影片
以上資料只供參考, 請與餐廳確認詳情
下午茶時段，餐廳好鬆動，坐得好舒服。越式三寶撈檬天氣熱熱地，食個撈檬甜甜酸酸好開胃，不過嗰汁可以再辣少少，扎肉同埋雞翼都好味，不過豬扒炸得有啲太硬。沙嗲牛肉飯飯沙嗲醬好香濃好夠味，牛肉好腍好入味，雖然偏鹹少少，但係撈飯一流。
繼續閱讀
越中意(越南)北角英皇道395號僑冠大厦地下港鐵北角站A2出口, 步行約2分鐘他們地方寬廣，坐位舒適，燈光不錯!越中意生熟牛肉湯河可以揀選煮全牛肉，我嘗試著全熟牛肉，食入口肉味不錯， 煙煙靭靭， 湯和配料也不錯… 食完美味牛肉湯河，再享受一杯滑溜熱奶茶滿足曬
繼續閱讀
基本上難食到一個點，本身諗住嗌叫外賣最簡單嘅中蔥油豬扒飯。 塊豬扒基本上係硬到一個點又乾基本上我好想嘗試用牙咬一下，都咬唔開，加上係沒有蔥油的，成肚氣其實係個廚師不知所謂，冇心做就唔好做影響品牌影響間店
繼續閱讀
行過去，心諗要食個味正嘅午餐盛宴，就揀咗這家有份量又正宗嘅越南店。🍲先嚟嗰碗火車頭湯河，正！湯底鮮甜，河粉滑溜，仲有新鮮配料爆棚咁滿足口腹之慾！然後呢，椰汁冰沙冰得剛剛好，涼快透心，椰香撲鼻，飲落真係過癮！☀️🥥平日鍾意食撈檬，就特登試咗順化香茅豬扒，香氣撲鼻，豬扒外皮微焦香脆，肉汁豐富，與檬粉嘅搭配簡直無懈可擊，讓人一試難忘。食到最後，依家諗返起嗰個無窮尾嘅炸春卷，脆脆，卜卜聲，一啖一個幸福脹滿。😋實話實說，呢度嘅風味真係得嚟唔做作，食物質素係真材實料！總結，呢度將普通嘅越南菜變成咗彩色繽紛嘅街頭美味，值得再三回味，掂晒！
繼續閱讀
今日冇乜胃口食唔到啲太heavy既野，想簡簡單單咁食個粉就聯想到越南粉。本身嚟到係想食生牛肉湯河既，不過見到附近有枱客啲豬頸肉、雞扒好似好靚咁，於是乎我就點左個雞扒配檬粉。講一講個雞扒啦，嚟到果陣個賣相係爭緊少少咁，有啲散，唔知係咪切得唔好啦。但係食落口十分之香，醃得好入味，香料令到東南亞既風味好出，而且雞肉軟綿綿同有肉汁，係唔錯既。不過就真係太散，食既時候有啲麻煩。湯檬就正常水平，夠熱，生洋蔥等既配料令到個湯更加好飲。
繼續閱讀
您可能會有興趣的...