新金島粉麵小廚 (已結業)

Lunch間中都會黎呢間食，因為價錢上都幾抵食。平時係食開佢地既咖哩飯，因為佢地既咖哩係出名取決大廚心情🤣，所以我都幾鐘意食佢地啲咖哩。不過今次就唔食咖哩啦，試下佢地既米線。本身我都好鐘意食米線架，所以都想試試呢間。視覺上望落都吸引既，食落味道都唔錯啦，小小辣，就算唔食得辣既朋友食完都覺得辣度可以接受到，同埋啲雲吞都有4粒，肥牛都超過5塊啦～～ 呢個價黎講都算係咁啦，都幾抵食 lunch黎都幾多人下，如果唔想逼既朋友仔記得避開繁忙時間啦～～～

尖沙嘴廣東道有兩間隱世茶記，上次介紹了尚坊，今次想評論另一間叫「新金島」的茶記。比較起尚坊，這一間的環境較寬敞，餐牌造得較賞心悅目，當然價錢也較貴；尚坊有20多元的茶餐，但這間茶記最便宜的下午茶要過30元。食物味道方面，新金島的味道也不錯，例如這天我試了這咖央多士，咖央醬的味道是標準的，但多士不是一般的嘉頓麵包，而是丹麥多士那一種，所以過30元的茶餐食物還是有一定質素的。主要想提及兩間的服務態度。尚坊的侍應見你6點後仍未離開，不會催你離開，但新金島的侍應，見你6時未食完，會提早跟你收錢。我本人已經試過不止一次。總結來說，如果不是像我這般快近下午6時光顧餐廳的，光顧是可以的，若像我這般「不通氣」的，建議另找餐廳幫襯。

中午係打工仔最心煩嘅時間今日我同同事都冇乜主意就決定翻食新金島上次食過咖喱牛肉飯 一試難忘甜咖喱 小辣 食到舔舔脷決定過黎食多次咖喱飯聽同事講 呢度嘅咖喱係睇廚師心情次次黎都唔一樣 但始終不離好食兩隻字所以今次就懷住期待嘅心情叫左個午餐 咖哩海鮮飯 配熱檸茶咖哩方面好足料 但今次味道淡左d有椰子香 但唔甜唔辣唔係話難食 但真係一般般海鮮方面有墨魚仔 蠔仔等就午餐黎講非常足料 加番d分杯熱檸茶正常發揮 冇乜特別同同事埋單齊頭100蚊 平平地又一餐

約左去尖沙咀睇醫生， 落車餓餓地又見下唔茶時間。 雖然在家食左生果出門口， 始終未食正餐都係肚餓， 又好耐冇食茶餐廳， 忽然記起廣東道有間上樓茶餐廳， 一於上去食番個茶餐。 😊記憶中疫情前午市好多人食飯， 上到去可能星期六又疫情關係冇咩人， 有室內同室外可以坐， 當日天氣不錯又唔熱就坐下出室外， 好耐冇食抄野叫個星洲抄米食下(食左生果打底食重口味小小一次唔怕啦) 。可能人小左， 冇夜市， 店員都好輕鬆真惜客人， 星洲米叫左5分鐘左右到， 熱辣辣唔算多油蝦仁大大隻😍， 店員放低仲話慢慢食身體健康。 我想疫情下人同人距離好像拉近左親切左， 始終冇咁忙心情點都靚啲， 收銀姐姐仲不時同客人吹水， 好似回到細個80年代嘅茶餐廳果總感覺。 食飽飽， 滿足咁走人。 食物其實冇咩特別， 只是一總不一樣的香港茶餐廳感覺。 😁

