影片
港鐵上環站 C 出口, 步行約6分鐘
繼續閱讀
電話號碼
68999952
69730691
開飯介紹
主張把多元文化帶入生活的西式酒吧餐廳，裝修走時尚工業風，黃昏時分可於大玻璃窗前欣賞夕陽美景，再呷一口特色雞尾酒更加輕鬆寫意。
繼續閱讀
營業時間
今日營業
12:00 - 02:00
星期一至日
12:00 - 02:00
公眾假期
12:00 - 02:00
公眾假期前夕
12:00 - 02:00
以上資料只供參考, 請與餐廳確認詳情
影片
相片
Chocolate Fever
+1.3K
+63
食家推介
平日做嘢咁攰，放工梗係要輕鬆吓！朋友介紹去上環呢間 Ellipsis Cafe & Lounge，供應水煙及多款酒品，雞尾酒更是既創意又漂亮，難得食品亦有水準，值得推薦 $980二人晚餐，價錢相宜，吃得滿意。餐廳位於上環商廈樓上鋪，取名「Ellipsis．省略」，為的是供應一個場所，讓客人省略都市繁囂，善待自己！燈火陰暗營造浪漫氣氛，不停播放着輕鬆音樂抒發心情。Gin Tonic (No.3) $95喜歡 No.3 gin 酒比較香濃，配 tonic，悶氣盡釋放。Chocolate Fever $105特為現代、獨立、事業型的人仕減壓，哈哈，是為我而設的嗎？濃度高的酒混合濃郁朱古力味道，厚厚奶油幼滑口感，隱藏金橘之香，回甘甜美，喜歡朱古力朋友們定必鍾意。香煎西班牙鴨肝酸種麵包吐司．意大利陳醋處理得恰到好處，吐司香脆，鴨肝肥美，外脆內嫩，以陳醋及果粒平衡肉膩，非常討好。龍蝦湯 +$68濃郁味美，估計是用蝦殼及蝦仔久熬出來的味道。將道酒燒西班牙杜洛克黑毛豬肩肉60oz面前倒進將道酒，然後燃明火，大增食慾。黑毛豬經過高溫燒一燒，香氣四溢，倍添外脆，肉質幼嫩，有點脂肪，調味剛好，酒香持久，色香味俱全！脆皮乳鴿釀牛肝菌意大飯把意大利飯肉釀入乳鴿內，花功夫的心機菜式，柔軟濕潤的意大利飯吸收了乳鴿的肉香，美味之最；乳鴿皮脆肉嫩，很滋味。慢煮紅酒梨配雪糕梨子染了紅酒嘅顏色，有酒香無甘味，雲呢拿雪糕味道濃郁，非常合拍。法式蘋果批吃得出是自家製，新鮮就是好，甜度適中。
繼續閱讀
放假去咗一間係上環好有氣氛嘅酒吧餐廳——🌟 Ellipsis Cafe & Lounge🌟🌿環境好有裝飾，燈光昏暗好有feel，而且仲有啲位可以打卡影相，就好似我坐緊嘅呢位📸除咗飲酒傾計，佢哋仲有boardgame可以玩✨依家6點至10點，仲可以點晚市套餐，包埋餐湯同沙律，幾抵食！._.🍽 / Dinner Set / 🍽🥣 | 是日精選湯 + 酸法包 | 🥣係粟米白汁湯，裏面有好多粟米粒，好飲。仲可以配住酸法包一齊食·/ 前菜 /🍈｜蜜瓜伴西班牙風乾火腿沙律｜🍈蜜瓜件數多，厚砌又大舊，風乾火腿同蜜瓜嘅味道好夾，蜜瓜嘅爽甜可以中和風乾火腿嘅鹹香·🥗｜輕煎帆立貝油醋沙律｜🥗帆立貝輕煎完凍食，沙律菜好fresh，少少醋酸味，作為開胃嘅前菜沙律好適合•/ 主食 /🦆｜法式油封鴨脾黑松露意大利飯｜🦆一整隻鴨脾係意大利飯上作為賣相，好吸引，鴨脾嘅外皮燒到有少少脆，鴨肉都算易起。黑松露好香濃，上枱已經聞到，配埋有芝士碎嘅意大利飯食，好香濃惹味！·🐂｜紅酒燉牛臉額配薯茸｜🐂牛臉額肉都算多舊，啖啖肉，肉質淋身，仲充滿滿滿嘅紅酒汁，配上幼滑嘅薯茸，好食！•/ Cocktail /🥃｜ NEGROMI｜🥃成杯都係橙色賣相，香濃嘅酒伴隨住橙皮，帶有少少苦，加冰，唔會好甜嘅一杯雞尾酒。·🥒｜EL DIVA｜🥒青瓜片作為賣相，酒精味濃，伴隨住清新嘅青瓜汁香味，好fresh好特別。·/ 甜品 /🍋 | 火焰檸檬雪葩 | 🍋餐廳新推出嘅甜品，上枱時用深啡色嘅紙包住，看似平平無奇，然後戲肉黎啦，店員會用火燒著呢張紙，當紙張燒曬就會見到用檸檬外殼裝住嘅雪葩，雪葩酸酸甜甜，係檸檬嘅香味，作為飯後甜品好適合！._.
