影片
港鐵尖沙咀/尖東站 L5 出口, 步行約2分鐘
繼續閱讀
電話號碼
23368939
營業時間
今日營業
08:15 - 23:45
星期一至日
08:15 - 23:45
公眾假期
08:15 - 23:45
公眾假期前夕
08:15 - 23:45
以上資料只供參考, 請與餐廳確認詳情
之前經過尖沙咀，成日見到有間點心舖排晒長龍，今日終於約到朋友過黎試一試。雖然係平日，但依然係排長龍，仲有好多外國人黎食，排我地前既已經有個日本家庭一家人細黎食。我地等左5分鐘左右就有位。坐低一見個餐牌，估唔到價錢咁平，遊客區仲要咁高人氣，野食足料價錢貼地。排晒長龍真係有佢原因。❤️籠仔豉汁帶子飯 ➕️臘腸 超大籠，兩個人都好夠食，大大粒帶子舖滿晒成個飯，仲有大量蒜蓉，中意食蒜既不容錯過。臘腸風味十足，極度抵食。❤️鮑汁花膠鮑魚鵝掌 有齊花膠、鮑魚、鵝掌，性價比極高，鮑魚彈牙，花膠、鵝掌膠質十足，而且全部都好入味。❤️芝麻蝦多士 超級好味，蝦肉多且彈牙，多士超級鬆化。❤️碧綠叉燒腸粉 大大粒叉燒，入面仲有翠玉瓜，大碟夾抵食。❤️帶子菜苗餃 大大粒帶子，菜苗餃多餡，肉質鮮味彈牙。🍹楊枝甘露 香濃芒果味，鮮甜可口。樂意點心 地址: 尖沙咀漢口道19-21號地舖#點心 #尖沙咀 #尖沙咀美食 #尖沙咀好去處 #香港旅行 #香港美食 #人氣食店 #飲茶 #腸粉 #美食分享
繼續閱讀
💮好耐無食過點心，今日熊妹適逢阿妹一齊放假，又想去尖沙咀行吓🛍️，阿妹話食得西餐太多，今次想試吓食中式點心。特登上網搵到呢間位於漢口道的《樂意點心》多人評價又多人食過，仲要入圍《開飯熱店2024五十大外賣自取餐廳》🏵️，主要係喺尖沙咀地段點心嘅價錢好抵食，一於去試吓。📌下午茶三點嚟到，原來星期一至五下午茶時間3:00開始到6:00，仲有88折，全日唔收加一，難怪勁多人喺街度排隊🚶🏻🚶🏻♀️，攞飛等叫號都等咗大半個鐘，咪話唔誇張。📌終於入得啦，一坐低，店員就會問「想飲咩茶？香片、普洱、菊花、白桃烏龍、荔枝玫瑰？」做法好傳統點心店，不過引入了新式茶葉品種，裝潢又以暗花深綠色的風格，華麗時尙，傳統得來又切合尖沙咀的高尙地段，係新一派點心專門店💮。三色小籠包，$35招牌三色小籠包咁吸睛👀，梗係要試吓啦！三色即係原味，川辣同松露。三隻顏色真係好吸引，湯汁都幾多，就算放涼了一陣都仲有湯汁流出嚟，其中川辣味🌶️味道最為突出，辣汁滲入小籠包肉入面，味道好夾。松露味雖然唔算好出，但味道好特別。蟹籽燒賣，$19一籠燒賣有兩粒，大大粒燒賣剛蒸起，咬落好有驚喜，豬肉蒸到好軟淋，唔係實的的既豬肉，點埋豉油成粒啪真係好正。香茜牛肉腸粉，$28兩條腸粉各切三份，有六大件，腸粉滑嘟嘟，蒸到熟度剛剛好，軟綿綿，入面有牛肉饀帶點芫茜味🌱，冇諗過腸粉都可以做蒸到咁滑溜，唔錯。百醬蒸鳳爪，$23充滿濃郁醬汁的鳳爪啜入口好入味，鳳爪大大隻好飽滿，下面仲有蘿蔔索埋醬汁，成籠醬汁鳳爪係好惹味！籠仔蒜蓉龍蝦配帶子飯（半隻），$110《樂意點心》招牌主打係籠仔蒸飯，籠仔蒸飯當中，龍蝦配帶子當然係最為名貴！