203
9
2
| 餐廳: | 石一燒 (富多來新邨一期) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
| 餐廳: | 石一燒 (富多來新邨一期) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
位於大角咀小巷的石燒烤肉店，由2016年開業至今，主打不同地區及部位的牛肉，另有供應豚肉和羊肉，而兒童餐以日式料理為主。
繼續閱讀
營業時間
今日營業
12:00 - 15:00
18:00 - 23:00
星期一
全日休息
星期二至日
12:00 - 15:00
18:00 - 23:00
*星期一休息，公眾假期除外
以上資料只供參考, 請與餐廳確認詳情
有關獎賞計劃
優惠
88折
【油尖旺】$100 通用現金劵，歎盡中西日美食 **無限兌換**
$88
$100
| 餐廳: | 石一燒 (富多來新邨一期) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
今次我地去左大角咀探朋友，佢介紹話呢間小店好食叫我地去試下，上網睇見到佢既石燒好似都幾正，幾吸引咁，一於就試下佢🤪一坐低，店員已經同我地講有一個7秒啤酒大獎賞，只要係7秒（女士9秒） 內飲晒就會免費🍺平時呢啲活動就聽得多，今次咁岩有，當然要參加啦，不過好可惜，我挑戰失敗🥲極上和牛盛會2人前 （$698）首先上既係前菜，店員介紹呢個前菜係有三個唔同既味，包括甜，酸同辣，有即炸嘅甜薯，落，柚子醋嘅蟹柳同埋辣味嘅帶子裙邊，順住次序食，十分之開胃呀😋之後上既沙律好新鮮，仲舖滿我最愛嘅胡麻醬，好快比我地KO，而佢嘅櫻花蝦味噌湯都好有驚喜，滿滿既櫻花蝦香氣十足🥗🦐🥣之後就到重頭戲，和牛拼盤，拼盤有三款肉分別係日本九州A4和牛三角胸，日本九州A4和牛上前腿肉同埋澳洲和牛封門柳，講到邊款肉最好食真係各有千秋，和牛封門柳肉味最濃，雖然脂肪比較少，但自己燒可以控制佢嘅生熟程度，燒到岩岩好一d都唔韌，仲好軟腍添🐮日本和牛三角胸就油花分布最多，每邊燒10秒已經好足夠，香氣十足，入口即溶！而日本和牛前腿肉油脂分布就比三角胸少，但肉味相對就多番啲，亦比較有咬口🥩最後上既日式甜品亦好特別，係需要自己落手落腳做架，呢個日式抹茶雲呢拿雪糕既抹茶係可以根據自己鍾意既濃度去調教，好似日本茶道咁，有得食又有得玩，食得好開心呀🍵🍨呢間小店睇得出好用心去做，所有既擺盤都好靚，而店員都好細心，驚我地被油彈到會問我哋需唔需要圍裙，又會觀察我地嘅石燒夠唔夠熱，唔夠熱就幫我哋換過塊，fd子果然冇介紹錯，下次探佢再食過😆
繼續閱讀
