影片
開飯介紹
以2000年代韓式大排檔風格為主題的韓國餐廳，營造出懷舊的韓式氛圍。排骨鍋香濃入味，是許多顧客必點的招牌菜；涮涮牛肉鍋則由新鮮的牛肉片搭配各式配菜，讓人感受到韓式火鍋的獨特風味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
位於旺角朗豪坊10樓的「Bingo & Cook」，係一間裝修充滿韓國氣氛的韓國菜餐廳🇰🇷座位寬敞，感覺舒適餐牌選擇頗多元化，設有多人套餐。四人套餐價值$588，當中包括麵、熱鍋、炸雞或煎餅及四杯飲料烤牛肉水冷麵炎炎夏日食返碗韓式水冷麵就正啦！冷麵口感Q彈，頗煙韌～配上青瓜絲、生菜碎及牛肉碎，清新滋味泡菜豬肉鍋熱鍋份量足夠多人共享～當中配料有原條韓國泡菜、五花豬腩肉、年糕、洋蔥絲、韭菜及豆腐等等，香濃微辣，整體味道同口感都好豐富原味炸雞(半份)配芝士雞球韓式原味炸雞金黃香脆，唔油膩，皮脆肉嫩又多汁，勁好食Bingo特製紫菜包飯餐廳招牌特製Bingo紫菜包飯，內含芝士、牛肉、醃蘿蔔、青瓜、甘筍絲及牛蒡，餡料仲多過飯，口感層次多元化，正呀！無糖可樂蜜桃菠蘿茶&芒果忌廉溝鮮奶兩款特飲冰凍可口，唔會太甜，清新解膩
繼續閱讀
今晚同朋友約好到旺角朗豪坊Bingo & Cook一齊食飯聚下舊。好彩訂左位，都好滿座下。入到去店員好快set好位，俾定餐前小食泡菜。食住睇餐牌啦，自己掃QR code落單方便快捷。我們點了豬肉泡菜湯跟飯，炸豬扒紫菜包飯，蒜香醬油炸雞配香腸年糕串，海鮮煎餅，部隊鍋。店內有著韓國街頭式佈置，非常有韓國感覺。豬肉泡菜湯跟飯：泡菜香口，豬肉肥瘦得宜有口感肉質又好。加埋豆腐辣度十足，配合飯一起吃簡直一流。醃蘿蔔同泡菜都值得一讚。炸豬扒紫菜包飯：飯卷芝麻油香令到成個菜式都提昇，豬扒香口加上醃蘿蔔青瓜豐富了味蕾。蒜香醬油炸雞配香腸年糕：外脆內嫩滑，而炸雞冇多餘既油從而做到不油膩既效果。鮮嫩雞肉肉質好多汁，蒜香醬油平衡得好好，令到入口時非常香口。香腸年糕串就香腸燒得脆口肉香，年糕內軟又煙韌口感好好。海鮮煎餅：煎得香脆可口粉不會過厚，配料蔥，紅椒，韭菜皆能將味道層次提升，加上有咬口既魷魚令口感味道更佳。部隊鍋：傳統式做法有五花腩，午餐肉，芝士腸，年糕，魚糕，豆，大量新鮮蔬菜仲有芝士。混合起來煮埋公仔麵，樣樣食d爽呀。可以自行加辣。今晚有枱食客生日，店員慶生氣氛高漲連帶我們都感覺到好氣氛，今晚都滿晒座。
繼續閱讀
2024年10月24日 星期四今日難得同老婆一齊早收工，可以就去咗旺角行吓街，順便食埋飯先再返屋企喺朗豪坊見到呢一間新餐廳，應該開張咗冇幾耐，就決定入咗去試吓，見到裏面嘅裝修好似置身於韓國嘅街頭咁，周圍貼滿咗韓國明星嘅海報，一枱一凳都好似係韓國街頭小店用嘅款式，好有氣氛餐牌上面有好多食物選擇，講得出嘅韓國食品都有提供，價錢唔算太貴，最後我哋決定要咗幾款食物同一個鍋，再加飲品等咗一陣首先嚟到嘅係飲品，分別係士多啤梨牛奶梳打同凍柚子茶，個梳打有好濃郁嘅士多啤梨香味，同牛奶梳打好夾，酸酸甜甜幾開胃，而柚子茶就唔會太甜，飲完之後好潤喉，啱晒食完炸嘢之後再飲之後食物開始陸續送到，有炸豬扒紫菜包飯，份量都唔細，每一嚿包飯都包得好大嚿，裏面塞滿咗餡料，包括紅蘿蔔絲、蛋、青瓜同炸豬扒，食落去味道好豐富，唔會太過油膩，外面嘅紫菜都幾脆口跟住當然有食韓國菜唔少得嘅炸雞，我哋要咗一份冇骨炸雞，蜂蜜牛油口味，每舊雞都幾大件，雞皮脆卜卜，裏面嘅雞肉仍然保持嫩滑，再加上出面有蜂蜜牛油醬汁，食落去好惹味，食到停唔到口，而且餐廳仲有提供醃蘿蔔，令到食炸雞之餘，食返醃蘿蔔平衡一下口腔嘅味道呢個係馬鈴薯煎餅，煎得好香口，煎餅嘅邊煎到脆卜卜，而且咬落去馬鈴薯絲好似芝士咁可以拉出嚟，而且份量都唔少，兩個人食足夠有餘最後有牛肉涮涮鍋，牛肉同芽菜堆到成座山咁高，仲有冬菇、年糕同大葱添，真係勁多料，兩個人完全食唔晒！！