影片
港鐵佐敦站 C2 出口, 步行約3分鐘
繼續閱讀
電話號碼
59616898
開飯介紹
泰灜提供多款10款飯餐和6款湯粉，可選雞湯或冬蔭功湯。晚餐菜單就有咖喱炒蟹、劈開椰青見海鮮、泰式燒生蠔等，道道菜式都香口惹味。
繼續閱讀
營業時間
今日營業
11:45 - 22:30
星期一至日
11:45 - 22:30
以上資料只供參考, 請與餐廳確認詳情
有關獎賞計劃
難得同好友一聚，提議不如去食泰國嘢，朋友介紹呢間「泰灜」唔錯呢到午市有套餐選擇，而晚市menu就要單點小菜，而每日都有唔同優惠，記得留意下！泰菜必點肉碎生菜包！清爽開胃，肉碎炒得香口帶辣，配新鮮脆嫩嘅生菜將肉碎包喺生菜入面食，健康好味，感覺輕盈又滿足！串燒沙嗲雞加豬，雞肉嫩滑，豬肉彈牙有嚼勁，內裏juicy多汁。配埋濃郁嘅沙嗲醬，味道層次分明，香氣撲鼻，超惹味！馬拉盞炒通菜，通菜爽脆可口，馬拉盞嘅咸香味perfectly提升咗成道菜嘅風味，會忍唔住食多幾啖飯～麵包咖喱軟殼蟹，絕對唔可以錯過！酥炸軟殼蟹浸在濃郁黃咖喱海，麵包碗吸飽椰香咖喱汁，咬落外脆內綿，口感超豐富！微辣又夠哂惹味，辣度易入口，食落去啖啖都係咖喱香～泰式蝦醬炒飯 ，飯粒粒分明，帶有濃郁嘅蝦醬香味，仲有其他配料，肉鬆、臘腸、蛋絲等，咸咸香香易入口。青檸梳打，酸甜同梳打水mix and match，入口有啲刺激嘅清涼感，解渴消暑一流，岩晒熱辣辣嘅天氣飲！龍眼冰，用原粒果肉，清甜滋潤，果肉份量多！杯SIZE黎講算大，呢個價錢幾抵飲！
繼續閱讀
泰瀛是一家地道的泰國餐廳，牆身都掛了很多泰國小擺設，裝潢精緻，感覺置身於泰國一樣，店員姐姐充滿人情味與熱情🌿🍛😊串燒沙嗲雞豬 (各三串) $98串燒經過醃製後燒至金黃色，雞肉嫩滑飽滿🐓豬肉有質感🐖，沾上特製的沙嗲醬，濃郁香氣與微微的甜辣味道交融，每一啖都滿滿的層次感😋🍢小食拼盆 $108小食拼盤有多款泰式小吃，如春捲、炸蝦餅🦐和香脆雞翼🐔，每一樣色香味俱各有特色，雞翼外酥內嫩，還搭配特製的沾醬，炸蝦餅爽口彈牙🤤🍲泰式燒魷魚🦑 $168新鮮魷魚為主角經過特製的泰式香料醃製，然後炭燒至外焦內嫩，煙燻的香氣與酸辣汁🔥每一啖都充滿驚喜😌而且份量都幾多🦑大條又抵食👍🏾馬拉盞炒椰菜苗🥬 $88新鮮的椰菜苗在熱鍋中快速翻炒，保持了脆嫩的口感，並加入了馬拉盞醬，增添了獨特的香氣與風味。這道菜色彩鮮豔，清新可口，是平衡其他濃郁菜品的完美配菜，讓人倍感舒暢。🍃🥬泰式蟹肉炒飯🍛 $108鮮蟹肉🦀炒飯再搭配泰式香料🌿，米飯粒粒分明乾爽，鮮甜蟹肉再加上炒蛋的鹹香完美結合，絕對有豐富的口感層次😍
繼續閱讀
唔洗去泰國都食到正宗泰國菜😋佐敦既泰瀛一向都好多泰菜粉絲捧場客，價錢又親民，我都好仲意食！依度星期一至日都有唔同既優惠添，我個日星期二去係芒果糯米飯半價不過我地食得太飽就無叫到🤣下次再食！首先芒果控緊係叫左兩杯芒果沙冰（$48/杯)先，真係真材實料有好多芒果肉係入面呢，好滿足！另外見到啤酒做緊買二送一優惠就緊係叫啦！即係$60有三枝啤酒超抵！菠蘿海鮮炒飯($128)推介必叫啊，海鮮肉鬆等mix一齊好美味😍泰式乾炒河($88)好有鑊氣，可以揀雞/豬/素呢👍叫左半隻海南雞($108)，原來半隻已經好多，夠三人share黎食，海南雞好嫩滑，沾上秘製醬料食一流！虎蝦冬蔭功($128)好好飲酸酸辣辣又足料，大蝦好大隻又爽口！最後叫多兩款好仲意食既甜品，泰式千層糕($38)、泰式椰汁西米糕($38)！泰式千層糕煙煙靭靭好好味！泰式椰汁西米糕椰汁味好濃郁，底部有軟糯西米好正！
