影片
港鐵奧運站 C1 出口, 步行約2分鐘
繼續閱讀
電話號碼
97998940
營業時間
今日營業
09:00 - 19:00
星期一至五
08:00 - 19:00
星期六
09:00 - 19:00
星期日
全日休息
以上資料只供參考, 請與餐廳確認詳情
唔飽唔餓唔知食咩好，於是又周圍search睇下有咩食，又俾我發現咗一間小小店！細係細咗啲，但只做外賣都夠喇！喺嗰刻想食多士就揀咗黑松露蘑菇芝士多士，WhatsApp 落單超方便！行過去啱啱好！估唔到都幾香黑松露味，勁多蘑菇加埋芝士同脆脆嘅麵包，大大份，邪惡得嚟又好味喎！會唔會係我第一次幫襯就試咗最招牌最好味最啱胃口嗰樣食品呢？下次買第樣嘢食會唔會都有驚喜呢？希望唔會俾我讚壞咗啦！有啲店舖經我一讚就即刻水準下降而且吊高嚟賣！我唔想咁樣，只係想鼓勵下用心制作嘅廚師，繼續堅持，保持水準同不斷進步！
繼續閱讀
話咗試好耐嘅小食店終於幫襯喇🤪#咖喱陳皮魚蛋 其實我本身自己就唔係咁好魚蛋嘅不過佢真係好有陳皮味，咖喱汁都幾好味#燒賣偏腍身 (應該蒸太耐)，但係佢個辣椒醬有驚喜，好香，加分#香蔥酥餅睇相見到佢有個類似手抓餅嘅物體，所以就嗌咗要"手抓餅"點知原來人哋個香蔥酥餅係要嗌埋餸先有餡，變咗齋食塊餅😂不過都唔差，好有蔥香#芝士流心薯餅呢個超好味!!! 真係流心嫁~#煎雞軟骨餃子食落嘅時候唔係好覺咬到雞軟骨，口感麻麻哋佢都仲有各式各樣嘅小食，甚至乎係主食，可以慢慢試 🤤
繼續閱讀
Lunch time 試咗呢間小店，粟米龍利飯，魚同個汁要整得好好食，夠汁但係可以再多啲汁🤣價錢又抵，即叫即整，下次會試下其他野支持小店，支持黃店👍🏼👍🏼
繼續閱讀
難得今日出大角咀 一早俾佢嘅香蔥酥餅吸引咗 plan好要去買👅 諗住見到8點收 點知6:50 WhatsApp佢哋一問發現原來7點收 急急腳執埋啲嘢 邊行邊WhatsApp落單💦 點知老細勁好 落咗半閘都幫我即做😚入正題！Total有好幾款香蔥酥餅，新餐牌本身Openrice見唔到，多咗幾款選擇我叫咗個 A - 手撕雞香蔥酥餅好。L。好。食🤤🤤🤤拎上手熱辣辣，勁香，可惜住得遠，所以返到去放咗入氣炸鍋翻熱所以結果係。。。影得不能更醜😹😹😹但係重點係好好食，好大件，翻熱仲脆脆地，好多雞爆晒餡，好多醬唔怕乾我當咗晚餐食，一件已經好滿足，有晒澱粉質，蛋，肉，菜😹除咗酥餅同其他小食，仲有每週社交平台有更新嘅外賣便當餐牌，超抵！下次試！👅
繼續閱讀
叫咗個香蔥酥餅 ($35)好好味呢個手撕雞 生菜 芝士 雞湯 配日式芥末好足料呀 酥皮香口 入面啖啖料個醬又唔膩 天口熱梗係要配埋凍飲呢杯蘋果雪梨無花果（$15)又係真材實料見到個底有無花果籽仲有蘋果雪梨粒好清甜解渴呢個小店真係用心製作，一定再幫襯！
繼續閱讀