喺海港城附近返工真係好慘, 無咩好食, 見到間茶餐廳, 本身都諗緊試唔試上星期LUNCH 終於去呢間, 叫咗乾炒牛河同凍檸茶乾炒牛河唔好食但起碼食得落口, 凍檸茶就正常今日諗住試下佢個西炒飯, 嘢飲就凍奶茶, 嘩, 西炒飯難食到我食咗三分一就食唔落平時去親茶餐廳都會試下佢啲炒粉麵飯好唔好食比我遇到第一間咁難食嘅西炒飯, 杯凍奶茶又苦又澀平時少寫食評, 食物味道我唔識用文字形容總之就係一個字, 難食到嘔, 我本身都唔會咁得閒寫食評但呢間實在忍唔住要上黎寫

今日全日响去新港中心做嘢，午餐時間唔想去美食廣場食，同行就帶咗我哋向中港城方向行。原來街尾中港城斜對面有多間樓上餐廳，同行話上去四樓嘅新金島，話三十幾蚊已經可以解決午餐。去到祇剩返露台位，即係有機會被二手煙熏倒...午市套餐四十幾蚊，唔算貴。想食濕濕哋嘅輕量午餐，所以揀咗魚蛋米線。一眼睇晒，有5粒白魚蛋，一條菜心，仲有用湯匙裝住嘅蔥粒。白魚蛋咬落有彈性，不是爽口的硬彈，味道唔錯。米線口感比較腍滑，可以接受。匆匆忙忙食個午餐，要求唔高都可以接受，同行話佢最鍾意响度食嘢吹水。

5點55分被知客拉左上4樓的新金島問清楚我可唔可以叫下午茶餐靚女們都說可以於是以41元價錢叫了星洲炒米下午茶碟米的樣子有奇怪極深色的炒雞蛋很多火腿條蝦仔也不少义燒粒一些；滿鋪咖哩粉的炒蛋絲最多量還有兩只不知什麼的貝殼類物品_只是本人卻不敢吃最奇怪的是：碟炒粉一吃下去- 是凍的由於我係豐富經驗茶餐廳食家拼命找出下層的粉果然下面的較熱連配菜都經過炒熱聰慧的我便撥開上層的米吃了下層熱那些我心想：也只有 小妹做得出佢杯熱檸檬茶出乎意料的熱5塊檸檬不能說一無是處總之現在香港的茶餐廳叫人話又唔好意思只有自求多福吃剩下一半熱檸茶就飲清因為熱茶夠熱才放心吞下剛才那凍冰冰的米粉

係澳門返到香港餓餓地 中港城d食肆又收晒舖 見到呢間野乜都有咪入去試試囉 本身都係諗住好又一餐唔好又一餐 都冇乜期望嫁喇 估唔到佢都可以令我login返呢個n年冇用過既account黎寫食評！有圖為證嫁 一碗所謂既酸辣米線 湯底係外面舖頭平時果d普通湯粉麵既湯底 裡面加片檸檬同幾片辣椒 嘩 咁就係酸辣米線？！係咪玩食字先！ 真係人人都可以做大廚呀！或者咁 你當佢係一碗加左片檸檬既普通粉麵 感覺應該會好少少職員態度一般啦 咪又係普通茶餐廳阿姐阿叔咁囉 你懂的當日食客8成係內地人 一入門口阿姐都係用普通話問我地幾位既 明顯係做慣內地人生意 結論：不建議本地人食用

星期六要做到4點先有時間食飯已經慘，但估唔到仲有更慘既事等緊我，入到去餐廳唔爆場，但叫人落單都要一等再等，成功叫到個咖哩牛扒飯之後，咁都好快就黎到，睇落個賣相幾靚，諗住終於可以開餐，點知一咬落舊牛扒度，真係投降，完全咬唔入，以為一舊半舊係咁姐，再試幾舊，都係咬唔入，仲要幾舊都係筋位黎既，真係唔想浪費食物都唔得，不得不提既係，杯奶茶勁難飲，最後盛惠60蚊，希望餐廳可以好好認真改善下，用料唔一定要好靚，但起碼唔好咁差先，服務態度認真麻麻，唔爆場都要等成5分鐘先有人理，服務態度唔好唔緊要，但個出品實在太差，可能真係唔憂做掛

