影片
電話號碼
25276788
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
呢排又返返嚟金鐘中環灣仔呢一邊搵食啦，咁我lunch時間呢喺灣仔會議展覽中心呢一頭其實都有好多人會出去食飯嘅，尤其是11:30至到1:30呢個時間呢基本上每一間餐廳都係爆曬棚，咁呢我哋今次就嚟咗呢一間喺APA再行過少少嘅位置啦嘅呢一間餐廳。咁我哋五六個同事就去咗呢一間餐廳度都算叫做最快啦，所以就試咗呢一間，食越南嘢嘅餐廳，其中一位同事呢都有喺呢頭搵食嘅，咁佢就話呢一間嘅炭燒豬頸肉同埋炭燒雞呢都係非常好味嘅。所以我哋都試咗呢一個炭燒雞，唔該晒唔錯嘅，咁因為佢人流方便都幾多啦，應該都係即叫即整嘅，就算整好咗都唔會放得太耐所以呢個價錢同埋呢個時間算係幾好㗎啦！
繼續閱讀
第一次食灣仔店係同事帶我去食lunch，雖然覺得有些少隔涉，又離公司頗遠，但行遠啲絕對值得。好多嘢都有水準，之後成日去。火車頭，生牛河，香茅豬扒飯，小食拼盤，咖喱牛腩飯。試過嘅嘢食唔多，因為有樣經常食嘅，要特別推介炭燒香茅雞扒，真係好鬼好食，冇乜地方可以匹敵👍🏻
繼續閱讀
喺灣仔蘭杜街8號環境就普通嘅，空間不大位置不多，條路就正常啦，下午茶好好食，2:30pm平得來又大份雞肉撈檬粉（雞肉好好食，醬汁鹹甜味適中）埋單五十幾計埋凍飲當60啦，咁都幾抵嘅！
繼續閱讀
因為趕住返公司做嘢，所以簡簡單單食咗碗牛肉撈檬印象中平時晏晝都好多人排隊，因為今日食晏，2:30後冇乜人排隊，所以就去咗呢一間度食啦之後我哋點咗一個越南扎肉撈檬，食落不過不失，份量就大大份，因為我食嘅係下午茶我覺得性價比都幾高
繼續閱讀
一個月都會去幾次幫襯，佢哋嘅檬粉、生牛肉湯河，或者香茅雞扒豬扒都好好食！但過往幾次只會見到一兩隻細小嘅飛行動物，大烏蠅！覺得好嘔心！坐落座位之後，覺得有嘢咬，即刻噴咗蚊怕水。無奈已經叫咗食物，就盡快食完！買單時向侍應反映烏蠅問題，但完全冇反應，繼續收錢。以前間唔中都會見到一個學生仔，好似係老闆，但呢幾次都見唔到，係咪已經易手呢？侍應咁嘅反應，是否鼓勵我去報食環署？ 或者簡單啲嚟講，一年半載唔好再幫襯，直至又一結業！所以唔好話香港人唔撐本地食肆，真心撐都要值得撐先得！
繼續閱讀