影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
想去超市買啲野，放工便過左黎淘大商場，見好耐無食粥，就去洪記食先。正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰⭐鹹煎餅本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。⭐炒麵食粥好鍾意配返份炒麵，呢度個炒麵豉油王都幾香，再整劈辣醬真係正爆。⭐黃沙豬潤粥 & ⭐碎牛粥等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤⭐炸兩腸最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍⭐豆漿粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。嘢好味又唔貴，想食粥可以嚟洪記粥品。
繼續閱讀
今日同老公去九龍灣淘大逛下，天氣凍想去食粥暖下身，洪記粥品是一家傳統的中式粥店，提供各種新鮮食材製成的生滾粥、腸粉、油器及炒麵。餐廳地方整潔燈光明亮。仿鮑片魚片粥加皮蛋半隻：粥底綿密，仿鮑片味道鮮甜，口感煙靭腍滑，魚片嫩滑鮮味，加埋皮蛋味道更豐富。 艇仔粥加豬紅：粥滑軟綿、主要配料有免治牛肉、豬皮、以及魷魚等。因為不吃牛肉，改以瘦肉代替，配有多件彈滑豬紅，非常足料。 炸兩（大）：充滿米香又爽滑的腸粉皮，包著油條變成炸兩，再加上豉油、麻醬、辣醬和甜醬等，油光閃亮，細膩爽滑，一吃難忘。蝦米腸粉蝦米腸粉非常軟滑，加入蝦米增加鹹香味。另外加上豉油、麻醬、辣醬和甜醬等混埋一齊，口感和味道都好豐富。鹹肉糭內除了滲入肉汁精華的綠豆和糯米，還有漏油的鹹蛋黃，五花肉的鮮味帶出最為糯香鹹鮮的滋味。油條香脆，配粥或腸粉食係最佳拍檔。
繼續閱讀
天氣凍凍，最好食返碗粥，暖一暖，所以嚟食洪記粥品我自己掃code下單，點了碎牛粥(多葱)同炸兩腸(細)碎牛粥$31食落啲粥綿綿，最怕食到水汪汪那種🙈，碎牛都足料，熱辣辣，味道剛好，食完都幾飽肚，幾好食炸兩腸(細)$16啲醬放曬係枱面，自己加左甜醬、麻醬，自己混醬幾好，自己可以調味，腸粉皮偏薄身，食落係滑嘅，油炸鬼脆口，正喎👍，可惜唔夠熱，食落只有微暖，熱啲會更好食整體來講，味道幾好，份量足，環境同服務都可以
繼續閱讀
同媽咪去淘大表姐家，表姐話呢間粥店好不錯，就一齊去食lunch艇仔粥⭐️綿綿粥底，食材有豬皮，碎牛肉、爽口魷魚絲及花生加蔥花，層次感豐富，每啖每啖都好滋味狀元及第粥⭐️⭐️粥底綿滑有米香，材料有新鮮豬潤、豬肚、豬心、肉丸、及粉腸，味道鮮香爽滑鹹肉粽⭐️⭐️⭐️有鹹蛋黃，豬肉同冬菇等餡料，味道鮮美有口感煎堆⭐️⭐️媽味話煙煙靭靭甜甜地好好味，外層佈滿芝麻，超香芝麻香牛脷酥⭐️⭐️兒時回憶，熱熱地，外脆帶小小甜，正炸兩⭐️⭐️⭐️軟滑腸粉卷住香脆油炸鬼，帶出兩重口感，加上花生醬同甜醬，超正豆漿⭐️⭐️⭐️啖啖黃豆香，甜度低，好飲
繼續閱讀
天氣凍凍的，不如食碗粥暖暖胃。九龍灣淘大商場的「洪記粥店」就夠方便，相信街坊們都一定識洪記。⚯ 1. 黃沙豬潤粥洪記的粥底香滑，口感綿密。粥中搭配的豬潤鮮嫩，咬下去時帶有彈性。⚯ 2. 鮮鯇魚腩粥（加蠔豉）魚腩肉質鮮嫩，沒有過多魚骨。另外再加上蠔豉，蠔豉的鮮香為這碗粥增添了一層鹹香，值得額外添加。⚯ 3. 牛脷酥、韭黃鮮蝦腸粉去得傳統粥店，一定要食油器。油炸鬼平時就容易食到，但牛脷酥就真的比較少見，來到一定要點的。另外，叫多碟韭黃鮮蝦腸粉，反正又抵食又夠多份量。⚯ 4. 豆漿最後，粥店例牌飲品，豆漿絕對少不了。好食又抵食，傳統粥店真的要多支持。
繼續閱讀