係尖沙咀廣東道返工真係好慘，方圓百里都無咩野食，一係好貴，一係唔送，金x要滿$50先送，其他果d 一係等成個鐘。講返新金島先，真心唔明點解可以比d 咁差品質的食物比人食，橫掂都係煮，點解唔整好味d 呢！？麵底有怪味，肯定係來貨超平果d; 牛肉好似樹皮乾爭爭咁，睇d 色應該整好n 日，紅腸先攞命，食完直頭要吐返出來，以前d 紅腸還可以，肯定又轉左叫超平貨，打過去反映意見，阿姐話無轉過供應商，算！ 唯一可取的是飲品，奶茶咖啡都好正常！我發誓以後點都唔可以再叫呢間新金島！！！

完全唔明點解可以生存到。。食物難食，環境污糟，食兩次 兩次都肚屙，同事亦都係。。。俾錢我都唔會再去食！唯一就係有露台，可能因為咁，勉強仲有班煙民支持。。。。。。。。

正常一個人唔會認為哩個係公司三文治囉（走蕃茄），無生菜，又要隨機，又要睇師傅，仲要收我$41，買個麵唔好。又難食，唔係人人都中意食煙肉。垃圾三文治，太難食，又乾！唔會再食。

The food was excellent especially their famous wonton and fish balls. Brisket noodle was very tender and juicy, noodles were not mushy. The service was excellent and price is reasonable. Red bean milk drink and lemon tea were mind blowing.

【新金岛粉面小厨】名字是这个 不知道为何大众的名字成了这个 因为早餐吃的比较迟 所以来这里吃下午茶当午餐 当时快饿死了 所以点了两个套餐＃菜品{双拼泡面} 有肠 午餐肉 煎蛋 沙茶牛肉等可以加 选了煎蛋和沙茶牛肉 泡面有点硬 面汤の味道还可以 沙茶牛肉有点不好吃 不过鉴于快饿死了所以5分钟内就解决了 因为换成出前一丁的の面所以本来套餐33蚊要加4蚊 套餐送了一杯热奶茶 奶茶很好喝{薯条和鸡翅} 我觉得薯条和鸡翅是一起下去炸的 味道完全靠番茄酱 太难吃了。。＃服务 还有本来点的两个套餐 服务员可能没听懂以为我点了一个后来换成另一个 嘴里小声说着说着要吃什么自己都不知道 我当做听不懂的样子😑 后来我又把她友好的喊过来再加了一个餐 结果这么难吃🙃 下午茶一个套餐都是33蚊 另外我只要了一杯奶茶真是亏大了

在廣東道海港城商場溜連，不知不覺又到午飯時間。只有一個人，又趕時間，最好就是搵間平平哋的茶餐廳，是但食個快速午餐。身處海港城，唯一想到的開餐地方，就是海港城內的餐廳以及對面彩星中心樓上的高級日式料理，莫非在尖沙咀海港城一帶，真的沒有一些平平哋嘅選擇？當然，海港城內也有一間《大家樂》，但筆者對這快餐店的觀感一向並不太好，真的可免則免。走到海港城樓下，站在廣東道街頭茫無頭緒之際，對面馬路的一個招牌映入眼簾。雖然招牌有點老土，黃底紅字；但由於旁邊的都是高級時裝店，外牆的設計都是那些型格的深色調，這個老老土土的招牌雖然細細個，反而特別顯眼。茶餐廳位於這棟舊式商業大廈的4樓，拾𨋢上到樓上，𨋢門一開就見到餐廳的門口。意想不到的是，茶餐廳雖然面積細細，但座無虛席。除了很多在附近工作的白領客人之外，另一個主要客源竟然是拖男帶女、人人拉着一個手拉喼的國內自由行客人，整間餐廳都充斥着普通話。這也難怪，對面馬路就是國內自由行必到的高級商場海港城；而絶大部份國內自由行客人寧可花費大量金錢購買名牌皮具及時裝，也不願意花費在香港品嚐美食。這間平𠍿茶餐廳（以尖沙咀地區的標準來說），甚至乎可能是他們口耳相傳的開餐熱點