影片
開飯介紹
來自名古屋、以採用高級日本原材料製作的夏威夷風味班戟而聞名的日本餐廳，部分食材包括麵粉、忌廉均從名古屋直送到港。梳乎厘班戟之外，亦有班戟漢堡、Taco飯、意粉等鹹食。
繼續閱讀
營業時間
今日營業
11:30 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
相關文章
Hoihoi Pancake 係其中一間on the list 一定要試嘅餐廳，第一次去摸門釘（原來星期一休息），今次終於食到了！Hoihoi 係來自日本名古屋嘅人氣班戟店。班戟有兩款，一款係空氣感十足嘅梳乎厘班戟，而另一款叫夏威夷班戟，即傳統美式鬆餅，亦係餐廳嘅signature。難得香港都有得食，點可以錯過！荃灣分店限定有個Hoihoi Set for 2 二人前，有兩個主菜🍝、任點2個甜品🍮和2杯飲品🍹，只需 $298真係超級超值！🍗日式Cajun 燒雞 （半隻）燒春雞有驚喜，size唔算大隻，切開發現原來係爆汁超juicy！而且好有雞味，cajun調味亦恰到好處，必點推介！🍕黑松露野菌蘑菇pizza唔算好大個，厚底pizza質感近似麵包🥖，重點在於超多料，一入口啖啖香濃黑松露和野菌，味道一流！🥞夏威夷果仁忌廉夏威夷班戟夏威夷班戟即美式鬆餅，帶咸味，質感較厚實而鬆軟。上面加上了厚厚的忌廉，賣相非常吸引亦增添不少風味。切開內裡是厚厚的三層班戟，再加上大量夏威夷果仁🥜，好味程度爆登！🥞提拉米蘇疏乎厘班戟最為人喜愛的疏乎厘班戟，選用優質日本雞蛋，蛋味勁香濃，班戟非常有空氣感，jiggle jiggle 淨係個賣相都已經冇得輸😆再加上tiramisu嘅忌廉，超。級。好。食🤤餐飲選擇咗兩杯Smoothie 黑芝麻花生 同埋抹茶，夠晒足料味道香濃，兩杯都好味！啲個2人set真係勁抵食，雖然出名係pancake，但估唔到主食都好有質素。至於主角pancake當然唔洗講係高質啦！ 個人就比較喜歡疏乎厘班戟🥞，非常推介！
繼續閱讀
Pancake House HoiHoi是日本過江龍，是受食客追捧的人氣班戟專門店，招牌的夏威夷風味班戟，是採用日本原材料製作的，完美複雜日式風味。香港店充滿少女心，明亮的燈光，以木系小清新為主調，並加入綠色植物元素，安坐在舒適位置，品嚐甜美的梳乎厘班戟，幸福感滿滿。安格斯牛扒配薯條 牛扒肥美嫩紅，七成熟肉質，緩緩切開，肉香撲鼻而來，令人食慾大開。入口微微焦香，軟腍多汁，豐盛的肉汁在口散發，牛香味濃，沾上燒汁，是誘人滋味。薯條是從薯仔切條批出，粗身綿密，份量十足。鐵板名古屋茄汁海蝦腸片意粉 意粉以鐵板盛上，以一片薄薄的香煎蛋皮墊底，配料豐富，使意粉保持濕潤，令人垂涎。蝦肉彈牙，鮮味吸引，每條意粉都掛滿酸甜蕃茄汁，夾合香腸片，每口意粉都伴著鮮味，簡單滋味。 楓糖忌廉夏威夷班戟 三層班戟即點即製，表面鋪上柔滑的楓糖忌廉，令人食指大動。綿彈的質感，入洋溢陣陣蛋香，吃完滿咀奶香味，香甜窩心。