影片
港鐵香港站 C 出口, 步行約7分鐘
繼續閱讀
電話號碼
21331114
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
影片
相片
+33
喺中環好難搵一間平價嘅餐廳，呢間開咗冇耐嘅餐廳，就好似香港車仔麵咁，唔同湯底送嘅款式同埋面都可以揀。今次揀咗酸辣金湯配墨魚咀同咖喱魷魚。第一次去呢間餐廳，試咗個酸辣金湯覺得好好味，但係又唔係味精，飲完唔會係咁飲水，配落啲食材，好好食。今次揀咗米線，米線同埋湯底好正，差唔多最後飲晒成個湯。墨魚咀唔係好多地方有，呢間做到好腍唔會韌，容易入口。職員姐姐都好好人，見到我着白色衫都有主動問我要唔要圍裙，而且都會同我傾偈好有線，下次會再去呢間餐廳，不過最好就避開午膳高峰時間
繼續閱讀
同朋友去試一間都開咗一排嘅麵店，睇個名都覺得有啲特別。成個過程都幾特別。首先門口企咗啲人，但係唔知喺外賣定堂食，出面有張紙畀你自己寫紙攞飛，但係原來佢有兩層，上面有位唔使等位，冇職員同你講。基本上餐牌其實同米線舖頭差不多，都係自己點，不過因為張紙太花，加上選擇困難症，我就決定叫個經典粉麵，揀咗金湯即係南瓜湯。湯底畀我想像中好味米線唔會太淋唔會太硬配料感覺就差dd，唔知點解有啲預先製作嘅感覺。最尾食完會有利是畀返你，其實一張飲品coupon。
繼續閱讀
老實講，呢間嘢食物質素唔差問題係內部一片混亂等咗半個鐘野食中間見到啲人等唔切就走左啲單又十分亂做完外賣又唔比人出菜又出錯老實講你開喺中環做嘢咁亂啲野食再好食都冇用如果急住食嘢嘅人就唔建議過嚟會好炆憎
繼續閱讀
今日凍冰冰, 又有同事射波, 都唔想出去食飯, 另外個同事話想食啲有湯嘢, 我哋就喺外賣平台叫咗呢間好特別嘅外賣車仔麵店！一睇佢個包裝就覺得佢幾有心思! 😍佢個包裝唔同一般嘅外賣, 中式包裝加易拉罐封口, 亦都好配合到佢個店名! 雖然係外賣, 但拎碗湯出嚟食都仲係熱㷫㷫嘅! 超正! 開正我哋想食熱湯嘅決定! 👍我叫咗個自選配料嘅車仔麵, 我今日揀咗個沙嗲味湯底🌶️, 配料就係我最愛嘅豬紅同雞翼。個湯底真係好夠味, 係沙嗲帶少少辣嗰款, 濃得嚟又唔會太嗆喉, 同事配油麵, 超掛湯好夾。我就鐘意配米線, 都好味! 😋 沙嗲湯底之外, 其實佢仲有啲肉碎喺面, 配埋個麵食好有層次! 講返啲餸, 都幾多餸𢵧, 車仔麵嚟講, 我一定叫豬紅同雞翼, 因為好多人都講食車仔麵豬紅就係用嚟測試舖頭嘅水準, 佢嘅豬紅唔會一夾就散, 而雞翼不嬲都我all-time favourite, 佢嘅雞翼好入味, 正呀! 🥰講真, 呢個價錢食到呢個質素, 佢唔係屬於超值, 因為宜家呢個世代隨便食一碗車仔麵都60/70 蚊, 但呢間舖嘅外賣包裝同個湯底係絕對對得住佢個價錢! 份量都幾足, 一個女仔食都啱啱好, 至少食完冇空虛感。雖然係外賣, 我相信個味道唔會輸蝕俾堂食, 亦因為包裝嘅關係, 湯底仲保持到溫度同埋唔會漏, 真係好貼心!👏總括嚟講, 呢間車仔麵係我同班同事心目中嘅外賣車仔麵之首選💯! 我諗我要諗定下次食咩餸啦! 🤭#港式美食 #車仔麵 #外賣 #香港美食 #美食推介 #foodie #hkfood #lunch #delicious
繼續閱讀
小鍋米線，之前就同大家介紹過元朗街坊小店方太小鍋米線，而今次小編就帶大家黎到中環，同大家介紹一間開業約三個月，由三位世界粵菜廚皇共同執廚，位於閣麟街既雲南小鍋米線 x 港式車仔面一 麵聖 @saintnoodles_hk招牌湯底分別有六款：麻辣、酸辣、番茄、沙嗲、金湯、清湯，可搭配米線/紅薯粉/油面，每碗可跟一款餸，價錢由$49起，每追加一款加$12 🌟招牌金湯米線 $85金湯即以南瓜入饌，加入雞湯肴煮，因其色澤呈金黃而得名金湯，味道濃郁醇香。而餸方面就嗌左招牌：蘿蔔、麻辣豬手、咖哩魷魚、滷水豬大腸蘿蔔：選用無渣既白玉春蘿蔔，經高湯慢火煨煮，清甜入味🤤👍🏻麻辣豬手：每隻都經人手燒毛，後以秘製麻辣醬慢火燘煮至軟腍，味道麻中帶辣，辣中帶麻🤤👍🏻👍🏻咖哩魷魚：選用阿根廷大魷魚，後以秘制咖喱醬爆炒，口感彈牙，香辣惹味🤤👍🏻👍🏻滷水豬大腸：選用本地豬大腸，先經6道工序清洗，後以15種香料鹵製，口感彈牙，鮮香可口🤤👍🏻🌟香炸墨魚餅 $48墨魚餅炸得金黃，亦食得出墨魚味香濃，口感爽口彈牙🤤👍🏻👍🏻📍麵聖地址：中環閣麟街30-34號舖#中環 #麵聖 #米線 #金湯 #留港消費 #支持小店 #粵菜廚皇 #金湯米線 #小鍋米線 #覓食中環 #食在中環 #中環食乜好 #咖哩魷魚 #麻辣豬手 #米線關注組 #為食關注組 #滷水豬大腸 #香港美食地圖 #九十後行到邊食到邊#HKIG #HKIGER #HONGKONGFOODIE
繼續閱讀