即叫即蒸香味濃郁，一上枱，剛蒸出來的蒜蓉香氣四溢♨️，半隻龍蝦🦞佔滿大半個籠仔範圍，份量十足，加入大量嘅蒜蓉🧄同龍蝦一齊蒸，鹹香嘅蒜蓉味更出龍蝦嘅海鮮味，海鮮嘅用蒸的做法係好出色，仲有兩大粒帶子，成個籠仔飯鋪滿蒜蓉味道，完全唔使加額外嘅醬料已經好夠味😋，果然係招牌菜，成為全場嘅MVP都當之無愧🎖️！楊枝甘露，$23竟然有西式糖水可以揀，食咁多點心，飲返個甜品真係好爽。楊枝甘露入邊有好多西米露同埋啫喱粒，楊枝甘露唔會好稀好水，食完咁多鹹野好解渴。茶位，每位$8📌《樂意點心》除了招牌籠仔飯，仲有脆炸小食、蒸籠點心、腸粉、包點、燉湯、蒸海鮮同甜品。📌一間少少嘅點心專門店，仲要喺尖沙咀旺區位置，價錢親民到極點，難怪今時今日仲見到有人流排隊嘅情況啦！
繼續閱讀
最近在尖沙咀爆紅的小店，無論是附近的上班族，還是來自內地和不同國家的旅客，都對這裡的點心讚不絕口。即使在平日，店外仍然排著長龍，讓人不禁好奇這裡的魅力所在。我們在等了約10分鐘後就入座，餐牌的價格令人驚喜，尖沙咀高人氣卻有如此平價的選擇，實在不多見。**樂意玫瑰茶**：這款茶飲非常特別，除了常見的香片和普洱，還有水果茶和玫瑰茶可選。玫瑰茶的香氣濃郁，入口順滑，喝上一杯，不僅能助眠，還能讓人心情愉悅。**楊枝甘露（凍）**：這道甜品清爽可口，椰奶和芒果的絕妙結合，夏天享用恰到好處，讓人回味無窮。**蟹籽燒賣（2件）**：蟹籽鮮甜，餡料豐富，皮薄嫩滑，口感極佳，絕對是點心中的經典。 **三色小籠包（3件）**：色彩繽紛，湯汁充盈，三種口味各有特色。特別推薦川辣口味，辣味十足，湯汁濃郁，令人一試成主顧。**原隻鮮蝦腸粉**：腸粉外皮綿滑，包裹著新鮮的蝦肉，口感彈牙，讓人感受到食材的新鮮。**沙律蟹柳春卷（3件）**：蟹柳鮮嫩，外皮酥脆，搭配新鮮沙律，口感清新，適合夏日享用。**鮮蝦花甲粉絲湯**：這道湯品量足一人，湯底鮮甜，配有新鮮的蝦和花甲，粉絲則吸收了湯汁的精華，令人滿足。這間小舖無論是環境、價格還是食物質素都非常出色，餐廳坐位不多，所以經常大排長龍! 大家記得預時間排隊入去食啦
繼續閱讀
呢次黎到尖沙咀既樂意點心，喺門口等咗一陣好快都有位入去，這裏的港式點心吸引了來自不同國家的遊客，因為聽到有講日文、有講韓文，多國語言喺舖頭都聽到😹😹🔸帶子菜苗餃 (2件) $28 個餃子皮都是綠色的，面頭就見到有大大粒嘅帶子，而餃子肉入面亦都充滿面菜苗🔸麻辣牛柏葉 $28麻辣的感覺好過癮，會一口接一口 🔸珍寶帶子腸粉 $43 腸粉軟軟的，帶子的鮮甜加上醬汁，簡直讓人心滿意足！🔸龍仔蒜蓉海蝦飯 $60 鋪滿咗蔥、芫荽🌿 作調味，用左蒜蓉再帶出海蝦鮮甜加埋豉油落去個飯度，更出味🔸鮮蝦花甲粉絲湯 $48 湯底清淡卻好喝，粉絲吸收了湯汁的精華，搭配鮮蝦和花甲🔸蘿蔔絲酥 (2件) $20外面酥酥脆脆，裡面有清甜的蘿蔔絲，當做小食真是好選擇。🔸芒果糯米卷 (3件) $22中間嘅芒果係芒果布甸黎，外皮軟軟的，布甸香甜
繼續閱讀
坦白講未入到去已經一肚氣閒日9點幾還是頗多人在排隊等了25分鐘仍未有叫我嗰group嘅跡象於是即管問店員一句前面仲有大約幾多張飛等緊打算預下時間但店員情願用不同說話推搪3次都唔望一下佢眼前嘅叫號排位如果這就是人氣店的生意手法咁唔食都無乜可惜店家不在乎我一單小生意這樣的回應也讓人完全不想幫襯Byebye
繼續閱讀