朋友約咗我收工去搵間專食靚牛嘅隱世小店，位於大角咀嘅「石一燒」 絕對係食過一次會再返嚟🫣餐廳鋪面雖然不大，但店主超有心經營，入貨嘅都係高質牛，我哋牛控今次點咗全和牛嘅二人餐都只係$698🤩可能地區有少少無咁就腳，價錢真係相當合理，係CP 值好高的一間石燒肉肉🥩的小店，想食好西一定要嚟試吓😋餐廳最近仲做緊推廣「免費飲Orion 啤酒🍺」的campaign, 只需要⏱限時內飲完一杯350ml 嘅Orion啤酒🍺，就可以呢杯免費啦，快啲嚟挑戰吓😎ᵂᴴᴬᵀ ᵂᴱ ᴼᴿᴰᴱᴿᴱᴰ極上の二人前 $698𓐎前菜（三品）𓐎 16oz和牛盛會𓐎九州A4和牛三角胸𓐎九州A4和牛上前腿肉𓐎澳洲和牛封門柳𓐎沙律𓐎櫻花蝦味噌湯𓐎菇盛會𓐎飯素𓐎日式甜品前菜的三品上碟超精緻，有點估不到小店咁注重細節，前菜係外脆內軟日小甜薯🍠，啖啖肉炙燒蟹柳，爽口開胃辛辣帶子群邊，美味配咁靚擺設，即刻用餐都好chill 咁☺套餐主菜嘅3款和牛，完全不會失望，和牛在石燒上輕輕烤一會反一反，就已經可以上碟！和牛三角胸和牛上前腿肉和牛油花分佈均勻，入口香口又腍，而和牛封門柳就相對肉質較緊緻，牛味偏重，一個餐可以享用幾款美味和牛，岩晒牛控🫶🏻佢嘅味噌湯加入咗🌸🦐櫻花蝦，好好味又多咗重口感！而甜品係好精緻日式抺茶云哩拿雪糕，可以自己將抺茶粉加水去調製自己喜愛嘅濃度，再淋上雪糕一起入口，感覺好似身處日本學習茶道😋用餐完職員仲送咗張抽獎卷比我朋友，竟然好好彩中了二獎🥳可以下次再來叫餐有半價🎉朋友已經帶媽媽再嚟食咗，超開心啊🫶🏻
繼續閱讀
朋友介紹呢間位於大角咀嘅石燒餐廳，佢哋嘅2人前套餐$698就可以食到高質嘅A4和牛。黎到發現餐廳搞緊個免費飲ORION 啤酒嘅campaign，男士只需要喺7秒內(女士9秒)飲完一杯350ml嘅啤酒，就可以唔洗俾錢，飲唔哂就當然要俾正價喇，咁抵當然要挑戰吓。極上和牛盛會の2人前 $698呢款2人套餐除咗可以食到3款牛之外，仲有埋前菜、沙律、湯、雜菌、飯素同汽水等飲品，非常豐富。沙律勁大碟而且入面仲有各式各樣嘅沙律菜，加埋個sauce，味道唔錯。味噌湯加入咗好多櫻花蝦，味道香濃。前菜(三品)3款前菜由師傅精心炮製，分別有日本小甜薯、炙燒蟹柳同辛辣帶子裙邊。小甜薯炸到外脆內軟，味道香甜。蟹柳啖啖肉，加埋柚子汁酸酸哋好開胃。帶子裙邊爽彈有口感。燒肉方面可以食到2款日本九州A4和牛，分別有三角胸同上前腿肉。和牛色澤鮮明，油花分佈平均，用石板輕輕燒吓就食得，燒緊嘅時候勁香，流哂口水，食落夠腍亦都好多肉汁。另1款嘅澳洲和牛封門柳肉質相對冇咁腍，但係肉味就好重。普洱咖啡食甜品之前店員仲特登拎咗壺普洱咖啡俾我哋飲，可以消滯清腸胃，飲落有淡淡咖啡嘅幽香同茶嘅清香，口感仲好順滑。日式甜品甜品有雲呢拿雪糕配抹茶醬，將抹茶粉加少少水攪勻就可以做成抹茶醬淋喺雪糕上面食，抹茶味好香濃。。。石一燒 (富多來新邨一期) (大角咀)大角咀鐵樹街10號富多來新邨一期地下13號舖。。
繼續閱讀
大角咀係美食天堂，今次尋尋覓覓搵到間高質石板燒肉，平時食黎食去都係網燒，呢種燒肉都幾有驚喜一坐低，職員會問你參唔參加7秒啤酒大獎賞！！