影片
營業時間
今日營業
08:00 - 19:00
星期一至五
08:00 - 19:00
星期六
11:00 - 19:00
星期日
全日休息
公眾假期
全日休息
以上資料只供參考, 請與餐廳確認詳情
上個週末嚟到上環新紀元廣場嘅「𝘈𝘴𝘬 𝘊𝘢𝘧𝘦」打卡食好嘢😋呢間餐廳門面設計用花做主題，周圍嘅擺設以淡色調為主，一入去感覺就好似喺空中花園，感覺寫意舒暢☘️《 意大利茄蓉焗豬扒飯 》 $125 5 / 5 🌟🌟🌟🌟🌟焗飯表面嘅意大利茄蓉入口微酸，茄蓉醬汁仲有淡淡香草味，味道好清新☘️主角焗豬扒面層有蛋漿包袱住，豬扒咬落肉質嫩滑而且筋肉分明好有肉香🐷飯底係粒粒挺身嘅蛋炒飯充分吸收晒茄蓉同肉汁，而且口感一啲都唔削🤪《 日式鮑魚稻庭烏冬 》 $158 4/5天氣咁熱，食返個冰鎮嘅烏冬就最啱胃口😆雪白嘅烏冬面鋪上粒粒飽滿嘅鮑魚，賣相十分精緻～烏冬爽口彈牙，清酒鮑魚口感煙韌，味道醇香入味，相當適合夏天嘅主食🍜《 芒果拿破崙蛋糕 》 $48 4.5/5金黃鬆脆嘅拿破崙餅皮酥脆可口😋面層鋪滿粒粒芒果肉🥭中間仲有芒果忌廉，層次好豐富😋《 特濃朱古力沙冰 》 $48 4/5濃郁嘅朱古力沙冰🍫入口香甜滑溜但又唔會漏，棉密嘅沙冰入口即溶，感覺好清爽，夏天消暑一流🧊———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻♀️服務滿意度 ：💛💛💛💛💛———————————————
繼續閱讀
Ask cafe 2:30-5:30pm 叫小食可以用半價加任何飲品～重點係好多款咖啡或朱古力都可以客製化去打印相片/圖案🤩仲要唔洗額外加錢架😙😙以前有間cafe叫打印咖啡都幾貴🙈#牛油果帶子意粉 🥑🍝❣️帶子新鮮彈牙😍忌廉牛油果醬好濃郁好creamy😚可能因加左牛油果，超飽肚~~HKD148#火炙三文魚牛油果丼配溫泉蛋 🥑🐟🍚❣️原來係用煙三文魚，加左蛋黃醬再火炙過～煙熏味更出😋煙三文魚鹹香配埋牛油果蟹籽紫菜仲有半熟温泉蛋真係超級配搭🤩牛油果熟度剛好😌推介‼️隻温泉蛋俾啲紫菜蓋住左🫢HKD138#小食拼盤 🍟🐥拼盤有忌廉蟹餅、炸薯條、蜜糖雞翼❣️當中雞翼最令fafafoodie驚喜🥰應該用香茅檸檬醃製完再加蜜糖🍯唔止係蜜糖雞翼咁簡單，令人回味呀～下次要叫淨雞翼先得😆HKD85#櫻花蝦多士 🦐🍞蝦粒配上調製過既沙律醬幾開胃🤤放係多士上，麥包搽上牛油烘過，如果多士再脆啲就好喇🥹HKD78#Baileys Chocolate 🍫❣️Baileys味幾出，出過朱古力味😝鐘意Baileys既可以試下😎佢仲有個Baileys Latte#Latte ☕️咖啡味幾香，唔會太苦🙂印左五月天阿信上去🩵cafe仲即刻播五月天既歌🎼so sweet~🥰免加一服務費Ask Cafe#fafafoodie_上環
繼續閱讀