繼續閱讀
喺呢個雨過天晴既晚上，我決定前往佐敦嘅泰灜 Thai in 一試為快。早就聽聞呢間餐廳嘅口碑唔錯，今次特登揀咗dinner時段去，順便發現原來佢哋嘅lunch menu性價比超高，$38起就有得食，真係附近返工嘅打工仔福音！一踏入餐廳，泰式嘅裝潢同音樂即刻俾我一種置身曼谷嘅感覺。餐廳光線柔和，牆上掛住幾幅色彩鮮艷嘅泰國畫作，氣氛營造得恰到好處。我哋開場叫咗個「小食拼盤（細）」，$108有雞翼、春卷同炸蝦卷。雞翼烤得可口，肉質鮮嫩多汁，味道香濃唔會過鹹。春卷酥脆爽口，入面嘅餡料爽脆可口，配上甜辣醬更添風味。炸蝦卷外皮炸得金黃香脆，蝦肉彈牙新鮮，一咬落去「卡嚓」聲都未完，蝦嘅鮮味已經喺口腔爆開，簡直一流！「虎蝦冬陰功」$128，湯底香辣帶酸，香茅同檸檬葉嘅香氣撲鼻而來，每啖都係濃郁嘅椰奶香同獨特嘅泰式香料層次。湯底色澤紅潤，大隻虎蝦新鮮豐滿，肉質爽彈，完美吸收咗湯汁嘅精華。連配菜嘅菇同番茄都充滿湯汁嘅風味，食完真係回味無窮！「菠蘿海鮮炒飯」$128，賣相靚到爆，菠蘿船盛住金黃嘅炒飯，上面鋪滿海鮮。菠蘿香甜多汁，同飯粒嘅鹹香形成絕妙嘅平衡。飯粒粒粒分明，夠乾身又保留原有嘅彈性。海鮮新鮮彈牙，有蝦、有花枝，每一啖都有驚喜。菠蘿嘅酸甜同海鮮嘅鮮味完美融合，食落嘴度清新唔膩。呢餐嘅壓軸大菜係「黃咖喱軟殼蟹」$158，配咗個「惹味蒜蓉包」$38。黃咖喱醬香濃順滑，辣度適中唔會蓋過蟹本身嘅鮮味。軟殼蟹炸得金黃香脆，外脆內嫩，沾滿咖喱汁食嘅時候又香又辣，令人停唔到口！蒜蓉包熱辣辣上枱，外皮烤得香脆，蒜蓉香氣四溢，蘸住咖喱汁簡直係絕配！甜品方面，「泰式椰汁西米糕」$38清甜爽口，椰汁香濃唔會太甜，西米晶瑩剔透，軟糯適中，一口一粒食落好過癮。「芒果沙冰」$48就更加出色，新鮮嘅芒果肉甜而不膩，沙冰綿密順滑，食落口清爽解膩，完美為呢頓飯劃上句號。最後我哋仲飲咗杯「青檸梳打」$28，酸酸甜甜，青檸味夠晒濃，氣泡帶出清新感覺，幫手消滯解膩，飲到最後一啖都係爽快嘅感覺！泰灜 Thai in 嘅出品水準相當高，味道正宗，服務態度好，價錢又合理。如果你想食正宗嘅泰國菜，唔洗遠赴曼谷，嚟佐敦嘅泰灜就得啦！我一定會再嚟，仲要約埋朋友一齊享受呢個味蕾之旅！
繼續閱讀
泰灜👻佢哋呢間泰瀛佐敦都幾方便11:30到5:30都有得食lunch之後5:30開始都到9:45就做晚市即係幾時去都有得食見佢都仲有其他特色菜下次都可以再嚟試吓😆.🔅鐵板蠔餅HKD 138蠔仔份量都幾多個蛋又炒得夠嫩滑呢個組合係鐵板上好香配埋佢個辣醬整體幾好🔅香燒豬頸肉HKD 108食泰國嘢點少得豬頸肉啖啖肉啱晒我燒嘅火候啱啱好夠爽口幾出色☺️🔅虎蝦炒金邊粉HKD 128有三大隻炸咗嘅虎蝦好友泰國正宗風味旁邊有埋砂糖同花生碎可以自己選擇撈埋嚟食加多啲口感都幾唔錯🔅芒果糯米飯HKD 39今晚我哋星期二嚟佢做緊芒果糯米飯半價咁抵食冇得唔食啦芒果都幾夠甜糯米飯配埋個椰汁完美😉.整體來講：抵食之選 芒果糯米😚.🎈 泰灜 (佐敦)佐敦吳松街141號地舖
繼續閱讀