影片
附加資料
拿破崙出爐時間- 7:30am
(其後售完就會補)
布甸蛋撻出爐時間- 9:30am
(其後每半小時出爐50個,直到3:00pm大出)
營業時間
今日營業
07:00 - 20:30
星期一至日
07:00 - 20:30
以上資料只供參考, 請與餐廳確認詳情
相關文章
我去買8個蛋撻，同門口姐姐講，唔該幫我3個一盒，入兩盒得了，淨低2個用紙袋入就可以。因為果兩盒3個裝，我是想分別送俾人的。但門口姐姐好惡，打斷我說話，一句就話唔得，一定要4個放一盒。我話，但我要送3個一盒俾人喎，你做咩夾硬放4個落去。她態度十分惡劣，問題是我又無要求她俾第三個盒，淨低果2個入紙袋就可以了。禁果2盒，我話分開膠袋裝，我要分別拿俾人。她又好惡話晤得，我話禁我俾錢要個膠袋得未呀。她就叫我入收銀再俾膠袋錢。我同收銀講，就算收多我膠袋錢無問題，但門口姐姐唔可以夾硬放4個一盒。最後，收銀有代門口姐姐道歉，同話我買2盒，可以有2個膠袋，無再額外收錢。想問下呢間鋪，係咪買得多，就要夾硬放哂一齊？？？買得多都是想送俾朋友食，如果我分開3次買，係咪就晤會有呢個待遇？？？我完全不介意自己食果2個用紙袋拿住走，同埋我自己都有自備袋走的。不過我只要求，送俾人果兩盒，有盒有膠袋，原來都禁困難。
繼續閱讀
本想為家人慶祝生日，便專程到此店買了 食評上推介 的 “士多啤梨拿破崙蛋糕”；後來店員又推銷 新出的焦糖布甸，於是又買了4個+2個芒果布甸. 誰不知 蛋糕 +布甸，竟然冇一樣甜品好食！開開心心的一頓聚餐，最後敗在甜品上, 太慘. 它們的 “士多啤梨拿破崙蛋糕” , 皮完全是腍的，唔香，又唔脆👎🏻兩個布甸都係好一般, 連小朋友都不好. 以後我再也不會幫襯 此店凍櫃內的任何食品，超級失望‼️最恐怖是個玻璃樽，本想清洗完再用，當我們都以為底部是啡色的時候， 清洗第二天後，才知那是焦糖，太硬。試想想，如果吃到肚內, 會是怎麼樣😞
繼續閱讀
布甸蛋撻真係好正！蛋黃部分畀傳統嘅多一到兩倍，而且個餅底都唔一樣。每次幫襯佢哋嘅蛋撻都係熱辣辣嘅，蛋黃部分口感比較juicy，奶香味比較重。每次最少都要嗌返半打，身邊好多朋友都鍾意食。星味坊嘅布甸蛋撻嘅蛋黃部分真係好誇張！足足有一厘米厚，仲要係爆漿嘅！蛋黃嘅口感好滑溜，奶香味好濃郁。星味坊嘅布甸蛋撻嘅餅底都唔同傳統嘅。佢哋嘅餅底比較厚，而且係曲奇餅底。曲奇餅底嘅口感比較鬆脆，同蛋黃部分好夾。第一次食星味坊嘅布甸蛋撻嘅時候，真係好驚訝！蛋黃部分咁多，仲要係爆漿嘅！我食咗第一啖之後，就忍唔住要encore。我身邊好多朋友都鍾意食星味坊嘅布甸蛋撻。有啲朋友仲話佢地嘅布甸蛋撻係佢哋食過最好食嘅蛋撻。
繼續閱讀
呢排繼續都係忙住辦年貨，買賀年禮盒。今日同老公係深水埗物色緊心水嘅時間，比呢間新鮮出爐嘅巨型蛋撻吸左埋去，真心香！原來係Signature之一嘅布甸蛋撻，曲奇缾底，牛油味非常香，重點係蛋漿部分比一般蛋撻多成1/4😳蛋漿面層微微烤過帶有焦香，咬落口感綿滑，正‼️原來佢哋仲有推出賀年禮盒，我都入手左幾款🫶🏻✨蝴蝶酥從來好喜歡食蝴蝶酥‼️ 口感鬆化酥脆，又充滿牛油同焦糖香，我真係會食唔停口。✨蜂巢原味蛋卷裝作網狀蜂巢蛋卷比一般蛋卷更講究工夫，口感酥脆鬆化，拎起手都要輕手啲😆蛋香味夠哂濃。✨櫻花蝦酥第一次食櫻花蝦酥，又幾特別！千層酥皮上舖滿脆口櫻花蝦，鹹鹹地甜甜地，又幾好食，有啲驚喜🙌🏻
繼續閱讀
今次去咗間頗受歡迎嘅烘焙店，心思思想試吓佢哋嘅夠哂口感嘅布甸蛋撻。🍮 蛋撻呢，每一啖都實在得滯，咬落去既滑又香，滿滿嘅奶味搶咗個show！撻皮就無得輸，外咬微微嘅酥，入面卻保持咗一份彈性，喺咀裡頃刻間化咗，配埋布甸嘅綿滑，正到不得了！再講講另一款長相吸引嘅士多啤梨奶油蛋糕包，聽波子頭講到口水都要流出嚟咁，結果今次睇到朱古力版嘅，嗌咗一個黎試，果乎不負眾望。士多啤梨同朱古力嘅組合滋味極佳，即是非買不可嘅款式！成個下午喺烘焙店度過，種種滋味喺喉頭遊走，流連忘返。臨走前仲意猶未盡，差啲未捨得離開。港式嘅烘焙店個味，真係無得抵擋啊！🥧😋
繼續閱讀