影片
港鐵上水站 A3 出口, 步行約2分鐘
繼續閱讀
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
食家推介
約左朋友假期去行山，10點am行到3pm，行完落返黎市區，就好想食個麵，飲冰凍的汽水。行過見到呢間龍豐牛雜麵家。依稀記得幾年前未有疫情的時候，呢間野好多國內同胞黎食，要排隊先食到。難得行過，入面無咩人，而且有我地想飲的可樂，二話不說就入左去。點左個牛腩雲吞雙拼，盛惠50元，正常的價錢。d牛腩唔會好肥，有d似清湯腩，不過份量唔算多，好快就食曬。個雲吞d蝦好大粒，而且幾彈牙。至於個湯底唔會好咸，我都飲左d湯，雖然知道唔健康，哈哈個可樂先裸命，行完山真係滿腦子都係佢，飲落肚成個人醒神！正正正玻璃樽的可樂夠氣，可惜價錢係有d貴，跟餐都要8蚊。之後去7仔補多支！正正最後埋單120蚊，兩個人，是日行山好滿足
繼續閱讀
好耐無食過依間 水準一落千丈。 1. 外賣 湯同麵無分開 2. 牛腩切到一片片 又乾身食到起渣3. 牛肚臭臭地4. d湯過鹹價錢係平 但我情願佢貴d保持好d水準。唔建議大家去食依間野..............................
繼續閱讀
神州水客龍宮大本營，連職員全部都係來至神州大地。滿街滿商場都係水客一人最少拖一喼！深入敵陣，神州水貨基地！烏煙障氣的上水，妖氣沖天的新界，返魂乏術的香港！再探神州水貨基地，其實伯伯煮理的牛腩牛雜墨丸湯底幼麵粗麵河粉都優質好好食！奈何 9 成為神州客，使得環境惡劣凌亂不堪嘈喧巴閉衛生欠佳坐得唔舒服，就連侍應收銀都清一色大媽籠段，劣質服務。肥姐侍應勁有活力精力充沛，滿場飛招呼食客。滿場神州來客，州語此起彼落，唔知以為身處深圳！瘦姐侍應您何解同我講州語呢？我靚仔又有型，那裡似大陸仔呀？大陸戰車塞滿食店內通道，舖面已經不大就更迫夾更危險！堵滿門外霸佔大半條行人路，市民要走到馬路上跟汽車爭路行，險象橫生！龍豐食物出品真心蠻不錯，味道水平亦達標。由最初只得小貓三四隻港民，做到依家日日迫爆州民水貨客。好食就好食，但坐得辛苦加零招呼加衛生欠佳，我有更好的選擇。不慚為水貨基地，大媽侍應們一開口就同食客講州語，港叔食客臉色一沉用廣東話回應。旅遊警示，非必要不要到上水行街食飯。水貨基地有趣畫面：港民食客們：西住臉邊食邊鬧！州民食客們：不停湧入啞啞咋咋一人一喼再一個籮友要坐兩張櫈。大媽侍應：話知您著火依舊貫徹始終保持無服務態度！蝗媽食客：比隻碗仔唔該，大媽侍應：您自己去攞啦！蝗媽食客：無言低頭繼續食。凍檸茶走甜，清爽通透的茶膽不苦不澀，陣陣鮮檸味夠晒提神。熱檸茶走甜，濃濃紅茶不見低，點點鮮檸味，熱辣辣灌入，不過不失。蠔油芥蘭，菜甜味突出濃郁，莖部爆汁脆卜卜，沾點鮮味蠔油更滋味。雖然內外環境十足戰場一樣地惡劣，不過龍豐出品真的蠻不錯，依然保持質素。牛腩麵，熱烘烘的腩汁濃湯，忍不住呷多二三四啖，罪過罪過！軟綿沒有半點渣，勁入味的滷水牛腩，嘴嚼間噴出甜美牛肉汁，感動陶醉！