之前睇OpenRice啲評語有啲擔心，但親身去完覺得整體體驗幾好！現場環境真係冇得輸，現代和風設計加柔和燈光，氣氛浪漫有格調，有現場live band，中間仲有火焰表演，較夜後音樂會逐漸加大，似去左party咁。雖然見有人話服務一般，但當日我覺得算唔錯。可能因為除主菜外，所有食物同飲品都係無限追加，侍應確實忙，但態度友善。酒類選擇亦非常多，香檳清爽易入口。食物整體賣相佳，味道亦不俗。總括來講，如果抱住食高級餐廳嘅心態可能會有小失望，但當係升級版半自助餐，重點放喺享受環境氣氛同free-flow酒水及食物，咁樣心理平衡啲，性價比都算合理。特別覺得荔枝玫瑰馬天尼非常好飲，水果味同酒味平衡做得好好又唔會過甜。食物種類相當豐富，前菜我最鍾意芝麻菠菜同火炙三文魚，味道清新又開胃。刺身質素就普通啦，當我哋講明要再encore刺身時，侍應竟然推咗成隻‘刺身卷船’出嚟，跟埋全部手卷，服務以高級餐廳而言，係唔夠細心嘅！另外，天婦羅有蝦有蔬菜，炸得薄脆，唔油膩，不錯。主菜西京燒銀鱈魚同辣汁牛柳，味道都唔錯，合乎預期。最後仲有甜品盛合，賣相靚但偏甜。小丸子串幾特別，係外層似糖漿，內裹係液態的，上面係爆加糖。…查看更多
