影片
以上資料只供參考, 請與餐廳確認詳情
有關獎賞計劃
相關文章
心血來潮有朋友帶路試左深水埗一間土耳其的café, 第一眼入去環境係充滿中東style，客人亦可以自由除鞋感覺係好feel☁️lunch和dinner是同一餐牌，菜式份量比較細碟，女士們剛好😂😂 最特別可以試下佢地的「土耳其早餐」，麵包偏硬帶甜口感，有啲似油炸鬼，配上無花果、忌廉，蜜糖、辣椒醬可以試到唔同口味。真係各人口味不同，我同行朋友就好喜歡，我就嘛嘛地了。 我反而推薦‧「泰式咖哩慢煮牛肋條燴飯」，牛肋條好入味，牛肉份量亦足夠，呢個下次想Encore。
繼續閱讀
深水埗區係飲食文青集中地，係得呢區開cafe要有相當的信心同實力。而呢間打着土耳其早餐cross 中國四川美食、由特色土耳其茶至咖啡到酒都一應俱備，我就要穿過大街走去另一邊尋訪佢嘅踪影。🥢 土耳其早餐配土耳其甜茶呢個一定係餐廳signature，真心對佢嘅自家製芝麻包大推，本身個包係屬於硬包，但內裡好軟，沾上佢3款土耳其特色果醬超好食！ 另外餐內亦有3款土耳其芝士，唔會好濃烈，但奶味香濃。仲有腸呀、青瓜、蕃茄仔咁。🥢 土耳其烤雞肉卷 個夾雞肉卷香，都例牌有芝士，正常發揮。🥢 玫瑰蜜糖雞翼呢個略嫌未夠入味。雞皮係燒得好香濃的蜜糖味，但雞肉本身就入唔到味，可惜。🥢薯條 正常發揮。☕️ Salep 土耳其傳統特飲混合牛奶、肉桂、開心果，要攪住嚟飲，好似飲緊奶昔。☕️ 焦糖泡沫咖啡咖啡面燒了一層焦糖，輕輕敲面飲超香甜。呢間cafe佈置得好有心機，好有民族色彩嘅枱凳都會喺度發現，對於想體驗一個異國風情嘅餐飲。嚟呢度是一個不錯的選擇。
繼續閱讀
店舖佈置好有中東風情，雖然有盤膝坐嘅位，但因為食Lunch所以揀枱櫈位方便d。响平日下午兩點去到，好少人環境安靜。兩個人叫左一個Lunch Set，一個單點菜式。#1 自家製鷹嘴豆配芝麻包 個包好出色，暖笠笠咬落去好鬆化，原本係Bagel包體但炸完外脆內軟，口感好似食咸水角咁，好有驚喜！配有3款鷹嘴豆味，味道最突出係黑松露味。#2 川味芫茜口水雞冷意 呢個配搭好新，冇諗過意粉都可以涼拌，川味都幾夾！口水雞手掌咁大塊，口感好似醉雞，汁醬剛好，成個配搭好有驚喜。跟餐配有前菜沙律同一杯熱土耳其紅茶，用餐中途女店員更自動幫我refill紅茶好好另外點了一罐Espresso stout啤酒試試
繼續閱讀
一間無服務，態度冷漠，食物普通過普通，言過於實的餐廳。入到去已經無人想招呼，坐低揀好野食女店員唔想幫你落單，到男店員過嚟落單係一啲反應到無，目無表情，收唔收到都比啲反應丫，以為食物會超高水準可以咁唔需要服務，但原來只係超普通質素，所謂餡餅同芝麻包係同普通麵包舖無分別，係非常之失望，唯一可取既係飲品ok，呢個價錢可能只係賣環境？埋單既時候店員係直情想你哋快啲走咁，sorry，我哋都唔會有下次，放心。
繼續閱讀
昨晚(12號)預約7點用餐，我朋友6點50分到達，我7點到，另一朋友因行錯方向，7點40分才到。旦期間waiter/店主已兩三次催促下單及提醒我們用餐時間只有兩小時。我們也7:30下單……差不多8點40分，說我們用餐時間已夠，擺了張發票在台面，預備幫我們收餐具。刷咭(收據)時間是20:49分。簡直匪夷所思，這是餐廳，不是軍營，大家都是香港人，亦想支持小店，更明白生意難做，用餐時間兩小時是理解的，旦多番催促及提醒，就算賣點裝修成中東style /菜式也枉費。在用餐期間，他每次提醒，我就掃一掃餐廳不是full house的，總有一兩張台是吉的。到結賬時，at least 更有三，四張台是吉的。既然不是滿台，何不讓我們坐多一些(餐內仍有其他客人用餐)。就算真的要兩小時內用畢，也不應用此硬崩崩的的態度對我們 (慶幸也有一位女服務員。遞飲品是有笑容的)提醒一,兩次時間已好很足夠。過多就是趕客。或者他們根本不置在(要有性格的)，那就繼續祝他以這樣服務，對待每一個客人吧！
繼續閱讀