cafe除左裝修用心❤️，有好多田園同花花既元素外🌾💐，仲有個最特色既係可以即場打印相片咖啡☕️🦀黃金軟殼蟹意粉 $155驚喜之選‼️每條意粉都好均勻地俾咸蛋黃包圍，仲有滿滿蟹肉同蟹籽😻所以口感同味道都好好👍🏻 軟殼蟹夠大隻啖啖肉，炸得夠脆口，唔會厚漿/成口油🫶🏻推薦大家一試啊👻🍔ASK漢堡包配薯條 $118包身夠晒大個，漢堡包用咗芝麻包，外脆內鬆化，有搽牛油🧈👍🏻漢堡扒夠大塊，有牛味多肉汁🐮咬落層次同味道都Very Good😊 🍞櫻花蝦多士 $78有4件櫻花蝦多士🌸，多士夠香脆，蝦肉都幾多而且夠彈牙，整體都唔錯🔅🍰是日蛋糕 $48以為是日蛋糕會比hea野你？絕對唔係，當日係香桃撻，上面仲有金箔😍，唔會太甜，桃肉又多，好味😋🍮法式燉蛋風味鮮奶咖啡 $44/宇治抹茶沙冰 $48鮮奶咖啡☕️可以相片wtsapp餐廳再即場打印出嚟，仲要細緻度好高😍忍唔住影左好多張相🤣慶生、紀念日就啱晒😚兩杯飲品嘅唔會太甜，ooverall:餐廳環境都好舒服😌，嘢食亦都唔錯，仲要可以免費打印咖啡☕️，地點亦幾近上環地鐵站，同埋最重要係免加一
繼續閱讀
🎁忌廉妹就嚟生日，熊妹梗係要同佢出嚟慶祝吓啦🥳！慶祝就當然食我哋最在行的Cafe啦！熊妹最鍾意坐Cafe，因為有主食有甜品有飲品，坐得耐又冇限時，可以過一個休閒嘅下午，同閨蜜見面最主要出嚟都係想搵個地方坐吓，細聲講大聲笑🗣️。📌熊妹一早聽聞過上環有間花花cafe《ASK Cafe》好受歡迎👏🏻，今次就來上環探店一下。📌地理位置超易揾，上環地鐵站E2出口🚇，一出對面就係新紀元廣場，一上扶手電梯左手邊就係《ASK Cafe》，成件事好似地鐵站上蓋直達咁濟。📌Cafe的格局，門口就係蛋糕廚櫃，同埋bartender的咖啡沖調位。📌天花板吊滿粉紅色的乾花💐，梳化以藍綠色為主🛋️，牆身仲印有大花朵圖案🌺，成個怖局好田園少女風，係咁的氛圍下進餐真係感覺悠然自得✨。📌Menu每日更新，今日係星期五，主要有意粉🍝、焗飯🍛同日本丼🍚，套餐包是日餐湯或者沙律，連一杯咖啡或茶，價錢係$118至$155，仲可以加錢轉特飲，最特別係如果點沖調飲品可以免費製作2D打印飲品🍵，係免費㗎🆓！午餐由11:30做到2:30，仲要全店都唔收加一，成件事會唔會太抵食？📌過咗下午2:30之後就係a la carte menu，各款小食、all day breakfast、漢堡包、飯、意粉，大路cafe 食品咩都有，只係無套餐連飲品，但都係唔收加一。是日餐湯今日餐湯係南瓜忌廉湯，都幾大一碗，質感比較濃稠，仲有少少南瓜蓉🎃，餐前飲啖暖湯可以暖下胃。沙律冇諗過餐前沙律會咁大一兜，一個飯碗咁大，入邊裝住好多新鮮嘅沙律菜，撈埋日式芝麻醬食，真係啱哂愛菜之人～熊妹同忌廉妹，餐前食晒啲菜先食主菜，會減少油脂同糖分嘅吸收㗎！火炙三文魚牛油果丼配溫泉蛋，$138熊妹同忌廉妹話都係牛油果控，二話不說要點這個牛油果丼！一碗色彩繽紛的櫻花丼飯呈上🌸，即係唔食得都睇得。一大堆青綠色的牛油果蓉🥑，上面鋪滿蟹籽，中間有一隻溫泉蛋，就咁望落去紅紅綠綠已經好吸睛。一啖筆起，原來牛油果蓉下面係鋪滿塊塊火炙三文魚，三文魚用火炙方法在表面燒了一下令到表皮灼熟，但有保持內裏三文魚嘅半生熟程度，再連埋牛油果蓉蟹籽同半山熟蛋黃蛋白一齊食，多材料豐富到多重味道，真係滋味無窮。雖然丼飯冇用上日本珍珠米🍚，但好值得一試，因為白米飯煮到粒粒分明，好有咬口，而唔係一pat pat軟身飯咁，入面仲撈埋日本豉油，每一啖飯都咁有味道， 唔好飯的熊妹同埋忌廉妹都清咗成碗，呢碗丼飯無論賣相、味道都無得彈，真係值得一試！