傾下大量辣椒油，爽彈幼麵捲起兇狠辣油大大力瘋狂地吸啜，好味道呀﹗意想不到地獄指數一點也不弱，辣得我額頭冒汗，全身發熱，高潮澎湃，非常刺激爽到麻痺！切雞例牌，見一碟碟切雞放係出貨處，狀甚靚仔肥美，就來一碟比多次機會您，早前試過乾鞋隔夜異味雞！雞髀當然優先處理，黏滑的雞皮淡淡雞油香，黃色皮下脂肪一舊舊亦不少，吐掉再食。白髀肉嫩嫩的，白胸肉綿綿的，淡淡然的雞味，不用添加什麼特別調味，淨食都可以，色香味合格，比想象中好味道。牛三寶粗麵，牛肚羶腥腍滋滋，牛筋膠黏滑滑軟腍腍我鍾意，牛腩鬆化多汁有得過，讓粗麵捲著大啖塞，美味滿足。清甜香濃的腩汁湯非常美妙，成舊麵餅沉底，請耐心將他鬆開。頭幾口黏黏漿漿的，經湯汁浸洗後越來越爽彈滑嫩散發蛋香，掛上香辣刺激辣油，美味倍增。淨南乳豬手，堅豬手肉多骨少，手毛清理得乾淨，只有一舊仔毛根刮脷咬掉便可。南乳味濃滲入膠黏豬皮中，清香不油膩。紫菜墨丸河，墨丸超得超掂，墨魚味濃厚鮮甜，足料不粉彈而結實，還有粒粒墨魚肉。最初都非常擔心食河粉會中伏，沒有期望下點來試試，驚喜萬分感動落淚啊！長長完整的幼河粉不短不散碎，烚得軟硬適中，不過腍兼濕度夠，大啖大啖連連啜入口，暢快開心不得了！口水雞例牌，凍冰冰的白切雞淋下口水汁。雞肉非常冰冷，肥雞厚皮腍劈劈，藏著少量啫喱狀膠原蛋白，白肉實淨無雞味，甜酸口水汁微香沒有一絲辣味。魚蛋牛膀麵，師傅完全失手，牛膀乾硬鞋韌不甘甜，慘慘豬！魚蛋粉硬不彈不鮮，欲哭無淚。湯底水汪汪，無味清淡，倒下大量辣椒油，連豉油都要出動，才能挽回少許味道。雲吞牛腩麵，臨收工湯底比起朝早晏晝差天共地，雖然都夠濃夠甜，始終有少少水水地。雲呑真心高質，蝦肉肉甜，結實溜溜。牛腩鬆化，牛甜味突出，噴汁鮮甜。爽麵掛湯掛頂級辣椒油，大媽您忘記走蔥已隊晒落湯挑走有鬼用咩！湯汁已有陣陣芫茜蔥味，好采落三羹辣椒油免強掩蓋到！碗麵落左屎，我挑走比您食唔食呀！好食就好食，不過兩啖就啜完好似無食過野。蠔油菜芯，師傅風格獨到，擺出貼題打颱風菜芯，凌亂不堪求其倒出黎！半爽甜脆嫩，半硬老粗糙，沾點鮮味蠔油免強可以。紫菜四寶麵，湯底明顯比朝早及晏晝為淡，不夠香濃啊！魚蛋好有魚味微彈微綿微滑，魚片頭爽爽香口，魚皮餃魚香醇厚魯汁輕滲，墨魚丸鮮味濃濃，豬肉丸甜甜肉汁彈彈，我真心覺得龍豐比潮興旺高質美味！極大量紫菜，師傅寬卓不手軟。牛膀牛腩撈粗，蠔油好咸，清湯有少少漂白水味。極嫩軟塾滴汁牛膀甘甜，肥腩鬆化綿綿，入味到有點咸。粗麵高質爽嫩滑不過腍。牛雜河，返樸歸真簡簡單單不花巧，驚訝的高質，滿貫 5 粒星！水貨基地師傅出品極有水準，毛肚牛腸牛膀彈滑軟綿多汁入味，牛肺腍腍輕甜不腥，滷水味清香回味無窮。瀑布般的苗條河粉，完美無瑕長啜長有，不散不碎，絲絲縷縷更加掛湯，我最愛的濶度及質地，綿綿滑滑河粉！拖著香濃湯汁，原汁原味已經大聲讚嘆不已。嗜辣的我加點優質辣油，色香味翻倍！搭著不同牛雜享用，刺激香辣冒汗流涕感覺超然。腸仔太陽蛋沙嗲牛肉出前一丁，平時都會走包，忌記了！