影片
電話號碼
25289521
營業時間
今日營業
11:00 - 23:30
星期一至日
11:00 - 23:30
以上資料只供參考, 請與餐廳確認詳情
呢間大概係我最最最常幫襯嘅Pizza舖頭！每次想食Pizza就會嚟呢一間。因為佢真係超級抵食，又好食😋就算自己一個都唔緊要！佢可以散叫一件先40幾蚊，喺出邊呢Pizza嘅¼咁大🤣平時同朋友去就會share1個意粉+1個pizza，再飲埋杯台式茶飲，飽到上心口，大滿足！咁樣買單都唔使$100😤✨ 辣肉腸pizza $45 👍🏻👍🏻👍🏻辣肉腸基本上係Pizza嘅經典之作！呢一間嘅味道係水準發揮，芝士真係超多🤤多到朋友話要投訴佢食到佢肥晒😂✨ 大蝦車厘茄洋蔥忌廉白汁螺絲粉 $64 👍🏻👍🏻👍🏻佢嘅螺絲粉一啲都唔輸蝕！有時候會特登為咗食佢嘅螺絲粉去食！白汁真係冇得頂，大蝦都好大隻！另外，白汁洋蔥吞拿魚螺絲粉都好好食🤤呢個我平時都成日食，平日嘅晏晝仲要-$10！✨ 大滿貫奶茶 $28 👍🏻👍🏻👍🏻食咁多次，每次都係會叫呢一杯！超級足料，有齊珍珠、仙草、芋圓、布丁🥰好鍾意唔同口感嘅，鍾意咀嚼嘢嘅一定要叫！仲要佢先至$28咁平！不過我平時都會叫微甜，甚至走甜，如果唔係會甜到飲唔落😂
繼續閱讀
好耐無食過呢間pizza,捻唔到食咩就叫個二人餐食下。 今次加左拿大人pizza、黑松露忌廉野菌意粉同3杯手搖。pizza依然好足料，自取拎返黎仲好熱，黑松露意粉好夠味，夠cream 配料都好多，係覺得意粉淋左D。跟餐忌廉湯無以前咁足料，以前飲過入面會有D肉既配料，但味道ok。最驚喜係手搖，每杯都好飲，叫左少甜或者微甜，覺得味道剛剛好。我飲火龍果奶蓋，奶蓋有微微鹹味，火龍果汁清甜,配比較濃稠既奶蓋剛剛好夾到，飲曬一杯都唔會覺得膩或者濟。其他兩杯家人飲既，都好好，推薦飲鮮果既飲品。
繼續閱讀
屋企附近開左呢間鋪一段時間都冇幫襯過，前排經過望一望佢地啲野飲好似幾正咁，就買左杯霸氣草莓黎試吓。點知一飲😰搞唔掂，基本上冇甜味，飲得出有士多啤梨肉，想像下幾粒新鮮士多啤梨壓爛再加茶……總之真係好難飲！茶底澀到，飲完之後個口留有啲苦味，但唔係回甘果種。非常失望！唔知咁嘅味道係咪正常？唔通佢地主打健康？🫣 但睇人地飲芝士奶蓋啲評論又講到好好味，下次會試吓佢地芝士奶蓋，都係唔得嘅話，唔會再幫襯lu~ 🥹
繼續閱讀
面頭鋪上厚厚一層芝士奶蓋，夠鹹香。大啖一啜，先飲到綿密既芝士，把杯子傾側成接近水平，再飲到芒果茶，雙重滋味，但可惜芝士一舊舊，冰未打得好碎。 Canadian Pizza (俊宏軒) 天水圍天瑞路88號俊宏軒地下L04-L06號舖
繼續閱讀
未試過呢間自己落單叫披薩，唔知有無得揀批底，覺得係畀咗薄批，厚批會好食D,呢間芝畀士好多，芝士同番茄醬都唔鹹，好軟腍腍，呢次個披薩有d燶底和燶邊，火候少D應更好味！呢間d披薩size系大pizzahut一個碼
繼續閱讀