影片
港鐵南昌站 D1 出口, 港鐵深水埗站 C1 出口
繼續閱讀
電話號碼
97065687
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
影片
相片
蒜蓉豬手
芝士牛肉飯卷
玫瑰卡邦尼炒年糕公仔麵
+375
+39
食家推介
有冇人統計過西九個美食廣場有幾多間食店？8樓呢層真係百花齊放，幾乎咩菜式都有得食。是日去咗朋友推介嘅樂樂韓式豬手，朋友一向愛食韓國菜，佢話呢間啲嘢好食喎。⭐原味豬手豬手有幾款口味，個人本身想試個辣味嘅，不過朋友唔食辣，咁就叫半份原味。豬手而去骨，滿滿一兜都係豬手肉，炆得相當軟腍，入口好有膠質，個豬皮膠質重到有黏口嘅感覺，調味同口感都啱口味喎🤤⭐炸醬炒年糕公仔麵跟住有炸醬炒年糕跟公仔麵，入面有韓式魚糕同椰菜等配料，年糕煙煙韌韌有咬口，公仔麵淋淋地份量勁多，炸醬鹹鹹甜甜幾好味，不過食到底醬汁太多，有少少鹹。⭐芝士泡菜飯卷韓式飯卷又係朋友至愛，今次叫咗芝士泡菜口味，飯卷入面包住多款醃蔬菜鹹香爽脆，芝士帶奶香，泡菜小酸微辣，小小嘅飯卷同時帶有多款味道，正😋⭐醃椰菜除豬手附送嘅醃椰菜，食咗咁多重口味嘢，食返個酸酸哋嘅椰菜中和下😆⭐檸檬茶小店只有紙包飲品同罐裝飲品，揀咗好耐冇飲過嘅陽光檸檬茶😆好多肉同澱粉質嘅一餐，食飽飽好滿足～
繼續閱讀
西九龍中心相信是不少90後的青春回憶，多年沒有到訪還以為風光不再，這次來到八樓美食廣場發現人流依然絡繹不絕，而且美食選擇豐富得目不暇給。最後決定一試顧名思義主打韓式豬手的「樂樂韓式豬手」，餐牌主要有韓式豬手、韓式炒年糕、韓式飯卷及小食。蒜蓉豬手($78/半份)韓式豬手分別有招牌原味豬手、蒜蓉豬手及香辣豬手三款口味，除了可選全份或半份之外更可配飯，半份已經滿滿一盒，份量十足。面層舖滿蒜蓉幾乎徹底淹沒底層豬手，香氣濃郁撲鼻，豬手本身已滷製入味，鹹中帶甜，肉質軟而不爛，豬皮爽滑彈牙，配以醃椰菜酸香爽脆令豬手更顯肥而不膩。芝士牛肉飯卷 ($52)飯卷裹住芝士、牛肉、魚糕、蛋絲、青瓜、紅蘿蔔、醃黃蘿蔔及牛蒡，餡料豐富但並不會輕易散開，飯粒濕潤而軟硬適中，若然麻油香氣更強定必錦上添花。玫瑰卡邦尼炒年糕公仔麵 ($69)雖然玫瑰醬早已在韓國流行多年，但仍有不少香港人會誤會玫瑰醬成份包含玫瑰花，事實上玫瑰醬主要是以忌廉、茄汁及韓式辣醬製成，因其顏色有如玫瑰一樣而命名。年糕口感煙韌軟糯並與公仔麵一樣充分裹上玫瑰卡邦尼醬，醬汁將玫瑰醬及卡邦尼醬合二為一，甜辣平衡之餘濃厚醇香，加入煙肉、洋蔥等卡邦尼元素，層次更加豐富。
繼續閱讀
去開深水埗買電子嘢，順便喺西九龍中心搵嘢食好耐都冇去過西九，發現foodcourt 開咗好多新舖頭，好多都好吸引行咗一個round 見隔離枱蒜蓉豬手好吸引，最後決定試吓呢間樂樂豬手所有嘢都係即叫即做，叫完嘢食大概等咗15分鐘，就熱辣辣有得食蒜蓉豬手$78蒜蓉俾得一D都唔孤寒，鋪滿豬手面，勁香牛油蒜茸味豬手底層鋪咗好多蜜糖，豬手又炆得好腍，焗完甜甜地好好食炸醬炒年糕公仔麵$66唔好睇佢黑鼆鼆，但係唔會好鹹餡料好豐富，有年糕、椰菜、公仔麵同魚糕，口感非常豐富芝士吞拿魚飯卷$49吞拿魚飯卷都好大份，女仔嘅話叫一份已經可以做lunch
繼續閱讀
西九龍中心food court多嘢食出晒名，今日就去覓食一下先極多選擇，由中式涼拌菜、酸辣粉、日式丼飯、韓式料理、Pizza、鐵板餐乜都有，見到有間韓式嘢叫樂樂豬手，好似性價比幾高，試吓先半份豬手$78 ，平時出面韓式餐廳一份都要$250左右啦，仲有原味辣味同埋蒜味，唔使喺銅鑼灣排隊可以試到蒜味豬手好正仲要連埋骨嘅位都會俾埋你，一食落去真係感受到滿滿嘅骨膠原芝士吞拿魚飯卷 $49飯卷選擇都幾多，有成九款，估唔到小店嘅飯卷都係即叫即包，因為我唔食青瓜，問職員可否就青瓜竟然可以，加分加分都幾足料，幾好食玫瑰卡邦尼炒年糕公仔麵 $69平時去餐廳食呢一樣嘢起碼都要$130 ，呢度只係半價咋！同埋一啲都唔細兜，非常重手！醬汁非常之濃郁，微辣惹味，年糕同埋公仔麵都非常掛汁總括而言，呢個價錢可以食到韓式料理，仲要包埋豬手真係超級抵，推介比去西九覓食嘅你哋
繼續閱讀
佢地開係西九龍中心美食廣場入面雖然店面細細 但人氣好高 價錢又唔貴今次我就嗌左幾樣食物❤️🔹蒜蓉豬手 (半份)豬手燉得軟爛入味 有大量蒜蓉鋪面蒜香味勁濃郁 膠質豐富 食落黏嘴但又好滿足半份分量啱啱好 適合兩個人分享😋🔹玫瑰卡邦尼年糕韓式年糕同義式卡邦尼醬結合醬汁濃郁帶少少甜味 所以唔會太辣年糕Q彈有咬口 配料仲有魚糕tim❤️🔹原味飯卷飯卷用料十足 有黃瓜、胡蘿蔔、菠菜、醃蘿蔔米飯軟硬適中 內餡雖然簡單但好味可以品嚐到食材嘅原味😍🔹吞拿魚飯卷吞拿魚搭配美乃滋同蔬菜口感豐富 味道清爽份量都幾多 食晒都幾飽肚👏🏻
繼續閱讀