影片
港鐵上環站 A2 出口, 步行約9分鐘
繼續閱讀
電話號碼
25595288
營業時間
今日營業
17:30 - 00:00
星期一至六
17:30 - 00:00
星期日
全日休息
以上資料只供參考, 請與餐廳確認詳情
要食好嘢首先要行山先🤣🤣因為係蘇豪區，要行吓斜路！見到佢都幾full，我平日夜晚都要book定先可以唔洗等位。餐廳氣氛都幾好，夠chilll🗣️🍗🍗Ban Ban Chicken $208half half可以試到兩隻味，口味唔洗咁單一。我揀咗sweetandsour同埋spicy。佢每碟炸雞都有幾條炸番薯條🍠🍟甜甜地都幾好食。炸雞每一件都幾大嚿，炸皮唔算好厚，雞肉仲保持到嫩滑。spicy口味都幾辣🌶️我覺得辣嘅程度去到譚仔中辣🥵🥵真係幾刺激🤣🦑🫓Seafood Pancake $158外層煎到好香脆，啲餡料都好多，勁多蔥🤣唔會淨係食到啲粉醬。不過我覺得海鮮冇想像中咁多🥲🍜🥬Vermicelli $148最有驚喜🤩🤩睇落幾大碟，但係食落就唔夠食🤣🤣因為啲粉絲太好味👍🏻佢粉絲煮得夠時間，但係又唔會淋晒，調味鹹甜適中，好香麻油味同埋有好多蔬菜😋😋🧀🍳Cheese Egg Roll $128都幾大份，芝士都多，每一舊都食到芝士🧀啲蛋又唔會好老👍🏻味道就冇咩大驚喜🤣都係嗰個味
繼續閱讀
終於試到Bookmark 左好耐既中環 Soho 區韓國餐廳 🍜🔖紅日趁住時間仲早 6 點幾去 walk-in Lucky 🍀 一去到已經有幾枱客 😂 但明明話 5 點半先開門餐廳餐枱數目唔多 最好就預先 book 枱 第一次經過想食但需要等 45 分鐘以上所以就敗走左嚕 周圍都係充滿塗鴉同寫滿文字既牆 😂 好有韓國 local 同青春既味道 黎食野之餘仲岩哂打卡呀! Menu QR code 隱藏喺枱面 📱🙊🙊 但可能環境太暗差啲睇唔到，同朋友 2 個人一共叫左 3 道菜🥣 嫩豆腐湯 Soft tofu soup 當日天暗暗又潮濕，飲返啖熱辣辣既豆腐湯真係即刻暖返好多，入面多料又唔算太辣，相比傳統韓式，相信有調較過配合下香港人口味🍗 半份炸雞 Half fried chicken (half sweet) 🍯炸雞炸粉唔厚，外脆內嫩，今次叫左 half sweet，比較多醬，就比較試唔到佢另外送上既 3 款醬料嚕 (酸甜/芥辣/醬油)，炸雞另外配上既炸蕃薯條都很不錯! 🥞 泡菜煎餅 Kimchi pancake 🌶️一睇外表就知佢煎得好香脆，佢唔係用好老既泡菜，變相增加左口感，絕對要趁熱食先最正! 🍹 另外我叫左餐廳 signature Maru Highball 🥃入口比較酸，飲落好醒神，岩哂食完炸野同油膩野之後中和返~好食既韓國菜，Y2K 既餐廳環境 配合滿滿 Kpop bgm，難怪見到好多年輕人都過黎食野同打卡~ 絕對推薦朋友 book 位黎食! 🌟📸
繼續閱讀
生日月飯局多，又係時候周圍發掘新美食！喺 社交平台見到呢間被稱為「隱世美味」嘅韓國菜梗係要帶埋朋友嚟試試係廣告定真美味啦.魚糕湯係我食韓餐必點菜式趁天氣凍凍地，飲返碗熱辣辣嘅湯，簡直係人間美味！第一次見有咁多海鮮嘅魚糕湯，飲落好鮮味而且辣度恰到好處，不知不覺間已經空盤。.同行朋友就係水冷麵打手，話襯燒酒一絕食落都幾爽口，湯汁辣辣哋配埋青瓜絲，好解膩.煎蛋捲幾乎見到每台都有叫蛋香味十足，而且熟嘅程度恰到好處外面微脆，內裡香滑，食落好滿足.叫咗燒酒同 Highball，個人覺得飲燒酒就好！同場見到幾乎9 成都係韓國人，配埋 high 爆韓國音樂，一秒夢回韓國！
繼續閱讀
首先講講韓式海鮮煎餅。咁呢個煎餅表面特別脆身,但食落去又唔會太乾,仲帶住一啲海鮮嘅甜味同彈牙質感。煎到紅色,外脆內嫩,真係令人一口接一口韓式炸雞,表皮酥脆,肉質鮹嫩多汁,仲有一種特殊嘅辣醬包住雞塊,一嚐之下辣中帶甜,仲有一種微妙嘅香料味,真係好食㗎!最後就係韓式紫菜拌飯。可以自己包,幾好玩,好鐘意一餐食晒呢三款韓式經典啦!
繼續閱讀
呢間韓國餐廳係中環扶手電梯上去再步行多少少路，大約行十多分鐘點了：芝士辣炸雞🌕🌕🌕🌕🌗芝士辣炸雞放在鐵板上，店員會用火燒一燒雞上面嘅芝士芝士溶化炸雞上，鐵板下也有蠟燭保持芝士炸雞的溫度水冷麵🌕🌕🌕🌕🌗湯底酸酸甜甜，很開胃泡菜窩🌕🌕🌕🌕🌖泡菜的湯很好吃喝，味道鮮甜
繼續閱讀