繼續閱讀
之前去過呢間cafe x bar覺得好chill，前排又約朋友去傾計食飯！❣️餐廳轉了新menu，3 course dinner set係$198起，CP都幾高！4 course就$228，包soup、starter、main、甜品，好🈵足❣️燈光昏暗有氣氛，係放工後chill下同放空好地方，仲有sofa 位坐得舒服❣️最最最吸引係星期一至日20:00-20:30 標準調紅白酒$10杯！🔸4 course dinner set $228🔸▪️餐湯配酸法包- 係粒粒粟米湯配脆麵包▪️沙律🥗蜜瓜伴西班牙風乾火腿沙律- 沙律菜夠新鮮爽脆，估唔到parma ham肥瘦均勻，幾新鮮有水準，蜜瓜亦好甜🥗輕煎帆立貝油醋沙律- 沙律菜加了醋，好refreshing 開胃。帆立貝煎香過有心思▪️主食🍝63°C溫泉蛋&意大利煙肉卡邦尼- 邪惡但好好食，意粉好creamy仲有濃厚芝士香，炒上粒粒菇夠滋味🐟白鱈魚西京燒配薯菜（+$80）- 不得不讚係配菜都好用心，粟米甜甜的，仲有炒香、口感好嘅菇- 白鱈魚肉質厚厚的，熟度剛好，魚肉油脂香juicy，水準幾好▪️甜品🍧開心果味義大利式霜淇淋- 雪糕好滑身，加espresso中和，好match又甜香▪️飲品🍷紅酒易入口，餐飲水果茶清香甜，有grapefruit 、青檸、熱情果，幾好飲如果想飲多杯紅白酒都係$10，真係好抵，好岩邊食邊傾計！
繼續閱讀
今次係二訪，最喜歡餐廳嘅座位布局，有部份係離其他枱好遠，好有私隱度，在這裏傾計好輕鬆，晚上來加上偏暗燈光好有氣氛，強烈推薦。◇ 香煎鵝肝多士頭盤是鵝肝，鵝肝肥美又煎得香口，配上蘋果蓉減少油膩感，搭上多士是絕配◇ 龍蝦湯充滿濃郁龍蝦鮮味，特別係有少許龍蝦肉有咬口◇ 火焰豬肩服務員即席示範將酒灑上豬扒跟着點火，熱力將酒迫入豬肉令味道提升，表面煎得微焦同肉質嫩滑亦令整體加分◇ 乳鴿鵝肝菌意大利飯乳鴿通常細隻，今次是一大隻乳鴿脾，開頭擔心肉質不夠嫩滑，食落真的不得了，又嫩又入味，配上鵝肝菌又好夾，滿滿驚喜◇ 紅酒雪梨配椰子雪糕椰子雪糕不只有椰子味，更有椰子絲增加口感，而驚喜在紅酒雪梨，雪梨浸滿紅酒，每口又甜又酒香，令人難忘◇ 蘋果批蘋果批一樣出色，香濃蘋果蓉，加上香脆批皮，上乘甜品
繼續閱讀
放工未食飯又約咗班同事想傾偈😚就揀咗去呢間上環嘅酒吧度食嘢同吹水😆我同成班朋友都幾鍾意呢度個Vibe同環境😽個地方都幾大同都夠私隱😁仲會開到夜晚二點啱晒同班朋友食飯飲嘢😌🦆香煎西班牙鴨肝酸種麵包吐司小編都覺得呢個鴨肝多士都幾好食😁佢個麵包脆卜卜再加埋呢個煎得幾香嘅鴨肝😚再點埋佢個黑醋食落酸酸尾尾咁好開胃🤤🦞龍蝦湯龍蝦湯飲落都幾濃郁😌仲有落咗啲櫻花蝦一齊煮😽令到個湯仲多咗啲層次添🤩飲落但湯都幾甜仲有啲咬口🐥生燒法國黃油雞髀呢隻雞髀食落都幾香雞油味😝完全冇乾爭爭嘅感覺😋食落仲好Juicy添個皮都整到脆卜卜🫨🍗脆皮乳鴿釀牛肝菌意大飯佢上菜嘅時候見到覺得佢幾特別😂佢係一隻用煮好咗嘅意大利飯釀入去嘅乳鴿😋中西合璧乳鴿又幾多汁再加埋個意大利飯食感覺好新穎🐖將道酒燒西班牙杜洛克 黑毛豬肩肉上菜嘅時候個店員叫我哋攞定手機打卡😂原來係佢準備喺我哋面前表演點火🫨得佢哋嘅豬都幾好食都算幾多汁再加埋少少酒味令到佢個味更加突出🤤🍐慢煮紅酒梨配雪糕慢煮紅酒雪梨🍐又幾特別好少可見餐廳會整呢個甜品😋因為都係一個幾花心機嘅菜式🤩雪梨又幾入味🤧幾鍾意食佢個雪糕好香椰子味🍰法式蘋果批蘋果批都好靚😚食落有幾香嘅肉桂味😆都幾建議大家可以試吓
繼續閱讀