影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今日喺樂富放工見到有間食新加坡菜嘅餐廳叫蒲羅睇吓menu, 有好多選擇仲有下午茶供應👍🏻見餐廳入面有位，就入去試吓啦✨越北綜合牛肉湯粉🍜🐮有生牛肉，牛展，牛肉丸上菜時見到仲係鮮紅色嘅生牛肉🥩好快就俾啲熱辣辣嘅湯淥熟證明餐廳真係提供生牛肉同埋啲湯都好夠熱🔥湯粉面頭有好多䓤🧅🥬好睇之餘又好有青草味啱晒鐘意食䓤嘅我河粉煮得剛剛好🍜夾落唔易斷又唔會一餅野咁痴埋份量亦好多，隻碗好深，食極都仲有🤟🏻湯粉會伴隨一小碟辣椒🌶️生牛肉有三大塊🥩唔係全部都係肥膏食落似係牛板腱肉牛展有三大塊🥩而且每塊又大又厚食落好淋👍🏻牛丸咬落唔係普通牛丸係有好重牛味嘅牛筋丸湯底鮮甜，飲落唔鹹食完碗麵都唔會口渴😋✨蝦頭膏生菜🥬上菜就聞到海鮮蝦油香味食落冇渣唔苦✨南洋白咖啡☕️要熱的咖啡好香飲落仲有陣陣榛子香🌰又帶有少少咖啡苦味兩者好夾🥳餐廳內部乾淨企理枱枱櫈櫈都好乾淨餐廳通風充足💨💨食碗熱辣辣嘅麵都冇滴汗侍應態度親切有禮👍🏻對食客都好attentive👍🏻👍🏻會再幫襯
繼續閱讀
樂富真係有好多嘢食，想食個越南河都有得揀越式綜合牛肉湯粉，湯底鮮甜 ，有生牛，肉牛腱，同埋牛肉丸，配料豐富，配上Q彈的河粉，仲可以額外唧啲檸檬汁同埋加啲辣椒落去令味道更加豐富。而我朋友就叫咗一個海南雞飯，油飯好正，我同朋友發現咗一個意外嘅食法，就係將佢嘅撈檬汁到埋落去嘅話，會令到個飯更加好食。而佢嘅一人套餐仲會跟一款小食，我分別叫咗一個香茅雞翼同埋酸辣無骨鳳爪，雞翼醃製得入味多汁，香茅的香氣滲透其中，每一口都讓人驚艷。而鳳爪肉質彈牙，酸辣的調味讓人胃口大開，難以忘懷。為了養身，飲品選擇左熱桂圓紅棗茶，清香甜美，唔會甜，可以消食解膩。
繼續閱讀
樂富呢個成熟既住宅區，都有好多吾同特色既餐廳🍴如果想食新馬菜，就會推薦多間分店的餐廳——蒲羅，絕對有品質保證啊😋呢度一看裝潢就有氣派，新馬菜的風格，店員服務態度也很好很友善。晚餐有套餐可以選擇，亦都十分划算，主食小食加飲品，都係$100 內。今次要食正宗肉骨茶，我就點左正宗巴生肉骨茶配油飯 $92， 小食就要最喜歡的新加坡🇸🇬鹹蛋黃魚皮，加杯熱南洋白咖啡就perfect 啦。肉骨茶用微火熱住，賣相不錯，份量也多，冬天喝喝肉骨茶補補身真的不錯，整個人都暖和了。鹹蛋黃魚皮是我的最愛，跟平時吃的一樣，有水準不錯👍食飽飽最後嘆返杯咖啡☕️大大的滿足😌
繼續閱讀
叫左蒲羅蝦麵+鹹桔水之前係馬來西亞食過，會比較重口味好香濃蝦味及油膩少少，燒肉皮脆邊，食完真係返唔到轉頭，因為太好食。香港食這是相對比較淡蝦味，湯底唔出色，叫做過下癮，湯底唔油膩帶清淡蝦味，港式蝦的蝦麵😂麵質有兩款，油麵加米粉夠彈牙，麵的配料普通，有豆腐卜，豬腩肉、蝦、豆角，食食下先發覺無雞蛋，問完佢有補畀我。熱鹹桔水幾好喝飲品類有幾多選擇環境有播音樂，d音樂好嘈好難聽，強烈建議關左音樂。加一服務費整體同期待中有出入，湯底會失望，不會再叫蝦麵，會想試其他菜式😅
繼續閱讀
今日上完堂後，我去左位於樂富聯合道198號樂富廣場A區1樓1104-1105號舖的蒲羅用膳，環境舒適，裝修雅緻，好有東南亞風格，坐得舒服。我點左個 海南雞配油香飯 $62，越式烤豬頸肉 $28，峴港炸蝦餅 $28，餐飲係熱鹹桔水（跟餐）。海南雞配油香飯賣相不錯，有蟲草餐湯，雞肉嫩滑好味，油香飯好食；越式烤豬頸肉好香口，皮脆肉嫩好好味；峴港炸蝦餅係一款好好食的菜色，蝦餅肉質軟嫩好味，點越式酸甜醬更惹味；熱鹹桔水十分潤喉好飲。
繼續閱讀
您可能會有興趣的...