性價比非常高，牛肉淥到岩岩熟，唔會太韌，而下面既芽菜同生菜就吸收晒肉汁，最後我哋無辦法之下都食凈左少少，實在係太飽最後埋單一千蚊有找，食左勁多野，當去左一轉韓國食飯都抵
繼續閱讀
繼上次吃過50cm海鮮鍋仍念念不忘🥰這次就去試試旺角新開張分店推出的新菜式🥢還有一些套餐供客人選擇😍同樣也是由韓國人主理韓國地道料理🇰🇷環境一如以往都是韓式大牌檔為主題無論食物及環境都很有心思及特色海鮮三合 $340🐙🦐🦪🐷鍋物原來是屬於乾鍋，海鮮擺盤視覺上非常震撼🤩，一上枱所有食材未煮熟的🫣，鍋裡放滿多款的海鮮包括鮑魚，扇貝，大蝦，原隻八爪魚，還有大量五花肉，黄豆芽，泡菜及蔥等份量十足💯，這次選擇辣度是少辣🌶️，吃了很多片五花肉也不感到油膩，底部芽菜吸盡醬汁精華，最窩心是有專人幫忙烹飪，愈吃愈惹味很滿足😋套餐E（3-4人）$408牛肉紫菜飯卷🐮🍣紫菜飯卷切開10件，餡料包裹著牛肉🐮，紅蘿蔔🥕，青瓜🥒，黃瓜及蛋等多款配料，表面灑上芝麻，味道及口感非常豐富泡菜煎餅🫓上次吃過海鮮煎餅已非常喜歡，今次就試試泡菜煎餅，煎餅外層也是煎得非常香脆，有泡菜洋蔥口感，蘸上醬汁一起吃，味道酸酸辣辣很開胃😆排骨鍋 +$60賣相吸精🤩，用3大條肋骨堆砌成山狀，排骨吸滿醬汁很入味，肉質軟腍很容易骨肉分離，蘸上芥末汁吃起來味道惹味😋，鍋裡有少量煙韌的年糕，馬鈴薯一口咬下很軟淋，還有娃娃菜大豆芽，整體味道濃郁美味🤤雪梨汁 x2 忌廉鮮奶 x1
繼續閱讀
朗豪坊原來有間咁韓風既餐廳！一入去即刻有種置身韓國街頭嘅感覺！室內設計仿足韓式大排檔，播住韓國pop songs，氣氛濃到爆，好似穿越咗去首爾咁！坐低嗰陣真係覺得自己係韓劇女主角，勁有feel，影相打卡一流！❣️🇰🇷🍴 餐前小吃：泡菜 一坐低就有免費小盤泡菜奉上，酸度啱啱好，微辣帶脆，開胃，食完即刻有食韓餐嘅心情！🍤 海鮮 & 五花肉三合 $340 呢個真係打卡必選！海鮮同五花肉，份量夠晒share。仲有店員好貼心幫手處理，海鮮去晒殼，五花肉剪好晒，服務滿分！鮑魚、魷魚、帶子、蝦新鮮彈牙，五花肉油香四溢，燒完同韓式醬料伴住一齊食，濃香入味，滿足感爆棚！📸✨🥞 海鮮煎餅 $148 韓式煎餅做得好正宗，外層煎到金黃香脆，內裏軟糯有海鮮鮮味，咬落有蝦、魷魚有蔥香，配埋韓式醬油點，簡單又惹味！🍗 蜂蜜黃油炸雞 (全份) $198 韓食點能無炸雞！全份炸雞外皮脆卜卜，裹上蜂蜜黃油嘅甜香，仲灑咗一層芝士粉，咬開熱辣辣又juicy，甜甜鹹鹹再加芝士嘅濃香，味道夾到爆💛🍯🫖 蜂蜜大棗茶 $38 飲品揀咗蜂蜜大棗茶，暖笠笠端上枱，大棗味濃郁，混咗蜂蜜嘅甜香，飲落暖胃又舒服，解晒炸雞嘅油膩感，好match嘅收尾！Bingo & Cook 環境韓味十足，食物質素高又有驚喜，服務仲貼心到爆！無論係鍾意韓式燒烤定煎餅炸雞嘅朋友，嚟呢度食餐飯好似拍緊韓劇咁正，旺角搵食，值得一試！👍😋
繼續閱讀