聞到多士香味就突然想試啖，冷冰冰仲有少少濕，係咪師傅手汗黎架？掉低放棄。炸腸仔十分香口，不是咸腸不是怪味腸而且咸味適中非常好，再炸得乾爽一點會更好。太陽蛋充滿暖意，蛋黃被冷落有點凍，掉去熱湯撈麵食美味絕倫。牛肉鞋烚烚廿十成熟，沙嗲汁甜美不辣，撈麵食蠻可口。如果好似兒時即叫即做，嫩牛走走油兜個沙嗲汁，新鮮出爐就無得頂啦！鮮煮出前一丁，最緊要新鮮！等候時間夠長無所謂，最緊要質素！滾熱辣燙著嘴，爽彈滑溜，拖著沙嗲汁夾埋優質辣椒油狂啜，香辣刺激兼而有之，捲埋牛肉塞入更添色彩！太陽蛋豬扒出前一丁，等了又等，等了再等，時間真的有點長喎，莫非即煎豬扒？鮮煮丁麵？滿心歡迎地期待著，十幾分鐘後終於登場，見個樣已知道中伏，失望使到心情暴跌至谷底！執靚少少擺位拍張遺照就立即處理。鬆鬆腍腍油膩肥騰騰的炸豬扒，浸浸湯洗洗去濕濕地較易入口，醃味重而濁，平凡無意見，不是我幻想中的煎豬扒。近乎室溫太陽蛋的蛋白老到變膠，乾乾韌韌油淋淋，求那其連蛋黃吞落肚，無眼睇﹗麵條半露出水面，涼涼凍凍的，撈撈沉底讓她再次吸收點點熱力才享用。微溫發脹麵條更能飽肚嗎？粉腍黏黏討厭，難食到火滾﹗發現原來由水吧大媽煮理，印象中以往不是的喎。梗係因為等塊豬扒，所以浸到丁麵變凍發脹！梗係因為等塊豬扒，焗到太陽蛋變膠凍！浪費我寶貴的時間金錢限額。紅腸沙嗲肥牛撈出前一丁，估唔到撈出前一丁都有清湯送，潮洲粉麵一貫的作風。那股強烈野蠻蔥腥味突襲，立即掉到老遠枱邊，嚇得我呢！我受不了生蔥的。燶燶硬掘掘咸咸紅腸，白烚平民肥牛嚥嚥韌韌。麵底都算熱的，撈個室溫偏涼既沙嗲汁即時凍晒，感覺似食緊營多印尼撈麵。試完半份原味，餘下來羹勁香辣辣椒渣，狠狠一羹隊入口，刺激無比即時飈汗！某日放假晨早十點半專登爬落街想幫襯早餐 10:50 坐底，師傅收銀大媽們為兩個出前一丁及一份三文治，混亂不堪！時間一分一秒地過去，早餐只係到 11:00 正，有對港民父婦遲我兩分鐘到達已安奈不住叫兩次寫單都未有理會，最終太太親自走到前線要求落單，已經 10:58 分，大媽竟然話早餐已停！我即扯火，黑面起身轉場，依家一定要食您架咩！跟那間艾粒是叻同樣基本服務都唔識，梗係優先招呼剛到步食客，落單比杯飲品，再慢慢等食物就無得走啦！
繼續閱讀
早餐時間路過附近辦點事，一於祭祭五藏廟先。～ 早餐A 沙爹牛肉麵麵底改選出前一丁加 $3 合理，麵底火喉掌握得宜，沙爹牛肉一般般。多士加火煺太陽蛋大路貨奶茶合格港式茶餐廳，如果咁啱路過一試無妨。。。
繼續閱讀
今日嘅lunch就嚟到呢間位於上水符興街嘅粉麵店！雲吞麵係其中一樣我好鐘意食嘅嘢，基本上一星期最少都會食一兩次！呢間嘅雲吞就處於average水平！暫時食過最好味嘅係喺沾仔記，喺中環同佐敦都有鋪頭！嗰啲啲乒乓球雲吞配埋個大地魚湯真係冇得頂，一試難忘~~🤤🤤🤤🤤🤤🤤不過講返呢間，雲吞嘅size都算大隻，蝦肉都夠彈牙，湯底都夠味，但略嫌味精重咗少少！一碗$36 唔包飲品其實係有少少貴~~🥴🥴
繼續閱讀