350ml 啤酒免費飲日本沖繩Orion ，原價：$467秒內飲曬一杯，可以免費多1杯極上和牛盛會之2人前 $698 配2杯飲品呢個套餐非常豐富，食極都未完🤭櫻花蝦味噌湯 x2 有大量櫻花蝦鋪滿湯面，飲落好香蝦味，鮮味十足，有嚼口，唔會鹹沙律菜🥗好大碟，有海帶，新鮮爽口,胡麻醬，配上木魚絲，前菜（三品 ✴️蟹柳✴️帶子裙邊✴️甜薯）集合甜酸辣 先係食甜番薯，外皮烤到卜卜脆，好甜，口感細膩再食酸酸地嘅柚子汁蟹柳，好開胃最後食微辣嘅帶子裙邊，好爽口，食到有花椒香味三款牛 （2款日本A4和牛，1款澳洲封門柳），一些菇類，蔬菜A4和牛油花分佈均勻，牛味唔算好重，但好嫩滑澳洲封門柳牛味最重，肉質較實身，一樣咁好食A4和牛上前腿肉，入口即溶，好腍身A4和牛三角胸，咬落帶爽口嘅感覺在高溫的石板上，每邊燒大約十幾秒就熟，油花豐富，入口軟滑菇類都好新鮮，吸收曬牛肉嘅油份2碗珍珠米飯，加入燒汁，海苔碎最後仲有DIY 甜品有2球雲呢拿味雪糕，有日式抹茶粉，水，比客人自己去調校稠度，拎住個茶刷係度刷，可以感受到茶道😬
繼續閱讀
今晚👷🏻♀️細孖黎到大角咀接👩🏻🦱收工，去左附近一間小店食燒肉，價錢方面唔算太平，但依家做緊啤酒挑戰參加者只要七秒內飲晒一杯350ml Orion啤酒就可以免費多一杯，👷🏻♀️細孖用呢樣同👩🏻🦱打賭，輸左要請食飯😂😂🈹 小店除左和牛，仲有好多款Sake 做緊優惠，凡以原價幫襯，+$1 就可以多1枝如果朋友多幾個真係好抵🈹3月光顧仲有多樣優惠，指定清酒做緊買一送一優惠，心動不如行動啦各位😂今日👷🏻♀️細孖點左「極上和牛盛會2人前」$698，一次試哂幾款和牛，枱面分別有 1）燒肉醬汁 2） 自家鹽 3） 伯方鹽 4） 黑椒 比客人點肉食，自家鹽有啲似孜然椒鹽味道，會比較濃味，👷🏻♀️細孖最推伯方鹽，點少少就帶出和牛香味🔸 🔹🔸🔹🔸🔹🔸🔹🔸🔹🔸🔹🔸🔹🥢櫻花蝦味噌湯上菜時嘩左聲，痴線勁多櫻花蝦，滿滿嘅鈣質😂😂，另外有海帶、草菇、大蔥等配料，味噌湯好夠熱，口味適中🥢沙律同樣份量好足大份，沙律菜好新鮮，配上芝麻醬同少少木魚，👷🏻♀️細孖最鍾意沙律紫蘇葉🥢前菜（三品）今日食足甜、酸、辣口味，甜係天婦羅bb 紫薯仔，炸粉好薄身唔油膩🤭👷🏻♀️細孖最鍾意，酸係柚子醬蟹棒，酸酸甜甜幾開胃，最後一款係少少麻微辣海蜇，麻麻感覺夠過癮，仲有幾嚿石裝飾擺盤🥢日本九州A4 和牛三角胸油花最多最重，相對油膩，好邪惡，牛味比前上腿淡一啲🥢日本九州A4和牛上前腿肉👷🏻♀️細孖認為係MVP! 肥瘦好均勻，完全無筋，肉質嫩口，入口即溶到最後同👩🏻🦱爭最後一片🥢澳洲和牛封門柳因為封門柳是牛背部脊椎兩側長條肉塊，所以肉質算柔軟，脂肪相對少啲無咁邪惡，口感相比兩款和牛會扎實啲🥢菇盛會有椰菜、洋蔥、磨菇、金針菇，👩🏻🦱最鍾意磨菇，燒完後出哂水，同時索埋和牛油脂，好惹味🥢飯素開頭已為會係白飯，小店加左紫菜條同照燒醬汁，唔怕食到口淡淡👍🏻🥢日式甜品店員介紹希望客人可以多啲互動，用日本茶道原理概念比客人整綠茶醬雪糕，上甜品時會有一碗綠茶粉、水、茶粉掃，👷🏻♀️細孖不嬲都係抹茶控，會落少啲水整成濃濃抹茶醬，攪勻後就加落Vanila雪糕，唔澀正🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：加🔟服務費：✅👭🏻推薦指數：🌕🌕🌕🌕🌗👭🏻回頭指數：🌕🌕🌕🌕🌘👭🏻環境評分：🌕🌕🌕🌕🌘👭🏻服務評分：🌕🌕🌕🌕🌕🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$350
繼續閱讀