要咗個半筋半肉米這個配搭先33蚊，去粉麵檔都食唔到牛腩夠淋冇渣，牛筋嫩滑覺得仲好過啲牛腩店朋友就話點都要試下佢個南洋咖哩就揀咗個烤雞腿南洋咖哩覺得不錯 放上面仲有隻溫泉蛋可以撈飯咖哩汁夠濃味，雞髀冇雪味揀咗一個比較少見的雞軟骨丸子食落有雞軟骨的香味跟餐加五蚊有樽仔越南咖啡覺得味道好好飲唔會太甜， 有咖啡香味，覺得好有特色
繼續閱讀