影片
港鐵屯門站 C3 出口, 步行約3分鐘
繼續閱讀
電話號碼
26183708
營業時間
今日營業
11:00 - 16:00
18:00 - 21:30
星期一至日
11:00 - 16:00
18:00 - 21:30
以上資料只供參考, 請與餐廳確認詳情
上次食過好食當然要返尋味。放工就同屋企人一共四人去食。今次見到有蟹產品，就叫咗蟹粉扒豆腐，豆腐香滑，配蟹粉好惹味，送飯一流。所以專登叫咗個炒飯，松子菜粒炒飯，清清哋，有菜有松子，配餸食又得，就噉食又唔寡。松子大黃魚同韭黃炒鱔糊係媽咪必食嘅，魚表面脆卜卜，肉嫩，再加埋菠蘿、蝦仁、甜酸汁真係停唔到口，每次食都唔會厭。炒鱔糊都係正常水平，惹味得嚟唔鹹，就咁食都可以。蒜蓉時蔬-花菜，即係椰菜花，有啲蒜吊味。食完松子魚濃味再食返啲菜，balance返，唔會樣樣嘢都好濃味，但又幾好味。之後就食砂鍋雲吞雞，湯有雞味，唔會好鹹，雞肉正常嫩滑，雲吞足料飽滿。最後就叫咗2款甜品，都係經典款式：高力豆沙、豆沙鍋餅。不過食高力豆沙就要小心啲，因為都幾熱下，不過唔熱又唔好食。個包（唔知係咪咁叫）都鬆軟，豆沙多啲就perfect。豆沙鍋餅就正常，外脆內甜。當晚唔算好多人，坐得幾舒服，侍應服務都幾周到，舉手示意就好快來幫忙。
繼續閱讀
老友話屋企附近開咗間新餐廳，約我一齊去試。試新餐廳就像一場冒險，慶幸這次確實十分精彩🤩🙌🏻金湯酸菜魚 $268 (爆推🌟🌟🌟🌟🌟)超級足料，份量超多，以巨碟呈上，睇到都覺得好開心😁。魚肉非常大塊，鮮甜嫩滑，肉質結實。酸菜爽口，味道微酸，不會太過，掩蓋了魚的鮮味，非常高質。魚肉下面有大量薯粉，非常彈牙。搭配酸辣的金湯一齊進食，非常開胃。全部滑捋捋，一口接一口，好食到停不了手🤩蒜香小排骨擔擔麵（辣）$72蒜香味濃，小排骨即叫即炸，香脆可口。擔擔麵以傳統煮法烹調，湯頭有陣陣花生醬香😍。麵條爽口彈牙，份量不少。上海小籠包（4隻）$45皮薄餡靚，一咬開，瞬間爆汁😍肉餡及湯汁的香氣，一波接一波，搭配埋薑醋，好似食極都唔夠😂😂。京蔥五香牛肉包（3隻）$48 (爆推🌟🌟🌟🌟🌟)牛肉包表面煎得香脆🤩，內有滿滿的牛肉餡料。調味做得非常好，京蔥超香、五香味濃，整體非常惹味及飽足。豆沙鍋餅 $55 (爆推🌟🌟🌟🌟🌟)我最愛的上海甜品。金黃色的外表帶點微焦，非常鬆脆。紅豆蓉滿瀉，甜而不膩。一口下去，真的外脆內軟，作為結尾，今次冒險旅程非常完美😍。
繼續閱讀
今日陪爸爸黎呢間佢想試好耐既尋魚記，好多樣嘢都幾吸引咁，見人地食酸菜魚好似好大份，我地得兩個人都係試住其他先！🐟松子魚：炸得鬆脆可口既魚配上酸酸甜甜既醬汁，十分開胃！🥯上海小籠包：見餐有小籠包都想叫黎食，佢個小籠包都整得幾好，皮薄，多汁，冇得彈。🍜東北粉耗子：聽個名都唔知係咩黎，叫黎試下，啲粉口感煙韌又幾好食喎。整體黎講食物質素都唔錯，魚以外既菜式都有水準，樓面會定期幫加茶，服務都OK，會再黎食！
繼續閱讀
是晚一家人拉大隊外出食飯，由於其中一位喜歡吃酸菜魚，所以選擇了這間「尋魚記」。辣度是固定的，不過只屬於微辣程度，所以都能夠接受到。魚片滑嫩，份量頗多。配有大量酸菜、豆卜和薯粉，十分豐富。金湯好重酸香味，未算太油膩，用來淋飯不錯。冷盤皮蛋豆腐，拌上酸酸的醬汁，很開胃。但可能豆腐醃得太入味，有過鹹之感。平時食上海菜都會必點。津白份量都幾多，舖有金華火腿茸，入口充滿奶油香味。飯粒炒至色澤金黃，粒粒分明，帶少許彈牙口感。配料有臘腸粒等，臘味的油份迫出令炒飯味道更香。不過就相當較油膩。小籠包一咬爆汁，所以要小心食用。麵皮都做得頗為薄身，肉餡很香，湯汁鮮甜。
繼續閱讀
呢間尋魚記係佢岩岩新開張既時候已經好想黎試下，但個陣大排長龍😂結果想試又唔想等就放棄左，今日收工都算早就一於過嚟碰碰運氣🍀點知就真係撞岩佢岩岩落完場唔使排隊☺️又加多間Vcity既bucket list la。🐒茗茶💰$12🐒松子大黃魚💰$188上網睇唔少人都係食佢地既酸菜魚，但我就係衝住呢個松子魚而黎，因為唔係好多地方有呢款餸🍅熱辣辣炸好既魚配埋甜酸醬真係特別開胃🤤。🐒蟹粉炒年糕💰$138 另外適逢佢地既蟹粉季，佢地都有唔少蟹粉既菜式，而煙韌控係唔會錯過食年糕既機會😍第一次試蟹粉炒年糕，估唔到又好match🦀蟹味都好特出而且仲有啲蟹肉。🐒酸菜福花炒肥腸💰$88本身諗住嗌呢碟餸係食菜🥦但結果原來咁足料，啲肥腸係佈滿成個碟，不過因為佢係配酸菜去炒，所以並唔會覺得膩😋。🐒一口小饅頭(炸)💰$18(3個)
繼續閱讀