大叻越南牛肉粉餐廳 (蘭杜街)

營業中

休息中

第一次食灣仔店係同事帶我去食lunch，雖然覺得有些少隔涉，又離公司頗遠，但行遠啲絕對值得。好多嘢都有水準，之後成日去。火車頭，生牛河，香茅豬扒飯，小食拼盤，咖喱牛腩飯。試過嘅嘢食唔多，因為有樣經常食嘅，要特別推介炭燒香茅雞扒，真係好鬼好食，冇乜地方可以匹敵👍🏻

喺灣仔蘭杜街8號環境就普通嘅，空間不大位置不多，條路就正常啦，下午茶好好食，2:30pm平得來又大份雞肉撈檬粉（雞肉好好食，醬汁鹹甜味適中）埋單五十幾計埋凍飲當60啦，咁都幾抵嘅！

因為趕住返公司做嘢，所以簡簡單單食咗碗牛肉撈檬印象中平時晏晝都好多人排隊，因為今日食晏，2:30後冇乜人排隊，所以就去咗呢一間度食啦之後我哋點咗一個越南扎肉撈檬，食落不過不失，份量就大大份，因為我食嘅係下午茶我覺得性價比都幾高

一個月都會去幾次幫襯，佢哋嘅檬粉、生牛肉湯河，或者香茅雞扒豬扒都好好食！但過往幾次只會見到一兩隻細小嘅飛行動物，大烏蠅！覺得好嘔心！坐落座位之後，覺得有嘢咬，即刻噴咗蚊怕水。無奈已經叫咗食物，就盡快食完！買單時向侍應反映烏蠅問題，但完全冇反應，繼續收錢。以前間唔中都會見到一個學生仔，好似係老闆，但呢幾次都見唔到，係咪已經易手呢？侍應咁嘅反應，是否鼓勵我去報食環署？ 或者簡單啲嚟講，一年半載唔好再幫襯，直至又一結業！所以唔好話香港人唔撐本地食肆，真心撐都要值得撐先得！

今日中午約咗同事一齊食午餐，我話想食越南河粉，跟住我哋就上網搵吓灣仔區有邊到食越南菜，ok就選中您「大叻越南牛肉粉餐廳」，都不用等位就直接可以入坐，太Lucky了，原來只剩兩張枱，都已坐滿了客人，待應都很心急招呼我們，我們點了兩份午餐，蝦餅撈檬🍜$60，鮮茄牛坑腩河粉🥘$60 + 2杯特飲 凍龍眼冰另+$10。蝦餅撈檬 蝦餅兩塊•檬粉都比較多•跟泰式甜辣醬(醬汁是靈魂)鮮茄牛坑腩河粉•鮮茄味不是太濃•牛坑腩都夠多又夠淋•合格龍眼冰·好甜還有粒龍眼核吃完，因為繁忙時段，較多人等位，我哋都吃飽飽就離開。

香港是國際美食城市真是不容質疑！街道上都充滿著不同國家或城市的美食，近年我感覺越南菜也真不少，他的規模就像茶餐廳一樣，或者就因為這樣，所以開店到成行成市。這家在灣仔的，裝修一般簡潔，乾淨，就如普通的小餐廳。他的菜式味道可以，就是春卷不是素菜，亦感覺不到菜，只有肉碎，味道有點怪怪的。他的香茅豬扒檬，豬扒上一點香茅也沒有，豬扒不夠新鮮！起碼沒有除去凍肉的感覺。肉排沒有肉汁，可以咬開，但跟原來的香茅豬扒，鮮嫩且充滿香氣的香茅味真是不同層次。

聽到別府拉麵全線倒閉真係有D唔開心好彩試埋佢集團旗下其他餐廳原來都算好有水準希望可以繼續發展落去聽朋友介紹去左呢間灣仔同金鐘交界嘅佢話lunch真係好多人今日閒日晚去都okSet真係好抵食$68有麵有飲品仲有2隻炸蝦送而且自由度好高轉河粉、粉絲、撈檬、金邊粉都得碗粉份量有年輕男士嘅食量甘大個碳燒雞扒係世一炭燒中又有好香甜嘅味道好滑好滑難怪我朋友叫完生牛河之後仲食得落額外仲叫多份小食size雞扒豬頸肉撈檬個肉味都好濃可惜有少少un咬唔開

已經食左好幾年雖然服務越來越唔多好但味道一路都最鐘意，所以都繼續食🤣🤣🔆生牛肉金邊粉湯底好好味，夠曬濃郁，不過生牛肉上到黎就熟曬，都不過不失！ 🔆雙併飯（炸雞翼 + 香茅豬扒）啲飯加左薑蓉，啲飯就無咁dry ， 雞翼炸得好蘇脆，香芧豬扒份量好多，味道都好夠味，送飯真係一流！ 最後跟餐黎多個凍檸茶茶底夠濃，都幾好飲！ 全部份量都大大碟，而且味道又唔錯，所以就算服務差小小都會繼續黎食，因為唔係間間都有咁既質素😆😆！

經常漏俾炸蝦，不是一次，已經第二次發生。收錢就套餐錢，俾食物就係單點。食品味道OK，出食品都快脆。打去投訴佢都肯下次俾回。但係當其時想食嘅衝動變咗冇咗。令人失望。另外食品唯一失望就係蕃茄牛腩河。他個牛腩是牛展比較韌。最好食都是他們的豬扒。

午飯時間好多餐廳都好多人要等位，但大叻既午餐唔錯，間唔中都會去食。雖然之前已經試過比侍應批踭撞到個頭，但因為地方太狹窄，知道佢係唔小心的。但今次三個侍應嘅態度都非常差，食食下飯一野撞埋嚟，我成個手踭撞落枱，大聲到連隔離枱都望過嚟睇我有冇事。食完飯飲緊杯野，有個男收銀員走埋嚟叫我快啲埋左張單出面好多人等緊位，ok 明白既，仲有大半杯野未飲完，比多一兩分鐘我飲埋佢都好掛？！一轉頭就叫人坐入尼，我飲都未飲完，仲要唔知另一個女侍應係唔小心定咩，倒瀉啲 汁落我枱同電話度想趕我走咁。食個lunch姐，使唔使咁。我即刻問佢有冇濕紙巾，個女侍應一嘢掉一疊紙巾過嚟，大大聲話：冇濕紙巾呀，你用紙巾抹啦自己！總括，嘢食越嚟越差，服務態度更更更更加差

吃這玩意又花時間又花體力弄了我半小時才能吃有半小時自己 BBQ 都燒好吃完了還有我是跟 friend 去的他們都吃完了一看見我還在弄都在說未見過這樣的炭狀食物我們還是坐在門口位店員有個站在門口收銀位, 有數個在面前走過數次全都沒反應看不見也會聽見吧旁邊桌的還特意看了眼, 都見有奇怪的表情算, 這服務質素差的地方真不建議去