煙火雞蒜片意粉，$118忌廉妹鍾意食意粉，午餐Menu入邊揀咗呢款火雞蒜片。意粉份量超級多，係7分鐘熟到非常有咬口，熊妹最怕一pat pat嘅意粉。用蒜片橄欖油炒香的經典意粉，沒有醬汁，主要係食蒜香嘅味道。仲放咗好多洋蔥粒🧅同埋煙火雞條🥓，煙燻過味道會鹹一點，配料多到食完意粉，都仲有好多火雞條係碟入面，咁不惜工本會唔會太益街坊？SUMMER 夏のWAFFLE，$88忌廉妹嚷住要食窩夫，炎炎夏日，叫返個SUMMER 夏のWAFFLE，就最啱不過啦。夏のWAFFLE係士多啤梨味🍓，酸酸甜甜比較清新，切合夏日主題。兩大塊正方形九格窩夫上面加了一球雲呢拿雪糕🍨，再唧了士多啤梨醬，成個擺盤就係一個窩夫塔咁。冰凍嘅雪糕連埋剛焗起嘅熱呼呼的奶油窩夫一齊食，冰火交融嘅感覺就係雪糕窩夫嘅滋味。忌廉妹食到讚不絕口，幾乎兩大塊都係佢食晒，咁都係為佢生日而設嘅。好窩心地，甜品係可以加生日字句，生日嘛，都係要祝返句「生日快樂」！🎊白桃撻，$48熊妹去洗手間行過門口蛋糕櫃，女孩子見到蛋糕🍰真係心心眼😍，點都要點返件甜一下。白桃撻好大一件，比起一般嘅蛋糕起碼係1.5倍。上面鋪滿大大粒白桃粒，中間層係吉士層，然後就係牛油撻皮。白桃🍑熟到好夠，食落去淋身之餘又咬口又多汁，但又唔會過熟軟patpat，吉士層唔係好甜，夠creamy，加埋脆厚嘅撻皮，成件事純白得來好清新✨，真係滿足晒女孩子愛一點甜的味道。黑松露薯條，$48食咗兩個主食兩款甜品，都仲係意猶未盡，點多個小食，就可以繼續閨蜜talk啦。黑松露薯條係灑上啲黑松露粉喺薯條上面一齊去炸，黑松露味就唔係話好出，薯條係粗身淋身款，啱晒熊妹同忌廉妹都係鍾意食淋身薯條，可以食到薯仔肉🍟，再點茄汁食就最夾。Hot chocolate，跟餐價，加$10忌廉妹唔鍾意飲咖啡，但又想要打印圖案，所以點了熱朱古力🍫，因為所有沖調飲品都可以免費加上2D打印圖案。真係好精緻的一杯2D打印飲品，有得睇又有得飲，咁特別無論大人小朋友都開心喇！順帶一提，揀選一啲線條比較清晰簡潔嘅圖案，打印出嚟嘅效果會比較明顯啲。西柚橙梳打，跟餐價，加$23食咗咁多嘢，熊妹都係想飲番杯梳打gur下佢。梳打特飲嚟講，杯杯都好吸引，就揀西柚橙，酸酸甜甜，啱晒熊妹口味。好分明嘅三層，紅色西柚漿，橙色橙味漿，然後透明的梳打水，好簡單由深到淺的漸變顏色，可以做出一杯好有打卡性嘅飲品！📌《ASK Cafe》都真係幾受歡迎👏🏻，午餐時段來，全場爆滿個個都嚟食抵食午餐，到下午茶時段，都依然仲有大半場人嚟食下午茶窩夫餐。喺上環上班族嘅高級地段都可以唔收加一，價錢咁親民，食物味道又大眾化，難怪什麼時段都咁多人，《ASK Cafe》係做得掂既！而熊妹同忌廉妹由午餐嘅尾巴坐到下午茶餐，不停食又不停講，希望忌廉妹滿意今餐慶生飯啦！
繼續閱讀
網上預約左12月10日早上去申請換回鄉証，九點半已經到達，一切手續辦完，十時許已經可以走得，肚仔餓！見到樓下有餐廳二話不說入去坐低，環境好優雅，見到個早餐餐牌好抵食！太肚餓，所以忘記影相，咖啡好👍多士等等都優質，看到這間小店用心做每樣食物😍
繼續閱讀