影片
食家推介
Lunch間中都會黎呢間食，因為價錢上都幾抵食。平時係食開佢地既咖哩飯，因為佢地既咖哩係出名取決大廚心情🤣，所以我都幾鐘意食佢地啲咖哩。不過今次就唔食咖哩啦，試下佢地既米線。本身我都好鐘意食米線架，所以都想試試呢間。視覺上望落都吸引既，食落味道都唔錯啦，小小辣，就算唔食得辣既朋友食完都覺得辣度可以接受到，同埋啲雲吞都有4粒，肥牛都超過5塊啦～～ 呢個價黎講都算係咁啦，都幾抵食 lunch黎都幾多人下，如果唔想逼既朋友仔記得避開繁忙時間啦～～～
繼續閱讀
尖沙嘴廣東道有兩間隱世茶記，上次介紹了尚坊，今次想評論另一間叫「新金島」的茶記。比較起尚坊，這一間的環境較寬敞，餐牌造得較賞心悅目，當然價錢也較貴；尚坊有20多元的茶餐，但這間茶記最便宜的下午茶要過30元。食物味道方面，新金島的味道也不錯，例如這天我試了這咖央多士，咖央醬的味道是標準的，但多士不是一般的嘉頓麵包，而是丹麥多士那一種，所以過30元的茶餐食物還是有一定質素的。主要想提及兩間的服務態度。尚坊的侍應見你6點後仍未離開，不會催你離開，但新金島的侍應，見你6時未食完，會提早跟你收錢。我本人已經試過不止一次。總結來說，如果不是像我這般快近下午6時光顧餐廳的，光顧是可以的，若像我這般「不通氣」的，建議另找餐廳幫襯。
繼續閱讀
中午係打工仔最心煩嘅時間今日我同同事都冇乜主意就決定翻食新金島上次食過咖喱牛肉飯 一試難忘甜咖喱 小辣 食到舔舔脷決定過黎食多次咖喱飯聽同事講 呢度嘅咖喱係睇廚師心情次次黎都唔一樣 但始終不離好食兩隻字所以今次就懷住期待嘅心情叫左個午餐 咖哩海鮮飯 配熱檸茶咖哩方面好足料 但今次味道淡左d有椰子香 但唔甜唔辣唔係話難食 但真係一般般海鮮方面有墨魚仔 蠔仔等就午餐黎講非常足料 加番d分杯熱檸茶正常發揮 冇乜特別同同事埋單齊頭100蚊 平平地又一餐
繼續閱讀
約左去尖沙咀睇醫生， 落車餓餓地又見下唔茶時間。 雖然在家食左生果出門口， 始終未食正餐都係肚餓， 又好耐冇食茶餐廳， 忽然記起廣東道有間上樓茶餐廳， 一於上去食番個茶餐。 😊記憶中疫情前午市好多人食飯， 上到去可能星期六又疫情關係冇咩人， 有室內同室外可以坐， 當日天氣不錯又唔熱就坐下出室外， 好耐冇食抄野叫個星洲抄米食下(食左生果打底食重口味小小一次唔怕啦) 。可能人小左， 冇夜市， 店員都好輕鬆真惜客人， 星洲米叫左5分鐘左右到， 熱辣辣唔算多油蝦仁大大隻😍， 店員放低仲話慢慢食身體健康。 我想疫情下人同人距離好像拉近左親切左， 始終冇咁忙心情點都靚啲， 收銀姐姐仲不時同客人吹水， 好似回到細個80年代嘅茶餐廳果總感覺。 食飽飽， 滿足咁走人。 食物其實冇咩特別， 只是一總不一樣的香港茶餐廳感覺。 😁
繼續閱讀
喺海港城附近返工真係好慘, 無咩好食, 見到間茶餐廳, 本身都諗緊試唔試上星期LUNCH 終於去呢間, 叫咗乾炒牛河同凍檸茶乾炒牛河唔好食但起碼食得落口, 凍檸茶就正常今日諗住試下佢個西炒飯, 嘢飲就凍奶茶, 嘩, 西炒飯難食到我食咗三分一就食唔落平時去親茶餐廳都會試下佢啲炒粉麵飯好唔好食比我遇到第一間咁難食嘅西炒飯, 杯凍奶茶又苦又澀平時少寫食評, 食物味道我唔識用文字形容總之就係一個字, 難食到嘔, 我本身都唔會咁得閒寫食評但呢間實在忍唔住要上黎寫
繼續閱讀