影片
付款方式
以上資料只供參考, 請與餐廳確認詳情
前日(19-4-2024 Fri）放工後諗食咩嘢,記起新開嘅呢間有飯,有糯米雞食,於是走嚟睇吓,睇到有撈麵同少量點心,由於唔係好餓,就要每樣$10.00嘅6粒燒賣,2個粉粿同2個牛肉球.老闆會問我要唔要辣椒油?我答唔要.拎到返屋企食得,先食燒賣,口感唔錯,甚至有少少彈牙.5分牛肉球牛味係有,口感亦係比茶樓食到嘅扎實唔係鬆軟嗰隻.4.3分至於粉粿,澄麵皮煙韌,本身味道都辣,應該係五香嘅辣,好彩唔要辣油,而佢嘅餡料都爽口嘅.4.3分而佢嘅豉油係甜豉油,同呢幾樣嘢食都幾夾.
繼續閱讀