影片
港鐵南昌站 D1 出口, 港鐵深水埗站 C1 出口
繼續閱讀
電話號碼
97065687
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
影片
相片
蒜蓉豬手
芝士牛肉飯卷
玫瑰卡邦尼炒年糕公仔麵
+362
+36
食家推介
有冇人統計過西九個美食廣場有幾多間食店？8樓呢層真係百花齊放，幾乎咩菜式都有得食。是日去咗朋友推介嘅樂樂韓式豬手，朋友一向愛食韓國菜，佢話呢間啲嘢好食喎。⭐原味豬手豬手有幾款口味，個人本身想試個辣味嘅，不過朋友唔食辣，咁就叫半份原味。豬手而去骨，滿滿一兜都係豬手肉，炆得相當軟腍，入口好有膠質，個豬皮膠質重到有黏口嘅感覺，調味同口感都啱口味喎🤤⭐炸醬炒年糕公仔麵跟住有炸醬炒年糕跟公仔麵，入面有韓式魚糕同椰菜等配料，年糕煙煙韌韌有咬口，公仔麵淋淋地份量勁多，炸醬鹹鹹甜甜幾好味，不過食到底醬汁太多，有少少鹹。⭐芝士泡菜飯卷韓式飯卷又係朋友至愛，今次叫咗芝士泡菜口味，飯卷入面包住多款醃蔬菜鹹香爽脆，芝士帶奶香，泡菜小酸微辣，小小嘅飯卷同時帶有多款味道，正😋⭐醃椰菜除豬手附送嘅醃椰菜，食咗咁多重口味嘢，食返個酸酸哋嘅椰菜中和下😆⭐檸檬茶小店只有紙包飲品同罐裝飲品，揀咗好耐冇飲過嘅陽光檸檬茶😆好多肉同澱粉質嘅一餐，食飽飽好滿足～
繼續閱讀
西九龍中心相信是不少90後的青春回憶，多年沒有到訪還以為風光不再，這次來到八樓美食廣場發現人流依然絡繹不絕，而且美食選擇豐富得目不暇給。最後決定一試顧名思義主打韓式豬手的「樂樂韓式豬手」，餐牌主要有韓式豬手、韓式炒年糕、韓式飯卷及小食。蒜蓉豬手($78/半份)韓式豬手分別有招牌原味豬手、蒜蓉豬手及香辣豬手三款口味，除了可選全份或半份之外更可配飯，半份已經滿滿一盒，份量十足。面層舖滿蒜蓉幾乎徹底淹沒底層豬手，香氣濃郁撲鼻，豬手本身已滷製入味，鹹中帶甜，肉質軟而不爛，豬皮爽滑彈牙，配以醃椰菜酸香爽脆令豬手更顯肥而不膩。芝士牛肉飯卷 ($52)飯卷裹住芝士、牛肉、魚糕、蛋絲、青瓜、紅蘿蔔、醃黃蘿蔔及牛蒡，餡料豐富但並不會輕易散開，飯粒濕潤而軟硬適中，若然麻油香氣更強定必錦上添花。玫瑰卡邦尼炒年糕公仔麵 ($69)雖然玫瑰醬早已在韓國流行多年，但仍有不少香港人會誤會玫瑰醬成份包含玫瑰花，事實上玫瑰醬主要是以忌廉、茄汁及韓式辣醬製成，因其顏色有如玫瑰一樣而命名。年糕口感煙韌軟糯並與公仔麵一樣充分裹上玫瑰卡邦尼醬，醬汁將玫瑰醬及卡邦尼醬合二為一，甜辣平衡之餘濃厚醇香，加入煙肉、洋蔥等卡邦尼元素，層次更加豐富。
繼續閱讀
佢地開係西九龍中心美食廣場入面雖然店面細細 但人氣好高 價錢又唔貴今次我就嗌左幾樣食物❤️🔹蒜蓉豬手 (半份)豬手燉得軟爛入味 有大量蒜蓉鋪面蒜香味勁濃郁 膠質豐富 食落黏嘴但又好滿足半份分量啱啱好 適合兩個人分享😋🔹玫瑰卡邦尼年糕韓式年糕同義式卡邦尼醬結合醬汁濃郁帶少少甜味 所以唔會太辣年糕Q彈有咬口 配料仲有魚糕tim❤️🔹原味飯卷飯卷用料十足 有黃瓜、胡蘿蔔、菠菜、醃蘿蔔米飯軟硬適中 內餡雖然簡單但好味可以品嚐到食材嘅原味😍🔹吞拿魚飯卷吞拿魚搭配美乃滋同蔬菜口感豐富 味道清爽份量都幾多 食晒都幾飽肚👏🏻
繼續閱讀
眾所周知西九龍中心8樓美食廣場越來越多美食，今次比我發現有間專食韓國豬手嘅小店，見到賣相就已經流哂口水超想食，忍唔住要買黎試下💕蒜蓉原味豬手 半份估唔到半份都咁有份量🤩豬手外皮好彈牙又煙韌，滿滿嘅骨膠原，而且豬肉好軟腍得黎好有肉味，再配埋蒜蓉超邪惡，但真係完美嘅配撘，越食越上癮😋呑拿魚飯卷 飯卷勁足料，除左呑拿魚外仲有青瓜蟹柳牛蒡同蘿蔔，食落超有口感😙卡邦尼炒年糕好Creamy，年糕煙靭有咬口之餘，仲吸收醬汁嘅精華好入味，重點係食完都唔覺得膩🥰
繼續閱讀
西九龍中心 - 樂樂韓式豬手勁耐冇過嚟西九龍中心，估唔到而家開咗咁多唔同嘢食。今次試咗樂樂韓式豬手👍🏼👍🏼原味豬手（半份），啲豬手好入味，肉質軟熟，豬皮彈牙，冇豬毛👍🏼食咗一嚿就會食唔停口😋😋而且半份都好多，夠哂2個人食👍🏼仲會送埋個椰菜小食，可以解下膩👍🏼卡邦尼年糕炒公仔麵，好香洋蔥味，而且好Creamy👍🏼👍🏼夠晒熱辣辣🥰芝士牛肉飯卷，配料好多👍🏼唔會一夾就鬆散
繼續閱讀