草莓梳乎厘班戟 震騰騰的梳乎厘，充滿空氣感，被奶滑的草莓忌廉覆蓋著。質感軟綿綿，香濃的蛋香，再沾上鬆軟的忌廉，蜜甜絲滑，伴以鮮甜的草莓果肉，令人甜絲絲。草莓沙冰沙冰濃稠，拌勻後清爽解渴，清新草莓酸香充滿口腔，十分迷人。音樂家系列手沖咖啡購買任何食品，可以優惠價$30換購手沖咖啡，款式由扭蛋命運決定，咖啡師用V60 or Aeropress沖煮精品咖啡，精神一振。音樂家系列都是SHB等級的高海拔極硬豆，抽中了莫札特口味，以士多啤梨、玫瑰、茶花、葡萄及綠茶香為主，風味十足，呷一口雜合水果甜香、醇厚茶香，甘香中沁出淡淡果酸味，別有一番新意。
繼續閱讀
朋友生日黎食呢間主打日式pancake，裝修係沖繩風。有個二人餐超級抵食：兩款主菜、兩個Pancake🤤、兩杯飲品👉🏻安格斯肉眼扒配薯條意想不到好大塊牛扒，雖然係薄牛扒，但都有肉味又無咩筋，成塊都食得。薯條唔點茄汁都好味。👉🏻鐵板名古屋茄汁海蝦香腸片意粉賣相吸引，酸甜開胃，兩個女仔食好夠分。👉🏻夏威夷果仁驚喜✨Pancake輕盈鬆軟得黎，唔係一陣風，真係食得飽果隻。Cream係冰冰涼涼咁，果仁又脆，真係好好食。👉🏻提拉米蘇呢款都好味😋可以再濃味啲。👉🏻草莓香蕉冰沙好大杯～超多cream係面，撈埋果jam食一啲都唔漏，但邪惡度爆燈😋👉🏻熱帶特飲清爽好飲。
繼續閱讀
甜品控的我最喜歡HoiHoi 餐廳，早前趁朋友生日請她來到在荃灣分店品嚐了漲卜卜熱辣辣的梳乎厘班戟！每份梳乎厘都係即叫即製，新鮮出爐😍香噴噴到口水直流🤤🤤另外，HoiHoi 更聯同本地咖啡☕️烘焙 餐廳 合作 推出 「音樂家手沖咖啡☕️」！味道有多款選擇，我便選了帶有花香及果香的手工咖啡！香氣四溢好吸引！除了甜點咖啡外， 其實主食都不錯， 肚餓的我們仲點了薄餅呢！地址：新界荃灣楊屋道1號荃新天地1樓117號舖
繼續閱讀
幾年前食過九龍灣間Hoi Hoi，覺得佢啲pancake幾好食，但近排見執左，然後發現仲有荃灣店，有主食提供，仲有二人晚餐，有齊主食同pancake，可以一次過系同一間食野，傾計傾耐啲，吾洗轉地方！二人餐 $298（另需加一）鐵板名古屋茄汁海蝦意粉貌相同味道都好有日本西式意粉style，4隻蝦，有幾片香腸、芝士碎配茄汁意粉，底下有塊薄薄既蛋墊住。安格斯牛扒套餐價錢比較平民，所以牛扒質素相對都系茶記級數，不過勝在大大塊，另外有好多薯條，薯條幾好食。呢個餐會包2款甜品，可以系主甜品牌揀，有一般薄身pancake，亦有梳乎厘pancake，幾多味道選擇。焦糖布丁梳乎厘pancake以吉士醬蓋滿梳乎厘pancake，表面加少少燒焦過既焦糖，味道吾會好甜，幾岩我口味。梳乎厘幾重蛋味，而且放左一陣都無咩扁塌。香蕉朱古力梳乎厘pancake呢款用奶油cream加朱古力醬，pancake都系原味，旁邊圍住左啲香蕉。跟餐會跟2杯飲品，香桃冰茶&焙茶Latte，焙茶latte既拉花又幾靚。
繼續閱讀