影片
港鐵元朗站 A 出口, 步行約10分鐘
繼續閱讀
電話號碼
63363497
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
對面添添兩餸飯 晚上長期都會有人龍排隊之後可以喺對面舖開埋茶餐廳👍🏻.週末醒起想試吓佢嘅早餐 基本上全場爆滿 一路有客食完又會一路有客入 坐低用QR code下單.歐陸早餐 $42 可以揀豬/牛/雞 或者吉列豬/魚 可以配我最喜愛的丹麥酥 或者多士/牛角酥 及火腿奄列他的丹麥酥是有蒜蓉在面的 但我個人認為跟甜甜的丹麥酥不太夾 我寧願是普通烘了的丹麥酥火腿奄列不錯 飲品叫了茶走少甜 奶茶好飲😋.另外有一般的粉麵早餐選擇可以選擇加不加配多士及奄列 適合細食人士
繼續閱讀
下午茶餐供應到6點，嗌左「吉列魚柳配沙律」。下午茶餐奉送熱飲。吉列魚柳好大塊！真係要讚佢係即叫即炸，入口重熱辣辣辣嘴！啖啖魚肉新鮮嫩滑～😋沙律佔左成隻碟嘅一半！除左水果重有紅腰豆🫘。餐廳係用QR code落單。想嗌熱檸茶。見竟然有得揀幾多片檸檬🍋同埋茶可以揀濃啲同淡啲，幾貼心👍🏻。我冇特別揀。上枱時見有三片檸檬，茶香濃唔澀。精選晚餐5點開始供應，奉送白飯、例湯和熱飲。嗌左「沙薑雞」。朋友嗌左熱杏霜。沙薑雞份量比我預期多！😱雞肉嫩滑。湯有粉葛和豬肉，大碗又足料，飲落清甜無味精。
繼續閱讀
去完隔離打羽毛球好鬼肚餓，個friend就帶左我黎佢嘅飯堂~都真係幾多人食~老闆同啲姐姐好忙，但都好好招呼~好有人情味嘅感覺~🔹鹹蛋黃金蝦🔹 本身想叫黃金鮮魷，不過賣哂…..但黃金蝦才都好有驚喜~超多蝦~同每隻都痴滿哂鹹蛋黃~搞到我地係咁啜，哈哈~啲蝦都新鮮彈牙嘅~最後下面啲脆脆都食埋~真係抗拒唔到”黃金”嘅誘惑~好滋味~🔹西蘭花炒帶子蝦球🔹唔記得左又叫左蝦，不過兩種唔同煮法，同樣好食彈牙~帶子就細粒啲，但都不失鮮味~西蘭花爽得黎夠入味~喺屋企真係煮唔到~🔹餐飲🔹紅豆冰 - 紅豆大大粒，又夠甜味~凍檸賓-唔係間間有得飲，仲要有幾塊厚切檸檬~唔錯~
繼續閱讀
#20240428 📝📍 添添 元朗鳳琴街18號玉龍樓地下3&6號舖➖➖➖➖➖➖➖➖➖➖➖➖➖➖➖➖➖#精選晚餐 #薯仔洋蔥豬軟骨煲 $88💭 開頭仲以為係用洋蔥汁煮啲豬軟骨🧅估唔到係用蕃茄汁又幾夾，個汁撈飯一流🍅豬軟骨側邊啲肉煮到非常淋，係近乎用筷子都可以夾散既地步，但啲軟骨又保留左啲咬口🐖最欣賞佢啲薯仔有煎香過，煮到好淋但唔會化開晒抵讚🥔.#馬拉盞炒通菜 $59💭 呢個馬拉盞通菜個樣黑瞇擝擝咁唔太討好🏴☠️不過正所謂人不可以貌相，餸菜都一樣😂其實佢幾重咸香味，而且仲有啲白飯魚仔感覺有滿滿既鈣質營養豐富🐟.#椒鹽牛仔骨 $85💭 平時係茶餐廳見椒鹽豬扒就見得多，牛仔骨係咁整真係第一次，佢唔係炸到乾晒果隻，本身肉質juicy已經高分，加埋有畫龍點睛作用既炸蒜，勁香口好味😋而且份量係超多，食完數返都有十幾舊骨🐮. 🥢 #例湯 #白飯 🥢 #凍利賓納 +$3💭 晚餐本身已經跟左湯同飯，如果散叫啲小茶都係加$12就可以有湯有飯仲有野飲，見到有童年回憶既利賓納，真係好耐無飲過，加$3相比起出面其他餐廳好似算抵，即刻叫返杯尼飲🫗.#元朗美食 #🐷在元朗 #🐷_食
繼續閱讀
朝早就好肚餓，所以早咗去食lunch，11:30 就食😂 好在早咗去，因為就算平日，一去到12:00開始就多人，全場坐滿，新開咁快就咁受街坊歡迎。太肚餓，2個人嗌咗咗多嘢食，嘢食選擇方面有好多。嗌咗2杯檸檬柑桔解渴。好推介呢個魚香茄子炆米，好大碟，有鑊氣，個汁好食，都幾多茄子。西蘭花炒鮮魷都好食，啲鮮魷有滑同埋厚身。因為平時喺屋企少食菜，仲嗌咗個馬蘭頭炒菜心，啲菜心超大棵。黑椒薯仔牛柳條啲薯仔好粉好好食。
繼續閱讀