廿一堂

話說之前太忙，好耐都冇好好地出街食飯，今日行開荃灣，突然間好想食牛舌飯，就諗起呢間廿一堂，曾經都係我嘅飯堂，因為真係CP值好高！是日menu:牛舌芝士焗飯（芝士白汁）$48豬扒芝士焗飯 $51牛舌依然都係好厚身，芝士味好濃！食咗咁多次，依然係我心目中嘅平靚正之選！兩個人加埋$100都唔使，真係好抵！如果平時出街諗唔到食咩，又唔想食得太貴，就可以考慮呢間，食物選擇又多！不失為一個好選擇！而且唔洗點排隊！…查看更多

今日放假去左樂富嘅「廿一堂」醫肚，點咗個沙嗲牛肉麵＋牛油方包，再加埋一份芝士豬軟骨焗飯。諗住食個開心餐，點知既驚喜又有啲伏。🌶️沙嗲牛肉麵：湯底OK啦，有沙嗲香味但唔會太油膩，牛肉唔算多但夠滑～最大驚喜係個麵，唔係平時嗰種淋晒嘅出前一丁，反而係彈牙少少嗰種，幾得我心！👍🏻🍞牛油方包就⋯唔得喇。感覺冇烘過，牛油味唔夠，仲要成塊好韌，咬到嘴都攰🥲🧀芝士豬軟骨焗飯：呢個幾得意，豬軟骨煮得幾腍，食落有啲膠質感～問題係：芝士焗飯同豬軟骨完全唔搭，兩種味行緊唔同頻道！不過分開食嘅話其實都OK，各自精彩😅🪑餐廳環境：講真，枱凳都有啲污糟，當時真係望咗幾張枱先敢坐低，成間舖都無人出嚟抹枱，感覺有啲hea。希望之後可以改善下啦～整體唔算差，但都幾大改善空間，特別係環境同配搭方面。價錢合理，不過唔建議期望過高。建議避開方包，焗飯可以考慮揀返啲冇咁奇妙配搭嘅款式啦～…查看更多

有一排好想食得健康啲 係樂富經過呢間店嘅時候即刻比呢個丼飯吸引到🤤好豐富嘅蛋白質個陣就黎差唔多下午6點鐘嘅時間order野食 所以入到去唔洗等位就有位坐😆▪️廿一堂炭燒鳥丼飯$59見到個丼飯嘅時候真系覺得好難得 係成碗鋪滿曬啲雞肉架🤩睇張圖都好難望到入面啲飯 好似雞肉放題咁款😂佢嘅雞肉嘅口感都幾實淨，大家都可以見到個飯呢啲雞肉其實係好上色 所以都好入味同埋呢個飯都會配送一杯茶 食完飯飲番啲即刻覺得冇咁滯…查看更多

下午茶經過見到環境好似幾乾淨，落單可以自助，飲水可以自助，都可以自助，份量都OK，幾好食，不過如果唔係下午茶都幾貴，開頭都見到幾多人食，依家好似少人d。😄吉列豬扒 配日式咖喱請岐烏冬$75有配大福同麵豉湯烏冬份量都好多，咖喱湯底濃郁，豬扒好似食👍🏻牛肉芝士焗飯$48咖哩喱汁跟泫米茶，可能即刻焗，等咗15分鐘，我叫牛肉芝士飯，佢俾咗牛舌芝士飯我，費事再等多次就唯有食咗佢，牛舌都幾腍，都幾好食嘅。…查看更多

好彩提早左係午飯時間之前入座🤣所以大把位可以慢慢入座🤗不得不提員工真係非常之好，因為我用自助機落單，冇留意到原來我撳咗外賣，但係我上堂食🤭點知叫到我嘅號碼既時候，我先發現原來我張單係外賣即刻同職員問吓可唔可以同我轉返堂食，佢二話不說勁快手同我轉返晒😊🙏🏻 10分抵讚😘話時話你而家樂富咁多次都係第一次試呢間嘢🤣😋吉列豬扒配日式咖喱讚岐烏冬吉列豬扒炸得好脆，而且嗰個炸粉啱啱好唔會太厚😀豬扒又夠嫩😚烏冬又唔會煮得太腍，夠晒彈牙😀舔舔脷指數👉🏻6😋/10😋滿分 可以一試😋…查看更多